ಅಪರೂಪದ ಶಸ್ತ್ರಚಿಕಿತ್ಸೆ ಮೂಲಕ ಮುಖ, ಕೈಗಳನ್ನು ಪಡೆದ ವ್ಯಕ್ತಿ

ನ್ಯೂಯಾರ್ಕ್: ಅಪಘಾತದಲ್ಲಿ ತೀವ್ರ ಸುಟ್ಟುಹೋಗಿದ್ದ ಮುಖ ಮತ್ತು ಕೈಗಳನ್ನು ವ್ಯಕ್ತಿಯೊಬ್ಬ ಅಂಗಾಂಗ ಕಸಿ ಶಸ್ತ್ರಚಿಕಿತ್ಸೆ ಮೂಲಕ ಮರಳಿ ಪಡೆದಿರುವ ಘಟನೆ ನ್ಯೂ ಜೆರ್ಸಿಯಲ್ಲಿ ನಡೆದಿದೆ.

. 22 ವರ್ಷದ ಜೋ ಡಿಮಿಯೊ ಎಂಬ ಯುವಕನಿಗೆ 2 ವರ್ಷಗಳ ಹಿಂದೆ ಕಾರು ಅಪಘಾತದಲ್ಲಿ ಮುಖ ಮತ್ತು ಕೈಗಳು ತೀವ್ರವಾಗಿ ಸುಟ್ಟುಹೋಗಿದ್ದವು. ಇನ್ನೇನು ಜೀವನವೇ ಮುಗಿಯಿತು ಎನ್ನುತ್ತಿದ್ದ ಯುವಕನಿಗೆ 6 ತಿಂಗಳ ಹಿಂದೆ ವೈದ್ಯರು ಅಪರೂಪದ ಮುಖ ಮತ್ತು ಕೈಗಳ ಕಸಿ ಶಸ್ತ್ರಚಿಕಿತ್ಸೆ ನಡೆಸಿದ್ದರು.

. ಕಳೆದ ವರ್ಷ ಆಗಸ್ಟ್ನಲ್ಲಿ ಶಸ್ತ್ರಚಿಕಿತ್ಸೆ ನಡೆದಿದ್ದು, ಇದೀಗ ಯುವಕ ಜೋ ಡಿಮಿಯೋ ಎಲ್ಲರಂತೆ ನಗುವುದು, ಕಣ್ಣು ಮಿಟುಕಿಸುವುದು ಸೇರಿದಂತೆ ಮುಖದ ಹಾವಭಾವವನ್ನು ತೋರುತ್ತಿದ್ದಾನೆ.

. "ಇದು ಮಗುವಿನ ನಡಿಗೆ ಇದ್ದಂತೆ ಎನ್ನುವುದು ನನಗೆ ತಿಳಿದಿದೆ" ಎಂದು ಡಿಮಿಯೊ ಇತ್ತೀಚೆಗೆ ಅಸೋಸಿಯೇಟೆಡ್ ಪ್ರೆಸ್ಗೆ ತಿಳಿಸಿದ್ದಾರೆ. ಇಂತಹ ಸಂದರ್ಭದಲ್ಲಿ “ನಾವು ಸಾಕಷ್ಟು ಆಶಾಭಾವನೆ, ತಾಳ್ಮೆ ಹೊಂದಿರಬೇಕು. ಮನಸ್ಸನ್ನು ಗಟ್ಟಿಯಾಗಿರಿಸಿಕೊಳ್ಳಬೇಕು’ ಎಂದು ಹೇಳಿದ್ದಾರೆ.

. ನ್ಯೂಯಾರ್ಕ್ ಯೂನಿವರ್ಸಿಟಿಯ ಲ್ಯಾಂಗೋನ್ ಹೆಲ್ತ್ನಲ್ಲಿ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದೆ. ಆದರೆ, ಖಚಿತವಾಗಿ ಹೇಳಲು ಸ್ವಲ್ಪ ಸಮಯ ತೆಗೆದುಕೊಳ್ಳುತ್ತದೆ ಎಂದು ತಜ್ಞರು ಎಚ್ಚರಿಸಿದ್ದಾರೆ.

. ವಿಶ್ವದಾದ್ಯಂತ, ಇದುವರೆಗೆ ವೈದ್ಯರು ಕನಿಷ್ಟ 18 ಮುಖ ಕಸಿ ಮತ್ತು 35 ಕೈ ಕಸಿಗಳನ್ನು ಪೂರ್ಣಗೊಳಿಸಿದ್ದಾರೆ ಎಂದು ಅಮೆರಿಕದ ಅಂಗಾಂಗ ಕಸಿ ಶಸ್ತ್ರಚಿಕಿತ್ಸೆ ವ್ಯವಸ್ಥೆಯನ್ನು ನೋಡಿಕೊಳ್ಳುವ ಯುಎನ್ಒಎಸ್ ಹೇಳಿದೆ.

. ಆದರೆ ಏಕಕಾಲದಲ್ಲಿ ಮುಖ ಮತ್ತು ಎರಡೂ ಕೈಗಳ ಕಸಿ ಅತ್ಯಂತ ವಿರಳ. ಈ ಮೊದಲು ಎರಡು ಬಾರಿ ಮಾತ್ರ ಪ್ರಯತ್ನಿಸಲಾಗಿದೆ. ಮೊದಲ ಪ್ರಯತ್ನ 2009 ರಲ್ಲಿ ಪ್ಯಾರಿಸ್ನಲ್ಲಿ ನಡೆದಿದೆ. ಶಸ್ತ್ರಚಿಕಿತ್ಸೆ ನಡೆದ ಒಂದು ತಿಂಗಳ ನಂತರ ರೋಗಿ ಶಸ್ತ್ರಚಿಕಿತ್ಸೆ ಅಡ್ಡ ಪರಿಣಾಮದಿಂದ ಸಾವಿಗೀಡಾದರು.

. ಎರಡು ವರ್ಷಗಳ ನಂತರ, ಬೋಸ್ಟನ್ ವೈದ್ಯರು ಚಿಂಪಾಂಜಿಯಿಂದ ದಾಳಿಗೊಳಗಾಗಿದ್ದ ಮಹಿಳೆಯ ಮೇಲೆ ಅಂಗಂಗ ಕಸಿ ಶಸ್ತ್ರಚಿಕಿತ್ಸೆ ಪ್ರಯತ್ನಿಸಿದರು, ಆದರೆ, ಕಸಿ ಮಾಡಿದ ಕೈಗಳನ್ನು ಕೆಲ ದಿನಗಳ ಬಳಿಕ ತೆಗೆದುಹಾಕಬೇಕಾಯಿತು.

. ಇದೀಗ, ಶಸ್ತ್ರಚಿಕಿತ್ಸೆಗೆ ಒಳಗಾಗಿರುವ ನ್ಯೂ ಜೆರ್ಸಿಯ ಜೋ ಡಿಮಿಯೋ ಜೀವಮಾನಪೂರ್ತಿ ಔಷಧ ತೆಗೆದುಕೊಳ್ಳಬೇಕಿದೆ. ಇಲ್ಲವಾದರೆ ಕಸಿ ಮಾಡಲಾದ ಅಂಗಗಳು ದೇಹದಿಂದ ಬೇರ್ಪಡುವ ಸಾಧ್ಯತೆ ಇದೆ. ಜೊತೆಗೆ ಅವನ ಹೊಸ ಮುಖ ಮತ್ತು ಕೈಗಳಲ್ಲಿ ಸಂವೇದನೆ ಮತ್ತು ಬಳಕೆಗೆ ಸಾಧ್ಯವಾಗಿಸಲು ನಿರಂತರ ಚಿಕಿತ್ಸೆ ಬೇಕಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅಪರೂಪದ ಶಸ್ತ್ರಚಿಕಿತ್ಸೆ ಮೂಲಕ ಮುಖ, ಕೈಗಳನ್ನು ಪಡೆದ ವ್ಯಕ್ತಿ

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ

WI vs AUS: ಸ್ಟಾರ್ಕ್ ಬಿರುಗಾಳಿಗೆ ವಿಂಡೀಸ್ ಧೂಳಿಪಟ; 27 ರನ್ನಿಗೆ ಆಲೌಟ್

ಐಸಿಸಿ ರ್‍ಯಾಂಕಿಂಗ್‌: ಅಗ್ರ ಹತ್ತರಲ್ಲಿ ಶಫಾಲಿ ವರ್ಮಾ

ಈಕ್ವೆಸ್ಟ್ರಿಯನ್: ಶುಭ್ ಚೌಧರಿಗೆ ಮೂರು ಪದಕ

ಇಂಗ್ಲೆಂಡ್‌ ತಂಡಕ್ಕೆ ಮರಳಿದ ಎಡಗೈ ಸ್ಪಿನ್ನರ್‌ ಲಿಯಾಮ್‌ ಡಾಸನ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಮಂಗಳವಾರ, 15 ಜುಲೈ 2025

ಚುರುಮುರಿ | ಶಕ್ತಿ ಪ್ರದರ್ಶನ

ದಿನ ಭವಿಷ್ಯ | ಹಣಕಾಸಿನ ವಿಚಾರದಲ್ಲಿ ಪರಿಶ್ರಮಕ್ಕೆ ತಕ್ಕ ಫಲ ದೊರೆಯುವುದು

ದೇವನಹಳ್ಳಿ ಭೂಸ್ವಾಧೀನ ರದ್ದು: ಮುಖ್ಯಮಂತ್ರಿ ಸಿದ್ದರಾಮಯ್ಯ