ಮೋದಿ ಪ್ರಮಾಣ ವಚನ ಸಮಾರಂಭವನ್ನು ಟಿ.ವಿಯಲ್ಲಿ ವೀಕ್ಷಿಸುತ್ತಿರುವ ಒಬಾಮ; ಇದು ಫೇಕ್!
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ ಅವರು ಭಾರತದ ಪ್ರಧಾನಿ ನರೇಂದ್ರ ಮೋದಿ ಪ್ರಮಾಣ ವಚನ ಸ್ವೀಕಾರ ಸಮಾರಂಭವನ್ನು ಟಿ.ವಿಯಲ್ಲಿ ವೀಕ್ಷಿಸುತ್ತಿರುವ ಚಿತ್ರವೊಂದು ವಾಟ್ಸ್ಆ್ಯಪ್ ಮತ್ತು ಫೇಸ್‌ಬುಕ್‌ನಲ್ಲಿ ಹರಿದಾಡಿದೆ.
ಮೋದಿಯ ತಾಕತ್ತು ಇದು. ಅಮೆರಿಕದಲ್ಲಿ ಒಬಾಮ, ಮೋದಿಯವರ ಪ್ರಮಾಣ ವಚನ ವೀಕ್ಷಿಸುತ್ತಿದ್ದಾರೆ ಎಂದು ಈ ಚಿತ್ರದ ಜತೆ ಒಕ್ಕಣೆ ಬರೆಯಲಾಗಿದೆ.
Barak Obama Watching Swearing Ceremony 🙏 @narendramodi This Is Modi Power🔥 #ModiSarkar2 #ModiSwearingIn pic.twitter.com/8tbkDGq94G
— Manasi Sutar🇮🇳 (@Manasisutar1999) May 30, 2019
ಅಂದಹಾಗೆ ಮೋದಿ ಪ್ರಮಾಣ ವಚನ ಸಮಾರಂಭವನ್ನು ಒಬಾಮ ವೀಕ್ಷಿಸಿದರೋ ಇಲ್ಲವೋ ಎಂಬುದರ ಬಗ್ಗೆ ಸ್ಪಷ್ಟ ಮಾಹಿತಿ ಇಲ್ಲ. ಆದರೆ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿರುವ ಈ ಫೋಟೊ ಫೇಕ್ ಎಂದು ಎಎಫ್‌ಪಿ ಫ್ಯಾಕ್ಟ್ಚೆಕ್ ಮಾಡಿ ವರದಿ ಮಾಡಿದೆ.
ಫ್ಯಾಕ್ಟ್ಚೆಕ್
ಈ ಚಿತ್ರವನ್ನು ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮಾಡಿದಾಗ ನಿಜವಾದ ಫೋಟೊ ಸಿಕ್ಕಿದೆ. ಈ ಫೋಟೊವನ್ನು ವೈಟ್‌ಹೌಸ್‌ನಲ್ಲಿ ವರದಿ ಮಾಡುತ್ತಿರುವ ಸಿಎನ್‌ಎನ್‌ನ ಮುಖ್ಯ ವರದಿಗಾರ ಜಿಮ ಅಕೋಸ್ಟಾ ಜೂನ್ 26, 2014ರಂದು ಟ್ವೀಟ್ ಮಾಡಿದ್ದರು. ಈ ಫೋಟೊ ಕ್ಲಿಕ್ಕಿಸಿದ್ದು ಅಮೆರಿಕದ ಛಾಯಾಗ್ರಾಹಕ ಡೌ ಮಿಲ್ಸ್.
President Obama also watching #USA at work... aboard Air Force One. pic.twitter.com/CU2qCAYHW9 h/t @dougmillsnyt
— Jim Acosta (@Acosta) June 26, 2014
President Obama watches the USA vs Germany World Cup game aboard Air Force One enroute to Minneapolis. #worldcup pic.twitter.com/wfuJvb6hoI
— Doug Mills (@dougmillsnyt) June 26, 2014
ಮಿನಿಯಪೊಲಿಸ್‌ಗೆ ಪ್ರಯಾಣಿಸುತ್ತಿದ್ದಾಗ ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮ ಅವರು ಏರ್ ಫೋರ್ಸ್ ಒನ್‌ನಲ್ಲಿ ಯುಎಸ್ಎ ಮತ್ತು ಜರ್ಮನಿ ನಡುವಿನ ವಿಶ್ವಕಪ್ ಪಂದ್ಯ ವೀಕ್ಷಿಸುತ್ತಿರುವುದು ಎಂದು ಟ್ವೀಟ್‌ನಲ್ಲಿ ಹೇಳಲಾಗಿದೆ.
2014ರ ಫಿಫಾ ವಿಶ್ವಕಪ್‌ನಲ್ಲಿ ಜೂನ್ 26ರಂದು ಅಮೆರಿಕ - ಜರ್ಮನಿ ಪಂದ್ಯ ನಡೆದಿತ್ತು. ಒಬಾಮ ವಿಶ್ವಕಪ್ ವೀಕ್ಷಿಸುತ್ತಿರುವುದನ್ನು ಎಎಫ್‌ಪಿ ವರದಿ ಇಲ್ಲಿದೆ.
ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
