ದೂರದರ್ಶನ: ‘ಶ್ರೀಕೃಷ್ಣ’ ಧಾರಾವಾಹಿ ಮರುಪ್ರಸಾರ

ಮುಂಬೈ (ಪಿಟಿಐ): ‘ರಾಮಾಯಣ’, ‘ಮಹಾಭಾರತ’ದ ನಂತರ ‘ಶ್ರೀಕೃಷ್ಣ’ ಪೌರಾಣಿಕ ಧಾರಾವಾಹಿಯನ್ನು ವೀಕ್ಷಿಸುವ ಅವಕಾಶ ಪ್ರೇಕ್ಷಕರಿಗೆ ದೊರಕಿದೆ. 

ಶೀಘ್ರದಲ್ಲೇ 'ಶ್ರೀಕೃಷ್ಣ' ಬರಲಿದೆ ಎಂದು ಡಿಡಿ ವಾಹಿನಿ ತನ್ನ‌ ಟ್ವಿಟರ್‌ ಖಾತೆಯಲ್ಲಿ ಬಹಿರಂಗಪಡಿಸಿದೆ. ರಮಾನಂದ್ ಸಾಗರ್ ನಿರ್ದೇಶನದ ಈ ಧಾರಾವಾಹಿ 20 ವರ್ಷಗಳ ಹಿಂದೆ ದೂರದರ್ಶನದಲ್ಲಿ ಪ್ರಸಾರವಾಗಿತ್ತು.  1993 ರಲ್ಲಿ ಈ ಧಾರಾವಾಹಿ ಮೊದಲ ಬಾರಿಗೆ ದೂದರ್ಶನ ಮೆಟ್ರೊ ವಾಹಿನಿಯಲ್ಲಿ (ಡಿಡಿ 2) ಪ್ರಸಾರವಾಗಿತ್ತು. ನಂತರ, 1996ರಲ್ಲಿ ಡಿಡಿ ರಾಷ್ಟ್ರೀಯ ವಾಹಿನಿಯಲ್ಲೂ ಪ್ರಸಾರವಾಯಿತು. 

ಸರ್ವದಾಮನ್ ಡಿ‌ ಬ್ಯಾನರ್ಜಿ ಮತ್ತು ಸ್ವಪ್ನಿಲ್‌ ಜೋಷಿ ಕೃಷ್ಣನ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು.