ಶುಕ್ರವಾರ, 19 ಜುಲೈ 2024
×
ADVERTISEMENT
ಈ ಕ್ಷಣ :
ADVERTISEMENT

ಆಹಾರ: ವಿವಿಧ ರೀತಿಯ ಗರಿ ಗರಿ ಪಕೋಡ ಮಾಡುವುದು ಹೇಗೆ?

Published 5 ಜುಲೈ 2024, 19:21 IST
Last Updated 5 ಜುಲೈ 2024, 19:21 IST
ಅಕ್ಷರ ಗಾತ್ರ

ಕೊತ್ತಂಬರಿ ವಡೆ: ಬೇಕಾಗುವ ಸಾಮಗ್ರಿ:   ಹೆಸರುಬೇಳೆ 1/2 ಕಪ್, ಕಡಲೆಬೇಳೆ 1/4ಕಪ್,ಸಣ್ಣಗೆ ಕತ್ತರಿಸಿದ ಎಳೆ ಕೊತ್ತಂಬರಿ  ಸೊಪ್ಪು 1 ಕಪ್, ಒಣಮೆಣಸಿನಕಾಯಿ 6-8, ಹಸಿಶುಂಠಿ ಸಣ್ಣ ತುಂಡು,ರುಚಿಗೆ ತಕ್ಕಷ್ಟು ಉಪ್ಪು. 

ಮಾಡುವ ವಿಧಾನ: ಹೆಸರುಬೇಳೆ,ಕಡಲೇಬೇಳೆಗಳನ್ನು ಎರಡು ಗಂಟೆ ನೆನೆಸಿ. ನಂತರ ನೀರು ಬಸಿದು ಒಣಮೆಣಸಿನಕಾಯಿ,ಶುಂಠಿ,ಉಪ್ಪು , ಸೇರಿಸಿ  ತರಿತರಿಯಾಗಿ ರುಬ್ಬಿಕೊಂಡು,ಕೊತ್ತಂಬರಿ ಸೊಪ್ಪಿನೊಂದಿಗೆ ಚೆನ್ನಾಗಿ ಕಲೆಸಿ.  ನಂತರ  ವಡೆಯಾಕಾರದಲ್ಲಿ ತಟ್ಟಿ ಎಣ್ಣೆಯಲ್ಲಿ ಕರಿಯಿರಿ.

ಸಬಸ್ಸಿಗೆ ಪಕೋಡ 
ಬೇಕಾಗುವ ಸಾಮಗ್ರಿ: ಸಣ್ಣಗೆ ಕತ್ತರಿಸಿದ ಎಳೆ ಸಬ್ಬಸಿಗೆ ಸೊಪ್ಪು 1 ಕಪ್, ಈರುಳ್ಳಿ 1/2 ಕಪ್, ಕಡಲೆ ಹಿಟ್ಟು 1 ಕಪ್, ಅಕ್ಕಿ ಹಿಟ್ಟು ಎರಡು ಚಮಚ, ರುಚಿಗೆ ತಕ್ಕಂತೆ ಅಚ್ಚಮೆಣಸಿನ ಪುಡಿ,ಉಪ್ಪು, ಚಿಟಿಕೆ ಇಂಗು.  
ಮಾಡುವ ವಿಧಾನ:  ಅಕ್ಕಿಹಿಟ್ಟು ,ಕಡಲೆಹಿಟ್ಟು,ಅಚ್ಚ ಮೆಣಸಿನಪುಡಿ,ಉಪ್ಪು,ಇಂಗು  ಇವೆಲ್ಲವನ್ನೂ ಸ್ವಲ್ಪ ನೀರು ಹಾಕಿ ಕಲೆಸಿಕೊಂಡು ನಂತರ  ಸಬ್ಬಸಿಗೆ ಸೊಪ್ಪು ,ಈರುಳ್ಳಿ ಸೇರಿಸಿ ಚೆನ್ನಾಗಿ ಮಿಶ್ರಣ ಮಾಡಿ.ಅಣಿಯಾದ ಹಿಟ್ಟನ್ನು ಚಿಕ್ಕಚಿಕ್ಕ ಗಾತ್ರದಲ್ಲಿ ಎಣ್ಣೆಯಲ್ಲಿ ಮಧ್ಯಮ ಉರಿಯಲ್ಲಿ ಕರಿಯಿರಿ.


ಸಿಹಿ ಗೆಣಸಿನ ಫ್ರೈ
ಬೇಕಾಗುವ ಸಾಮಗ್ರಿ: ಸಿಪ್ಪೆ ಸುಲಿದು ಮಧ್ಯಮ ಸೈಜಿಗೆ ತುಂಡರಿಸಿದ ಗೆಣಸು 10-15, ಸಣ್ಣಗೆ ಕತ್ತರಿಸಿದ ಸ್ಪ್ರಿಂಗ್ ಆನಿಯನ್ (ಈರುಳ್ಳಿ ಸೊಪ್ಪು) ಎಸಳುಗಳು ಒಂದು ಹಿಡಿ, ರುಚಿಗೆ ತಕ್ಕಷ್ಟು ಚಾಟ್ ಮಸಾಲ, ಉಪ್ಪು.

ಮಾಡುವ ವಿಧಾನ: ಬಾಣಲಿಯಲ್ಲಿ ಎಣ್ಣೆ ಹಾಕಿ ಬಿಸಿಯಾಗುತ್ತಲೇ ಗೆಣಸು, ಈರುಳ್ಳಿ ಎಸಳುಗಳನ್ನು ಹಾಕಿ ಎರಡು  ನಿಮಿಷ ಬಾಡಿಸಿ ನಂತರ ಚಾಟ್ ಮಸಾಲಾ ಉಪ್ಪು ಸೇರಿಸಿ, ತುಸು ನೀರು ಚಿಮುಕಿಸಿ ಮುಚ್ಚಳ ಮುಚ್ಚಿ ಐದು ನಿಮಿಷ ಬೇಯಿಸಿ.

ಸಿಹಿ ಗೆಣಸಿನ ಫ್ರೈ
ಸಿಹಿ ಗೆಣಸಿನ ಫ್ರೈ

ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT