ಕಾಫಿ ವಿತ್ ಪ್ರೊಟೀನ್: ಮಂದಿರಾ ಹೊಸ ರುಚಿ
ಅಕ್ಷರ ಗಾತ್ರ :ಆ |ಆ |ಆ
ಲಾಕ್‌ಡೌನ್ ಅವಧಿಯಲ್ಲಿ ಸೆಲೆಬ್ರಿಟಿಗಳು ಹೊಸ ಹೊಸ ಅಡುಗೆ ಪ್ರಯೋಗಗಳನ್ನು ಮಾಡಿ ತಮ್ಮ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಳ್ಳುತ್ತಿದ್ದಾರೆ. ಆ ಮೂಲಕ ತಮ್ಮ ಅಭಿಮಾನಿಗಳನ್ನು ಖುಷಿ ಪಡಿಸುತ್ತಿರುತ್ತಾರೆ. ಈಗ ನಟಿ ಮಂದಿರಾ ಬೇಡಿ ಪ್ರೊಟೀನ್ ಕಾಫಿ ತಯಾರಿಸುವ ಮೂಲಕ ಹೊಸ ಪ್ರಯೋಗವನ್ನು ಯಶಸ್ವಿಗೊಳಿಸಿದ್ದಾರೆ. ತಾವು ತಯಾರಿಸಿದ ಪ್ರೊಟೀನ್ ಕಾಫಿಯ ಜೊತೆ ಫೋಟೊ ಹಂಚಿಕೊಂಡಿರುವ ಮಂದಿರಾ ರೆಸಿಪಿ ವಿಧಾನವನ್ನು ಪೋಸ್ಟ್ ಮಾಡಿದ್ದಾರೆ.
‘ನನ್ನ ಕಾಫಿ ಕಪ್‌ನಲ್ಲಿ ಪ್ರೊಟೀನ್ ಕಾಫಿ ಇರುವುದು ಸಂತಸ ತಂದಿದೆ. ನೀವು ಇದನ್ನು ಇಷ್ಟಪಡುತ್ತೀರಿ ಎಂದುಕೊಂಡಿದ್ದೇನೆ. ನೀವು ಈ ರೆಸಿಪಿಯನ್ನು ಪ್ರಯತ್ನಿಸಿ. ಹೇಗಿದೆ ಎಂದು ಕಮೆಂಟ್ ಮಾಡಿ ತಿಳಿಸಿ’ ಎಂದು ಬರೆದುಕೊಂಡಿದ್ದಾರೆ.
ಬೇಕಾಗುವ ಸಾಮಗ್ರಿಗಳು: ಕಾಫಿಪುಡಿ – 2 ಟೇಬಲ್ ಚಮಚ, ಬಿಸಿ ನೀರು 2 ಟೇಬಲ್ ಚಮಚ, ಹಾಲು – 200 ಮಿಲಿ ಲೀಟರ್, ಮೈ ಪ್ರೊಟೀನ್ ಪುಡಿ – 2ಚಮಚ
ತಯಾರಿಸುವ ವಿಧಾನ: ಬಿಸಿನೀರಿಗೆ ಕಾಫಿಪುಡಿ ಹಾಕಿ ಕ್ರೀಮ್‌ ಆಗುವವರೆಗೂ ಕಲೆಸಿ. ಸಕ್ಕರೆ ಬೇಕಾದರೆ ಬಳಸಿ. ಹಾಲಿಗೆ ಪ್ರೊಟೀನ್ ಪುಡಿ ಸೇರಿಸಿ ಚೆನ್ನಾಗಿ ಕಲುಕಿ. ಒಂದು ಲೋಟಕ್ಕೆ ಐಸ್‌ ತುಂಡುಗಳು, ಪೊಟ್ರೀನ್ ಹಾಲು ಸೇರಿಸಿ. ನಂತರ ಮೇಲುಗಡೆ ಕಾಫಿಪುಡಿಯ ಪೇಸ್ಟ್‌ ಹಾಕಿ. ಈಗ ರುಚಿಯಾದ ಪ್ರೊಟೀನ್ ನಿಮ್ಮ ಕಾಫಿ ನಿಮ್ಮ ಮುಂದೆ ಸಿದ್ಧ.
ಮಂದಿರಾ ತಯಾರಿಸಿದ ಕಾಫಿಯನ್ನು ನೀವು ತಯಾರಿಸು ರುಚಿ ನೋಡಿ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
