ಪುನಃ ಶುರು ಮಾಡಿ ಲಘು ವ್ಯಾಯಾಮ

ಕೋವಿಡ್–19 ಮಧ್ಯೆ ಹಲವಾರು ತಿಂಗಳುಗಳ ಕಾಲ ಮನೆಯೊಳಗೇ ಕುಳಿತಿದ್ದರಿಂದ ಹಿಂದೆ ನೀವು ಪಾಲಿಸಿದ್ದ ಆರೋಗ್ಯಕರ ಜೀವನಶೈಲಿಯಲ್ಲಿ ಏರುಪೇರಾಗಿರುವುದು ಸಹಜವೇ! ಮನೆಯಿಂದಲೇ ಕಚೇರಿ ಕೆಲಸ, ಮನೆಗೆಲಸದ ಮಧ್ಯೆ ವ್ಯಾಯಾಮಕ್ಕೆ ಸಮಯವಿಲ್ಲ ಎನ್ನುವುದು ಸಬೂಬು. ಇದಕ್ಕೆ ಕಾರಣ 30 ನಿಮಿಷ ಸಮಯ ಸಿಕ್ಕರೂ ಸಾಕು, ಮನೆಯೊಳಗೇ ವ್ಯಾಯಾಮ ಮಾಡಬಹುದಲ್ಲ ಎಂದು ಪ್ರಶ್ನಿಸುತ್ತಾರೆ ತಜ್ಞರು. ಜೊತೆಗೆ ನಿಮ್ಮ ಮನೆಯವರನ್ನೂ ಸೇರಿಸಿಕೊಂಡು ಮಾಡಿದರೆ ವ್ಯಾಯಾಮ ಮುಂದುವರಿಸಲು ಉತ್ಸಾಹವೂ ಮೂಡುತ್ತದೆ.

. ಓಟ

. ಮೂವತ್ತು ನಿಮಿಷಗಳಲ್ಲಿ ಕಾರ್ಡಿಯೊ ವ್ಯಾಯಾಮ ಮಾಡಬಹುದು. ಇವುಗಳಲ್ಲಿ ಓಡುವುದಕ್ಕೆ ನೀವು ಹೆಚ್ಚು ಒತ್ತು ಕೊಡಬಹುದು ಎನ್ನುತ್ತಾರೆ ಫಿಟ್ನೆಸ್ ಪ್ರಿಯರಾದ ಲೇಖಾ ಭರ್ವೆ. 30 ನಿಮಿಷಗಳಲ್ಲಿ 350 ಕ್ಯಾಲರಿ ಕರಗಿಸಬಹುದು.

. ವೇಗದ ನಡಿಗೆ

. ಓಡುವುದು ಇಷ್ಟವಿಲ್ಲದಿದ್ದರೆ ವೇಗದ ನಡಿಗೆ ಆಯ್ಕೆ ಮಾಡಿಕೊಳ್ಳಿ. ಪಾಡ್ಕಾಸ್ಟ್ಗೆ ಕಿವಿಗೊಟ್ಟು ಸಾಧಾರಣ ವೇಗದಲ್ಲಿ ನಡೆದರೂ ಅರ್ಧ ತಾಸಿಗೆ 170 ಕ್ಯಾಲರಿ ಕರಗಿಸಬಹುದು. ನಿತ್ಯ ನಡೆದರೆ ಹೃದ್ರೋಗ ಹಾಗೂ ಪಾರ್ಶ್ವವಾಯು ಸಮಸ್ಯೆಯಿಂದ ಪಾರಾಗಬಹುದು. ಇದನ್ನು ಟೆರೇಸ್ ಮೇಲೆ ಕೂಡ ಮಾಡಬಹುದು. ಹೊರಗಡೆ ಬಿಸಿಲಲ್ಲಿ ನಡೆದರೆ ವಿಟಮಿನ್ ಡಿ ಕೂಡ ನಿಮಗೆ ಸಿಗುತ್ತದೆ. ಹಾಗೆಯೇ ಮನೆಯ ಮುಂದೆ ಗಾರ್ಡನ್ ಮಾಡುವ ಅವಕಾಶವಿದ್ದರೆ ಅಲ್ಲಿಯೂ ಒಂದಿಷ್ಟು ಕಸರತ್ತು ನಡೆಸಬಹುದು.

. ಟೆನಿಸ್

. 300 ಕ್ಯಾಲರಿ ಕರಗಿಸುವ ಮನಸ್ಸಿದ್ದರೆ ಅರ್ಧ ತಾಸಿನ ಕಾಲ ಟೆನಿಸ್ ಆಟ ಯತ್ನಿಸಬಹುದು. ಈ ಆಟದಿಂದ ನಿಮ್ಮ ದೇಹದ ಅಂಗಾಂಗಗಳೂ ನೀವು ಹೇಳಿದ ಹಾಗೆ ಬಳುಕುತ್ತವೆ. ಜೊತೆಗೂ ಸ್ನಾಯುಗಳೂ ಬಲಗೊಳ್ಳುತ್ತವೆ.

. ಸೈಕ್ಲಿಂಗ್

. ಬೈಸಿಕಲ್ ಹೊಡೆಯುವ ಅಭ್ಯಾಸವಿದ್ದರೆ 30 ನಿಮಿಷಗಳ ಕಾಲ ಚಲಾಯಿಸಿ 400 ಕ್ಯಾಲರಿ ಕರಗಿಸಬಹುದು. ನಿಧಾನವಾಗಿ ಹೋದರೂ 200 ಕ್ಯಾಲರಿ ಕಡಿಮೆ ಮಾಡಿಕೊಳ್ಳಬಹುದು. ಸೈಕ್ಲಿಂಗ್ನಿಂದ ಕಾಲಿನ ಸಂದಿ ಬಲಗೊಳ್ಳುತ್ತದೆ. ದೇಹದ ಭಂಗಿಯನ್ನು ಸರಿಪಡಿಸಿಕೊಳ್ಳಲು ನೆರವಾಗುತ್ತದೆ.

. ಈಜು

. ಇಡೀ ಶರೀರಕ್ಕೆ ವ್ಯಾಯಾಮವಾಗಬೇಕೆ? ಯಾವುದೇ ಅಂಗಾಂಗದ ಮೇಲೆ ಹೆಚ್ಚು ಒತ್ತಡ ಬೀಳಬಾರದು ಎಂದಿದ್ದರೆ ಈಜಬಹುದು. ಇದರಿಂದ 30 ನಿಮಿಷಗಳಲ್ಲಿ 250 ಕ್ಯಾಲರಿ ಕರಗಿಸಬಹುದು. ಸ್ನಾಯುಗಳೂ ಬಲಗೊಳ್ಳುತ್ತವೆ. ಹೃದಯಕ್ಕೆ ಸಂಬಂಧಿಸಿದಂತೆ ಪರಿಪೂರ್ಣ ಫಿಟ್ನೆಸ್ ಸಿಗುತ್ತದೆ.

. ಹೆಚ್ಚಿನ ಪ್ರಮಾಣದ ಕ್ಯಾಲರಿ ಕರಗಿಸಬೇಕಾದರೆ ಹೈ ಇಂಟೆನ್ಸಿಟಿ ಇಂಟರ್ವಲ್ ವ್ಯಾಯಾಮ ಮಾಡಬಹುದು. ಇದು ಚಯಾಪಚಯ ಕ್ರಿಯೆ ಹೆಚ್ಚಿಸಿ ವ್ಯಾಯಾಮ ನಡೆಸಿದ ಕೆಲವು ಗಂಟೆಗಳವರೆಗೂ ಕ್ಯಾಲರಿ ಕರಗಿಸುತ್ತದೆ ಎನ್ನುತ್ತಾರೆ ಬೆಂಗಳೂರಿನ ಇನ್ಸ್ಪಿರಿಟ್ ಫಿಟ್ನೆಸ್ ಕೇಂದ್ರದ ನರೇಂದ್ರನ್.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುನಃ ಶುರು ಮಾಡಿ ಲಘು ವ್ಯಾಯಾಮ

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ

ಎಫ್‌ಸಿ ಬೆಂಗಳೂರು ಯುನೈಟೆಡ್‌ ತಂಡದ ಮುಖ್ಯ ಕೋಚ್ ಆಗಿ ಮೋಹನ್‌ರಾಜ್ ಮರುನೇಮಕ

ಕೆನಡಾ ಓಪನ್‌: ಎರಡನೇ ಸುತ್ತಿಗೆ ಶ್ರೀಕಾಂತ್‌

ದೂರವಾದ ಪತ್ನಿ, ಮಗಳಿಗೆ ₹4 ಲಕ್ಷ ಪರಿಹಾರ ನೀಡಲು ಶಮಿಗೆ ಕೋಲ್ಕತ್ತ ಹೈಕೋರ್ಟ್ ಆದೇಶ

ನ್ಯಾಯಸಮ್ಮತ ತನಿಖೆಗೆ ವೆಸ್ಟ್ ಇಂಡೀಸ್ ಕ್ರಿಕೆಟ್‌ ತಂಡದ ಮುಖ್ಯ ಕೋಚ್ ಸಾಮಿ ಮನವಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 02 ಜುಲೈ 2025, ಬುಧವಾರ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಚುರುಮುರಿ | ಗ್ರಾಮಾಭಿವೃದ್ಧಿ...

ಭಾಗ್ಯನಗರವಾದ ಬಾಗೇಪಲ್ಲಿ, ಗ್ರಾಮಾಂತರ ಇನ್ನು ಬೆಂಗಳೂರು ಉತ್ತರ: ಸಂಪುಟ ನಿರ್ಧಾರ