ಲಾಲ್ ಬಾಗ್... ರಾಜಧಾನಿ ಬೆಂಗಳೂರಿನಲ್ಲಿರುವ ಈ ಕೆಂಪುತೋಟ, ಸಸ್ಯೋದ್ಯಾನ ಯಾರಿಗೆ ಗೊತ್ತಿಲ್ಲ ಹೇಳಿ. ಪ್ರಸಿದ್ಧ ಗಾಜಿನ ಮನೆಯಲ್ಲಿ ನಡೆಯುವ ಫಲಪುಷ್ಪ ಪ್ರದರ್ಶನ ಮಕ್ಕಳಿಂದ ಹಿಡಿದು ವೃದ್ಧರಿಗೂ ಅಚ್ಚುಮೆಚ್ಚು. ಸಸ್ಯ ಪ್ರಭೇದಗಳನ್ನು ರಾಜ್ಯಕ್ಕೆ ಪರಿಚಯಿಸಿದ ಕೀರ್ತಿಯೂ ಲಾಲ್ಬಾಗ್ನದ್ದು. ಕಾಲಕಾಲಕ್ಕೆ ಹಲವು ಪ್ರಯೋಗಗಳು, ಸಂಶೋಧನೆಗಳು ಹಾಗೂ ಸಸ್ಯ ಪೂರೈಕೆಯಲ್ಲಿ ಈ ಕೆಂಪುತೋಟ ಸಾಕಷ್ಟು ಕೊಡುಗೆ ನೀಡಿದೆ, ನೀಡುತ್ತಿದೆ. ಇಂತಹದ್ದೇ ಉದ್ದೇಶವನ್ನು ಮತ್ತಷ್ಟು ವೃದ್ಧಿಸುವ ಹಿನ್ನೆಲೆಯಲ್ಲಿ ‘ಪೂರ್ವ ಲಾಲ್ಬಾಗ್’ ಅಥವಾ ‘ಮಿನಿ ಲಾಲ್ಬಾಗ್’ ಬೆಂಗಳೂರಿನ ಹೊರವಲಯದ ಕನ್ನಮಂಗಲದಲ್ಲಿ ಸಜ್ಜುಗೊಂಡಿದೆ.