ಮಿರ್ಚಿ ಬಜಿಗೆ ಮುಂಗಡ ಬುಕ್ಕಿಂಗ್..!

ಆಲಮೇಲ: ಮುಸ್ಸಂಜೆ 6ರಿಂದ ರಾತ್ರಿ 8ರವರೆಗೂ ಎರಡು ತಾಸಿನ ವ್ಯಾಪಾರ. ಇಲ್ಲಿ ಸಿಗೋದು ಮಿರ್ಚಿ ಭಜಿ, ವಡಾಪಾವ್ ಅಷ್ಟೇ. ಅದೂ ತಳ್ಳು ಗಾಡಿಯಲ್ಲಿ. ಇದು ಆಲಮೇಲ ಪಟ್ಟಣದ ಲಕ್ಷ್ಮಣ ಗುರುಕಾರ ಅವರ ವೈಶಿಷ್ಟ್ಯತೆ.

. ನಿಗದಿತ ಸಮಯದಲ್ಲಿ ತಳ್ಳುಗಾಡಿ ಮುಂದೆ ಜಮಾಯಿಸುವ ಜನಸ್ತೋಮ ಬಜಿ ಮನೆಗೊಯ್ಯಲು ಮುಂಗಡ ಬುಕ್ಕಿಂಗ್ ಮಾಡುತ್ತಾರೆ. ಹಲವರು ಪಾಳಿ ಹಚ್ಚಿ ಕಾದು ನಿಂತು ಬಜಿ ಸವಿದು, ಮನೆಗೂ ಕೊಡೊಯ್ಯುವುದು ವಿಶೇಷ. ಮುಂಗಡವಾಗಿ ₹ 50, ₹ 100 ಕೊಟ್ಟು ಇಲ್ಲಿ ಕಾದು ನಿಲ್ಲುತ್ತಾರೆ.

. ‘ನಮ್ಮಪ್ಪನಿಂದ ಬಜಿ ಮಾಡೋದನ್ನ ಕಲಿತೆ. ಇದೇ ಸ್ಥಳದಲ್ಲಿ ಮಿಠಾಯಿ, ಬೆಂಡು–ಬತ್ತಾಸು, ಬಜಿ ವ್ಯಾಪಾರ ಮಾಡುತ್ತಿದ್ದರು ಅವರು. ಮಿಠಾಯಿ ವ್ಯಾಪಾರ ಅಷ್ಟಾಗಿ ನಡೆಯಲಿಲ್ಲ. ಬೇಕರಿ ಆರಂಭವಾದಂತೆ ಮಿಠಾಯಿ ವಹಿವಾಟು ಸ್ಥಗಿತಗೊಂಡಿತು. ವ್ಯಾಪಾರಕ್ಕೆ ಸಂಕಟ ಕಾಲ ಬಂದಾಗ, ದುಡಿಯಲು ಪುಣೆಗೆ ಹೋದರು.

. ಅಲ್ಲಿ ತಳ್ಳುಗಾಡಿಯಲ್ಲಿ ಬಜಿ, ವಡಾಪಾವ್ ಮಾಡುವುದನ್ನು ಕಂಡು ಆಲಮೇಲದಲ್ಲೂ ಇದೇ ವಹಿವಾಟು ನಡೆಸಲು ಊರಿಗೆ ಮರಳಿದರು. ತಳ್ಳುಗಾಡಿಯಲ್ಲಿ ಬಜಿ, ವಡಾಪಾವ್ ವ್ಯಾಪಾರ ಆರಂಭಿಸಿದರು. ಅಂದಿನಿಂದ ಇಂದಿನವರೆಗೆ ಗಿರಾಕಿಗಳಿಗೆ ಕೊರತೆಯಿಲ್ಲ. ಸಂಕಟದಲ್ಲಿ ಕೈ ಹಿಡಿದ ಈ ಬಜಿ ವ್ಯಾಪಾರ ನೆಮ್ಮದಿಯ ಬುದುಕು ನೀಡಿತು. ಬಜಿ ಶಿವಪ್ಪ ಎಂದೇ ತಂದೆ ಪ್ರಸಿದ್ಧಿಯಾದರು’ ಎಂದು ಲಕ್ಷ್ಮಣ ತಿಳಿಸಿದರು.

. 2008ರಿಂದ ಲಕ್ಷ್ಮಣ ತಂದೆಯ ಕಾಯಕವನ್ನೇ ಮುಂದುವರೆಸಿದ್ದಾರೆ. ಅವರಪ್ಪನ ಕೈರುಚಿಯಂತೆ ಬಜಿ ಮಾಡುತ್ತಿದ್ದಾರೆ ಎನ್ನುತ್ತಾರೆ ಗ್ರಾಹಕ ಶಿವನಗೌಡ ಬಿರಾದಾರ.

. ‘ಮಿರ್ಚಿ ಬಜಿ, ವಡಾಪಾವ್ ಮಾಡೋದ್ ಬಿಟ್ರೇ, ಮತ್ತೇನನ್ನೂ ನಾವು ಮಾಡಲ್ಲ. ಇಷ್ಟು ವರ್ಷ ಇವೆರಡೇ ನಮ್ಮ ಕೈ ಹಿಡಿದಿವೆ. ಬದುಕಿಗೆ ಆಸರೆಯಾಗಿವೆ. ಗ್ರಾಹಕರು ಹುಡುಕಿಕೊಂಡು ಬರುವಂತಾಗಲು ನಮ್ಮ ಸ್ವಾದಿಷ್ಟ ರುಚಿಯೇ ಕಾರಣ’ ಎಂದು ಲಕ್ಷ್ಮಣ ಹೇಳಿದರು.

. ‘ಶುದ್ಧ ಕಡ್ಲೆ ಹಿಟ್ಟು, ಶೇಂಗಾ ಎಣ್ಣೆ ಬಳಸುವೆ. ಯಾವುದೇ ಸಂದರ್ಭದಲ್ಲೂ ಗುಣಮಟ್ಟದಲ್ಲಿ ರಾಜಿಯಿಲ್ಲ. ಉತ್ತಮ ಸೇವೆ, ಗುಣಮಟ್ಟದ ತಿನಿಸು ನೀಡುವುದು ತಂದೆ ಹೇಳಿಕೊಟ್ಟ ಪಾಠ. ನಿತ್ಯವೂ ಎಲ್ಲ ಖರ್ಚು ತೆಗೆದು ₹ 800ರಿಂದ ₹ 1000 ಉಳಿಯಲಿದೆ. ದಶಕದಿಂದ ನಮ್ಮ ಕೈರುಚಿಗೆ ಗ್ರಾಹಕರು ಮನಸೋತಿದ್ದಾರೆ’ ಎಂದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮಿರ್ಚಿ ಬಜಿಗೆ ಮುಂಗಡ ಬುಕ್ಕಿಂಗ್..!

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಆಗಸ್ಟ್‌ 29ರಿಂದ ಪ್ರೊ ಕಬಡ್ಡಿ ಲೀಗ್

ವೇಟ್‌ಲಿಫ್ಟಿಂಗ್: ಸಾಯಿರಾಜ್‌ಗೆ ಕಂಚು

ICC Test Rankings: 15 ಸ್ಥಾನ ಮೇಲೇರಿ ಅಗ್ರ ಹತ್ತರಲ್ಲಿ ಕಾಣಿಸಿಕೊಂಡ ಗಿಲ್

ಭಾರತ ‘ಎ’ ಹಾಕಿ ತಂಡದ ಶುಭಾರಂಭ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025