ಭಾನುವಾರ, ಸೆಪ್ಟೆಂಬರ್ 26, 2021
21 °C

Factcheck: ಲಸಿಕೆ ಪಡೆದವರ ಪ್ರತಿಕ್ರಿಯೆಯನ್ನು ಕೇಳಲ್ಲ; ಮೋಸ ಹೋಗದಿರಿ –ಸರ್ಕಾರ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಕೋವಿಡ್‌ ಲಸಿಕೆ ಪಡೆದವರ ಪ್ರತಿಕ್ರಿಯೆಯನ್ನು ಸರ್ಕಾರ ಕೇಳುತ್ತಿದೆ. ಇದಕ್ಕಾಗಿ 912250041117 ಸಂಖ್ಯೆಯಿಂದ ಕರೆ ಬರುತ್ತಿದೆ. ಈ ಸಂಖ್ಯೆಯಿಂದ ಬರುವ ಕರೆ ನಕಲಿ ಎಂದು ವ್ಯಾಟ್ಸ್‌ಆ್ಯಪ್‌ನಲ್ಲಿ ಬರುತ್ತಿರುವ ಫಾರ್ವರ್ಡೆಡ್ ಸಂದೇಶವೊಂದು ತಿಳಿಸಿದೆ. ‘ನನ್ನ ಸ್ನೇಹಿತನಿಗೆ ಈ ಸಂಖ್ಯೆಯಿಂದ ಕರೆ ಬಂದಿತು. ಲಸಿಕೆ ಹಾಕಿಸಿಕೊಂಡಿದ್ದರೆ 1ನ್ನು ಒತ್ತಿ ಎಂದು ತಿಳಿಸಲಾಯಿತು. ಅವನು 1 ಒತ್ತಿದ ತಕ್ಷಣ ಅವನ ಮೊಬೈಲ್ ಹ್ಯಾಕ್ ಆಯಿತು. ಈ ಸಂಖ್ಯೆಯಿಂದ ಕರೆ ಬಂದರೆ ಜಾಗರೂಕರಾಗಿರಿ’ ಎಂದು ಆ ಸಂದೇಶದಲ್ಲಿ ಉಲ್ಲೇಖಿಸಲಾಗಿದೆ.

ವ್ಯಾಟ್ಸ್‌ಆ್ಯಪ್‌ನಲ್ಲಿ ಹರಿದಾಡುತ್ತಿರುವ ಲಸಿಕೆ ಕುರಿತ ಸಂದೇಶದ ಬಗ್ಗೆ ಪಿಐಬಿ ಫ್ಯಾಕ್ಟ್ ಚೆಕ್ ಪರಿಶೀಲನೆ ನಡೆಸಿ, ಎರಡು ವಿಚಾರಗಳನ್ನು ಸ್ಪಷ್ಟಪಡಿಸಿದೆ. ಮೊದಲನೆಯದಾಗಿ ಈ ಸಂಖ್ಯೆಯಿಂದ ಬರುವ ಕರೆ ಮೋಸದ್ದು. ಎರಡನೆಯದಾಗಿ ಕೇಂದ್ರ ಸರ್ಕಾರವು ಲಸಿಕೆ ಪಡೆದವರ ಪ್ರತಿಕ್ರಿಯೆ ಕೇಳಲು ‘1921’ ಎಂಬ ಅಧಿಕೃತ ಸಂಖ್ಯೆಯನ್ನು ಬಳಸುತ್ತಿದೆ. ಹೀಗಾಗಿ ಮೋಸದ ಬಲೆಗೆ ಬೀಳದಿರಿ ಎಂದು ಜನರನ್ನು ಎಚ್ಚರಿಸಿದೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು