ಕೊರೊನಾ ಒಂದು ವೈರಸ್: ಪಿಐಬಿ ಫ್ಯಾಕ್ಟ್ ಚೆಕ್

ಜಗತ್ತಿನೆಲ್ಲೆಡೆ ಆತಂಕ ಸೃಷ್ಟಿಸಿರುವ ಕೋವಿಡ್–19 ಒಂದು ಬ್ಯಾಕ್ಟೀರಿಯಾ. 100 ಎಂಜಿ ಆ್ಯಸ್ಪಿರಿನ್ ಅಥವಾ ಅಪ್ರೊನಾಕ್ಸ್ ಮೂಲಕ ಬ್ಯಾಕ್ಟೀರಿಯಾವನ್ನು ಗುಣಪಡಿಸಬಹುದು. ಇಟಲಿಯಲ್ಲಿ ಜನರು ಇದನ್ನೇ ಬಳಸಿ ಉತ್ತಮ ಫಲಿತಾಂಶ ಕಂಡಿದ್ದಾರೆ – ಈ ರೀತಿಯ ಸರಣಿ ಮಾಹಿತಿ ಇರುವ ವಿಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ‌

ಈ ವಿಡಿಯೊನ್ನು ಪರಾಮರ್ಶೆ ನಡೆಸಿರುವ ಪಿಐಬಿ ಫ್ಯಾಕ್ಟ್ ಚೆಕ್ ವೇದಿಕೆಯು ಮಾಹಿತಿಯನ್ನು ತಳ್ಳಿಹಾಕಿದೆ. ‘ವಿಡಿಯೊದಲ್ಲಿ ನೀಡಲಾಗಿರುವು ಮಾಹಿತಿಯು ತಪ್ಪು. ಕೊರೊನಾ ಒಂದು ವೈರಸ್. ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಾರ, ಇದಕ್ಕೆ ಈವೆರೆಗೆ ಲಸಿಕೆ ಲಭ್ಯವಿಲ್ಲ’ ಎಂದು ಸ್ಪಷ್ಟಪಡಿಸಿದೆ. ಇಂತಹ ವಿಡಿಯೊಗಳಿಗೆ ಮಹತ್ವ ನೀಡಬಾರದು ಎಂದು ಸೂಚನೆ ನೀಡಿದೆ.