ಪ್ಲಾಸ್ಟಿಕ್ ಮನೆ, ಪ್ಲಾಸ್ಟಿಕ್ ಹಳ್ಳಿ

"" . ಪ್ಲಾಸ್ಟಿಕ್ಕಿನ ಹಾವಳಿ ನಿಯಂತ್ರಿಸಲು ಪರಿಸರ ಸ್ನೇಹಿ ಮಾರ್ಗವೊಂದು ಇದೆ. ಅದು ‘ಪ್ಲಾಸ್ಟಿಕ್ ಬಾಟಲಿಗಳ ಹಳ್ಳಿ’!

. ನಗರಗಳಲ್ಲಿ ವಾಸಿಸುವ ಸಾಮಾನ್ಯ ವ್ಯಕ್ತಿಯೊಬ್ಬ ತನ್ನ ಜೀವಿತಾವಧಿಯಲ್ಲಿ ಸಾವಿರಾರು ಸಂಖ್ಯೆಯಲ್ಲಿ ಪ್ಲಾಸ್ಟಿಕ್ ಬಾಟಲಿಗಳನ್ನು ಬಳಸುತ್ತಾನೆ. ಇದರಿಂದಾಗಿ, ತ್ಯಾಜ್ಯಗಳನ್ನು ವಿಲೇವಾರಿ ಮಾಡುವ ಭೂಭರ್ತಿ ಸ್ಥಳಗಳಲ್ಲಿ ಪ್ಲಾಸ್ಟಿಕ್ಕಿನ ಹಾವಳಿ ವಿಪರೀತ ಆಗುತ್ತದೆ. ಪ್ಲಾಸ್ಟಿಕ್ಕಿನ ಯಾವುದೇ ವಸ್ತು ಸಂಪೂರ್ಣವಾಗಿ ಕೊಳೆತು ಮಣ್ಣಿಗೆ ಸೇರುವುದೂ ಇಲ್ಲ.

. ಈ ಸಮಸ್ಯೆಯನ್ನು ಪರಿಹರಿಸುವ ಉದ್ದೇಶದಿಂದ ಕೆನಡಾ ದೇಶದ ಉದ್ಯಮಿ ರಾಬರ್ಟ್ ಬೆಜು ಎನ್ನುವವರು ವಿನೂತನ ಉಪಾಯವೊಂದನ್ನು ಹುಡುಕಿದ್ದಾರೆ. ಅವರು ತಾವು ಬಳಸಿ, ಎಸೆದ ವಸ್ತುಗಳನ್ನೇ ಬಳಸಿ ಮನೆ ನಿರ್ಮಾಣ ಮಾಡಿ, ಅದರಲ್ಲಿಯೇ ವಾಸಿಸುವ ತೀರ್ಮಾನ ಕೈಗೊಂಡಿದ್ದಾರೆ.

. ಅಂದರೆ, ಅವರು ಪ್ಲಾಸ್ಟಿಕ್ ಬಾಟಲಿಗಳನ್ನು ಪುನರ್ ಬಳಕೆ ಮಾಡಿ, ಆಕರ್ಷಕವಾದ ಮನೆಗಳನ್ನು ನಿರ್ಮಿಸಿದ್ದಾರೆ. ಆ ಮನೆಗಳು ಗಟ್ಟಿಮುಟ್ಟಾಗಿಯೂ ಇವೆ. ಪ್ಲಾಸ್ಟಿಕ್ ಬಾಟಲಿಗಳಿಂದ ನಿರ್ಮಿಸಿದ 120ಕ್ಕೂ ಹೆಚ್ಚು ಮನೆಗಳು ಇರುವ ಹಳ್ಳಿಯೊಂದು ಪನಾಮಾದ ಬೊಕಾಸ್ ಡೆಲ್ ಟೊರೊ ಎನ್ನುವ ದ್ವೀಪದಲ್ಲಿ ನಿರ್ಮಾಣವಾಗುತ್ತಿದೆ.

. ಉಕ್ಕಿನ ಫ್ರೇಮ್ ಬಳಸಿ, ಅವುಗಳ ನಡುವೆ ಪುನರ್ ಬಳಕೆ ಮಾಡಿದ ಪ್ಲಾಸ್ಟಿಕ್ ಬಾಟಲಿಗಳನ್ನು ಇರಿಸಿ ಮನೆಗಳ ಗೋಡೆ ನಿರ್ಮಾಣ ಮಾಡಲಾಗುತ್ತಿದೆ. ಈ ಮನೆಗಳು ಒಳಗಿನಿಂದ ತಂಪಾಗಿ ಇರುತ್ತವೆಯಂತೆ. ಹಾಗಾಗಿ, ಹವಾ ನಿಯಂತ್ರಕಗಳನ್ನು ಅಳವಡಿಸಬೇಕಾದ ಅಗತ್ಯ ಇಲ್ಲ.

. ಪ್ಲಾಸ್ಟಿಕ್ ಬಾಟಲಿ ಮನೆಗಳ ನಿರ್ಮಾಣ ಕಡಿಮೆ ಖರ್ಚಿನದ್ದು ಮಾತ್ರವೇ ಅಲ್ಲ, ನಿರ್ಮಾಣ ಕಾರ್ಯ ಕಡಿಮೆ ಸಮಯದಲ್ಲಿ ಆಗುತ್ತದೆ. ಹಾಗೆಯೇ, ಅವು ಭೂಕಂಪ ನಿರೋಧಕ ಮನೆಗಳೂ ಹೌದು.

. ***

. ದೊಡ್ಡ ರಣಹದ್ದು

. ಲ್ಯಾಪೆಟ್–ಫೇಸ್ಡ್ ರಣಹದ್ದು ಆಫ್ರಿಕಾದ ರಣಹದ್ದುಗಳ ಪೈಕಿ ಅತ್ಯಂತ ದೊಡ್ಡದು. ಇದು ಒಂದು ಮೀಟರ್ಗೂ ಹೆಚ್ಚು ಎತ್ತರವಿರುತ್ತದೆ. ಈ ಹದ್ದು ತನ್ನ ಎರಡೂ ರೆಕ್ಕೆಗಳನ್ನು ಅಗಲವಾಗಿ ಚಾಚಿದರೆ, ಎರಡೂ ರೆಕ್ಕೆಗಳ ತುದಿಗಳ ನಡುವಿನ ಅಂತರ ಅಂದಾಜು 2.6 ಮೀಟರ್ ಆಗಿರುತ್ತದೆ.

. ದೊಡ್ಡದಾದ ಕೊಕ್ಕು ಇದರ ವೈಶಿಷ್ಟ್ಯ. ಈ ಕೊಕ್ಕಿನ ಸಹಾಯದಿಂದ ಅದು ಯಾವುದೇ ಪ್ರಾಣಿಯ ದಪ್ಪ ಚರ್ಮವನ್ನು ಹರಿದು, ಮಾಂಸ ತಿನ್ನಬಲ್ಲದು. ಬೇರೆ ಜಾತಿಯ ರಣಗದ್ದುಗಳು, ಸತ್ತ ಪ್ರಾಣಿಗಳ ಮಾಂಸ ತಿನ್ನಲು ಈ ರಣಹದ್ದುಗಳ ಸಹಾಯ ಪಡೆಯುತ್ತವಂತೆ.

. ರೆಕ್ಕೆಯ ಮೇಲಿರುವ ಗರಿಗಳು ಈ ರಣಹದ್ದುಗಳಿಗೆ ರೆಕ್ಕೆಗಳನ್ನು ಮತ್ತೆ ಮತ್ತೆ ಬಡಿಯದೆಯೇ ಬಹಳ ಹೊತ್ತು ಹಾರಾಡಲು, ಎತ್ತರಕ್ಕೆ ಹೋಗಲು ಸಹಾಯ ಮಾಡುತ್ತವೆ. ತಲೆ ಹಾಗೂ ಕುತ್ತಿಗೆ ಮೇಲಿರುವ ಜೋಲು ಚರ್ಮದ ಕಾರಣದಿಂದಾಗಿ ಇದಕ್ಕೆ ಈ ಹೆಸರು ಬಂದಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪ್ಲಾಸ್ಟಿಕ್ ಮನೆ, ಪ್ಲಾಸ್ಟಿಕ್ ಹಳ್ಳಿ

ಚಿನಕುರುಳಿ Cartoon: ಶುಕ್ರವಾರ, 16 ಜನವರಿ 2026

ಚುರುಮುರಿ: ಕುರ್ಚಿ ಜ್ವರ!

ಸರ್ಕಾರದ ನಿರ್ಲಕ್ಷ್ಯ: 78.54 ಎಕರೆ ಕಾಡಿನಲ್ಲಿ ಎಂಬೆಸಿಯಿಂದ ಐ.ಟಿ ಪಾರ್ಕ್‌

ದಿನ ಭವಿಷ್ಯ: ಈ ರಾಶಿಯವರ ಕಂಕಣ ಬಲದ ಸಾಧ್ಯತೆಯು ಹೆಚ್ಚಾಗಿ ಇರುವುದು

WPL| ಶ್ರೇಯಾಂಕಾಗೆ ಐದು ವಿಕೆಟ್‌, ರಾಧಾ ಅರ್ಧಶತಕ: RCBಗೆ ಹ್ಯಾಟ್ರಿಕ್ ಗೆಲುವು

ತುಮಕೂರು: ಕರ್ನಾಟಕ ಒಲಿಂಪಿಕ್ಸ್‌ಗೆ ಚಾಲನೆ

ನ್ಯೂಜಿಲೆಂಡ್ ವಿರುದ್ಧ ಟಿ-20 ಸರಣಿ: ರವಿ ಬಿಷ್ಣೋಯಿ, ಶ್ರೇಯಸ್ ಅಯ್ಯರ್ ಆಯ್ಕೆ

ವಿಜಯ್ ಹಜಾರೆ ಕ್ರಿಕೆಟ್ | ವಿಶ್ವರಾಜ್ ಜಡೇಜ ಶತಕ: ಫೈನಲ್‌ಗೆ ಸೌರಾಷ್ಟ್ರ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಒಳನೋಟ | ಎಐ ಕಲಿತರಷ್ಟೇ ಕೆಲಸ: ಸೃಜನಶೀಲತೆ ಮತ್ತು ಸಹಜೀವನ ಅಗತ್ಯ

ಒಳನೋಟ | ಆನೆ ಕಾರಿಡಾರ್‌ ಕಣ್ಮರೆ: ಹೆಚ್ಚಿದ ಮಾನವ–ಕಾಡಾನೆ ಸಂಘರ್ಷ

ಒಳನೋಟ: ಹಾವೇರಿಯ ಬೀಜ ಕ್ರಾಂತಿ, ಚಿಗುರಿದ ಆರ್ಥಿಕತೆ

ಚಿನಕುರುಳಿ Cartoon: ಶುಕ್ರವಾರ, 16 ಜನವರಿ 2026

ಚುರುಮುರಿ: ಕುರ್ಚಿ ಜ್ವರ!

ಸರ್ಕಾರದ ನಿರ್ಲಕ್ಷ್ಯ: 78.54 ಎಕರೆ ಕಾಡಿನಲ್ಲಿ ಎಂಬೆಸಿಯಿಂದ ಐ.ಟಿ ಪಾರ್ಕ್‌

ದಿನ ಭವಿಷ್ಯ: ಈ ರಾಶಿಯವರ ಕಂಕಣ ಬಲದ ಸಾಧ್ಯತೆಯು ಹೆಚ್ಚಾಗಿ ಇರುವುದು