ಬುಧವಾರ, ಸೆಪ್ಟೆಂಬರ್ 30, 2020
21 °C

ಆರೋಗ್ಯಕ್ಕೆ ಉತ್ತಮ ಬಾರ್ಲಿ ಟೀ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಪ್ರತಿದಿನ ಬೆಳಿಗ್ಗೆ ಎದ್ದ ಕೂಡಲೇ ಟೀ ಕುಡಿಯುವುದು ಅನೇಕರಿಗೆ ಅಭ್ಯಾಸ. ಟೀ ಇಲ್ಲದೇ ದಿನ ಕಳೆಯುವುದೇ ಇಲ್ಲ ಎಂಬ ಭಾವನೆ ಹೊಂದಿರುವವರು ಹಲವರಿದ್ದಾರೆ. ದಿನಕ್ಕೆ ನಾಲ್ಕಾರು ಬಾರಿ ಟೀ ಕುಡಿಯುವವರೂ ‌ಇದ್ದಾರೆ. ಟೀ ಕುಡಿಯುವುದು ಕೆಟ್ಟ ಚಟವೇನೂ ಅಲ್ಲ. ಆದರೆ ಟೀ ಪುಡಿಯ ಟೀ ಕುಡಿಯುವುದಕ್ಕಿಂತ ಬಾರ್ಲಿ ಟೀ ಕುಡಿಯುವುದನ್ನು ಅಭ್ಯಾಸ ಮಾಡಿಕೊಳ್ಳಬೇಕು. ಇದು ಅನೇಕ ದೈಹಿಕ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. 

ಬಾರ್ಲಿ ಟೀ ಅತ್ಯಂತ ಪೌಷ್ಟಿಕಾಂಶ ಹೊಂದಿರುವ ಟೀಗಳಲ್ಲಿ ಒಂದಾಗಿದೆ. ಇದರ ಪರಿಮಳವು ನಮ್ಮನ್ನು ಒತ್ತಡ ಹಾಗೂ ಆತಂಕದಿಂದ ದೂರ ಮಾಡುತ್ತದೆ. ಪ್ರತಿದಿನ ಬೆಳಿಗ್ಗೆ ಒಂದು ಲೋಟ ಬಾರ್ಲಿ ಟೀ ಕುಡಿಯುವುದರಿಂದ ದೇಹದ ಅನೇಕ ಆರೋಗ್ಯ ಸಮಸ್ಯೆಗಳಿಗೆ ಪರಿಹಾರ ಕಂಡುಕೊಳ್ಳಬಹುದು ಎಂಬುದು ವೈಜ್ಞಾನಿಕವಾಗಿ ಸಾಬೀತಾಗಿದೆ. ಬಾರ್ಲಿ ಟೀ ಕುಡಿಯುವುದರಿಂದ ಆಗುವ ಪ್ರಯೋಜನಗಳು ಇಲ್ಲಿವೆ.

ಉರಿಯೂತ, ಹೃದಯ ಸಂಬಂಧಿ ಕಾಯಿಲೆಗೆ ರಾಮಬಾಣ

ಬಾರ್ಲಿ ಟೀಯಲ್ಲಿ ಆ್ಯಂಟಿಆಕ್ಸಿಡೆಂಟ್ ಅಂಶ ಅಧಿಕವಾಗಿರುತ್ತದೆ. ಅಲ್ಲದೇ ಇದರಲ್ಲಿ ಸೆಲೇನಿಯಂ, ವಿಟಮಿನ್ ಎ ಹಾಗೂ ಲಿಗ್ನಾನ್ಸ್ ಅಂಶವು ಇದ್ದು ಇದು ಹೃದಯಸಂಬಂಧಿ ಕಾಯಿಲೆ ಹಾಗೂ ಉರಿಯೂತ ಸಮಸ್ಯೆಗಳಿಗೆ ಪರಿಹಾರ ನೀಡುತ್ತದೆ. 

ರಕ್ತವನ್ನು ಶುದ್ಧಗೊಳಿಸುತ್ತದೆ

ಬಾರ್ಲಿ ಟೀಯಲ್ಲಿ ರಕ್ತವನ್ನು ಶುದ್ಧಗೊಳಿಸುವ ಅಂಶವಿದೆ. ಇದು ರಕ್ತದಲ್ಲಿನ ಕೊಲೆಸ್ಟ್ರಾಲ್ ಅಂಶವನ್ನು ಕಡಿಮೆ ಮಾಡುತ್ತದೆ. ಅಲ್ಲದೇ ರಕ್ತದಲ್ಲಿನ ಸಕ್ಕರೆ ಅಂಶವನ್ನು ಕಡಿಮೆ ಮಾಡುತ್ತದೆ. ಮಧುಮೇಹ, ರಕ್ತದೊತ್ತಡದಂತಹ ಸಮಸ್ಯೆ ಇರುವವರಿಗೂ ಬಾರ್ಲಿ ಟೀ ಉತ್ತಮ. 

ನೆಗಡಿ, ಗಂಟಲು ನೋವಿಗೂ ಪರಿಹಾರ

ಆಗಾಗ ಶೀತ, ಜ್ವರ ಕಾಣಿಸಿಕೊಳ್ಳುವವರು ಬಾರ್ಲಿ ಟೀ ಕುಡಿದರೆ ಉತ್ತಮ. ಅದರಲ್ಲೂ ಶೀತ ಜ್ವರ ಕಾಣಿಸಿಕೊಂಡಾಗ ಪ್ರತಿನಿತ್ಯ ಬಾರ್ಲಿ ಟೀ ಸೇವನೆ ಮಾಡಿ. ಇದು ಗಂಟಲನ್ನು ಸ್ವಚ್ಛ ಮಾಡುತ್ತದೆ. ಅಲ್ಲದೇ ಆಸ್ತಮಾ, ಬ್ರಾಂಕೈಟಿಸ್ ಸಮಸ್ಯೆ ಇರುವವರು ಕಡ್ಡಾಯವಾಗಿ ಪ‍್ರತಿನಿತ್ಯ ಬಾರ್ಲಿ ಸೇವಿಸುವುದು ಒಳ್ಳೆಯದು. ಗಂಟಲು ನೋವಿನಂತಹ ಸಮಸ್ಯೆಗಳಿಗೆ ಬಾರ್ಲಿ ಟೀ ಉತ್ತಮ ಔಷಧ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು