ಪಿಸಿಓಎಸ್‌ಗೆ ಹೆದರಬೇಕಾಗಿಲ್ಲ

ಪಿಸಿಓಎಸ್ ಬಾಧಿತ ಮಹಿಳೆಯರಲ್ಲಿ ಸಕ್ಕರೆಕಾಯಿಲೆಗೆ ತುತ್ತಾಗುವುದು ಇತರರಿಗಿಂತ ಶೇ. 50ರಷ್ಟು ಹೆಚ್ಚು. ಇದು ನಲವತ್ತು ವರ್ಷಗಳಿಗೂ ಮೊದಲೇ ಕಾಣಿಸಿಕೊಳ್ಳಬಹುದು.

. *ಪಿಸಿಓಎಸ್ ಬಾಧಿತ ಗರ್ಭಿಣಿಯರಲ್ಲಿ ಕಾಣಿಸಿಕೊಳ್ಳುವ ತೊಂದರೆಗಳು ಯಾವುವು?

ಪಿಸಿಓ ಬಾಧಿತ ಗರ್ಭಿಣಿಯರಲ್ಲಿ ಈ ಕೆಳಕಂಡ ಸಮಸ್ಯೆಗಳು ಹೆಚ್ಚಾಗಿ ಕಾಣಿಸಿಕೊಳ್ಳುವ ಸಾಧ್ಯತೆಗಳಿವೆ:

. *ಗರ್ಭಪಾತ

. *ಗರ್ಭಾವಸ್ಥೆಯ ಸಕ್ಕರೆಕಾಯಿಲೆ (ಜೆಸ್ಟೇಷನಲ್ ಡಯಾಬಿಟಿಸ್)

. *ಗರ್ಭಾವಸ್ಥೆಯ ಅಧಿಕ ರಕ್ತದೊತ್ತಡ

. *ಅವಧಿಪೂರ್ವ ಪ್ರಸವ

. ಪಿಸಿಓಎಸ್ ಬಾಧಿತ ಮಹಿಳೆಯರಿಗೆ ಹುಟ್ಟುವ ಮಕ್ಕಳು ಆಸ್ಪತ್ರೆಯ ತೀವ್ರ ಘಟಕದಲ್ಲಿ ಹೆಚ್ಚಿನ ಸಮಯ ಉಳಿಯುವಂಥ ಸಂದರ್ಭಗಳು ಹೆಚ್ಚು. ಕೂಸಿಗೆ ಪ್ರಾಣಾಪಾಯದ ಭೀತಿಯೂ ಹೆಚ್ಚಾಗಿರುತ್ತದೆ; ಇದು ಅವಳಿ, ತ್ರಿವಳಿಗಳ ಸಂದರ್ಭದಲ್ಲಿ ಹೆಚ್ಚು.

. *ಪಿಸಿಓಎಸ್ ಮಹಿಳೆಯರಿಗೆ ಇನ್ನಿತರ ಆರೋಗ್ಯದ ಸಮಸ್ಯೆಗಳೂ ಎದುರಾಗಬಹುದೆ?

. ಇತ್ತೀಚಿನ ಅಧ್ಯಯನ ಪ್ರಕಾರ ಪಿಸಿಓಎಸ್ ಮಹಿಳೆಯರಿಗೆ ಕೆಲವು ಆರೋಗ್ಯಸಮಸ್ಯೆಗಳು ಹೆಚ್ಚಾಗಿ ಕಾಣಿಸಿಕೊಳ್ಳುವುದುಂಟು. ಅವುಗಳೆಂದರೆ: *ಪಿಸಿಓಎಸ್ ಬಾಧಿತ ಮಹಿಳೆಯರಲ್ಲಿ ಸಕ್ಕರೆಕಾಯಿಲೆಗೆ ತುತ್ತಾಗುವುದು ಇತರರಿಗಿಂತ ಶೇ. 50ರಷ್ಟು ಹೆಚ್ಚು. ಇದು ನಲವತ್ತು ವರ್ಷಗಳಿಗೂ ಮೊದಲೇ ಕಾಣಿಸಿಕೊಳ್ಳಬಹುದು.

. *ಆರೋಗ್ಯವಂತ ಸಾಮಾನ್ಯ ಮಹಿಳೆಯರಿಗಿಂತ ಅದೇ ವಯಸ್ಸಿನ ಪಿಸಿಓಎಸ್ ಬಾಧಿತ ಮಹಿಳೆಯಲ್ಲಿ ಹೃದಯಾಘಾತದ ಪ್ರಮಾಣ ನಾಲ್ಕರಿಂದ ಏಳರಷ್ಟು ಹೆಚ್ಚು.

. *ಅಧಿಕ ರಕ್ತದೊತ್ತಡದ ಅಪಾಯ ಹೆಚ್ಚು.

. *ಗರಿಷ್ಠ ಪ್ರಮಾಣದ ಕೊಲೆಸ್ಟ್ರಾಲ್ ಸಮಸ್ಯೆ (ಎಲ್ಡಿಎಲ್) ಮತ್ತು ಕನಿಷ್ಠ ಪ್ರಮಾಣದ ಕೊಲೆಸ್ಟ್ರಾಲ್ ಸಮಸ್ಯೆ( ಎಚ್ಡಿಎಲ್)ಯ ಸಾಧ್ಯತೆ ಹೆಚ್ಚು.

. *ನಿದ್ರಾಸಮಯದಲ್ಲಿ ಉಸಿರುಗಟ್ಟುವಿಕೆಯ ತೊಂದರೆ ಎದುರಾಗಬಹುದು.

. *ಉದ್ವೇಗ ಮತ್ತು ಖಿನ್ನತೆಗಳು ಕಾಡುವ ಸಾಧ್ಯತೆ ಹೆಚ್ಚು.

. * ಋತುಚಕ್ರದಲ್ಲಿ ವ್ಯತ್ಯಾಸಗಳು ಕಾಣಿಸಿಕೊಳ್ಳಬಹುದು. ಅಧಿಕ ರಕ್ತಸ್ರಾವ ಆಗುವ ಸಂಭವವಿರುತ್ತದೆ.

. *ಗರ್ಭಕೋಶ ಸಂಬಂಧಿತ ಕ್ಯಾನ್ಸರ್ನ ಸಾಧ್ಯತೆ ಹೆಚ್ಚು.

. *ಪಿಸಿಓಸ್ನ ಸಮಸ್ಯೆ ಇದ್ದರೆ, ಅದರಿಂದ ಎದುರಾಗುವ ಸಮಸ್ಯೆಗಳನ್ನು ಹೇಗೆ ಕಡಿಮೆ ಮಾಡಿಕೊಳ್ಳಬಹುದು?

. ಪಿಸಿಓಎಸ್ ಸಮಸ್ಯೆ ಇರುವುದು ಪತ್ತೆಯಾದರೆ ಅದನ್ನು ನಿಯಂತ್ರಣದಲ್ಲಿರಿಸಿಕೊಳ್ಳುವಂಥ ಕ್ರಮಗಳ ಕಡೆಗೆ ಗಮನ ನೀಡಿ. ಸಕ್ಕರೆಕಾಯಿಲೆ ಮತ್ತು ಹೃದಯಸಂಬಂಧಿತ ಕಾಯಿಲೆಗಳ ಸಾಧ್ಯತೆಯ ಪ್ರಮಾಣವನ್ನು ಇದರಿಂದ ತಗ್ಗಿಸಬಹುದು.

. ಪಿಸಿಓಎಸ್ ಸಮಸ್ಯೆ ಇದ್ದಾಗ ಅದನ್ನೊಂದು ಸಮಗ್ರ ಸಮಸ್ಯೆಯಂತೆ ಸ್ವೀಕರಿಸಿ, ಅದಕ್ಕೆ ತಕ್ಕ ಚಿಕಿತ್ಸೆಯನ್ನು ನೀಡುವತ್ತ ಗಮನ ಹರಿಸಿ; ಕೇವಲ ಅದನ್ನೊಂದು ಗರ್ಭಧಾರಣೆಯ ಸಮಸ್ಯೆಯನ್ನಾಗಷ್ಟೆ ಪರಿಗಣಿಸದಿರಿ. ನಿಯಮಿತವಾಗಿ ಡಯಾಬಿಟಿಸ್ ಪರೀಕ್ಷೆಯನ್ನು ಮಾಡಿಕೊಳ್ಳಿ.

. ಇದರ ಜೊತೆಗೆ ಸಮತೋಲಿತ ಆಹಾರಪದ್ಧತಿಯನ್ನು ಅಳವಡಿಸಿಕೊಳ್ಳುವುದರಿಂದಲೂ, ವ್ಯಾಯಾಮ ಮಾಡುವ ಅಭ್ಯಾಸವನ್ನು ರೂಢಿಸಿಕೊಳ್ಳುವುದರಿಂದಲೂ, ಧೂಮಪಾನದಂಥ ಚಟವನ್ನು ದೂರ ಮಾಡುವುದರಿಂದಲೂ ತೊಂದರೆಯ ಪ್ರಮಾಣವನ್ನು ತಗ್ಗಿಸಿಕೊಳ್ಳಬಹುದು.

. *ಪಿಸಿಓಎಸ್ನ ಮಾನಸಿಕ ಆಘಾತಗಳನ್ನು ಹೇಗೆ ಎದುರಿಸುವುದು? ಪಿಸಿಓಎಸ್ನ ಆಘಾತವು ನಿಮ್ಮನ್ನು ಕಾಡಬಹುದು. ನಿಮ್ಮ ರೂಪದಲ್ಲಾಗುವ ಬದಲಾವಣೆಯು ನಿಮಗೆ ಮುಜುಗರವನ್ನುಂಟುಮಾಡಬಹುದು. ಮಕ್ಕಳಾಗುತ್ತದೆಯೋ ಇಲ್ಲವೋ ಎಂಬ ಸಂಕಟವೂ ಕಾಡಬಹುದು. ನಿಮ್ಮನ್ನು ಅದು ಖಿನ್ನತೆಗೂ ದೂಡಬಹುದು.

. ಪಿಸಿಓಎಸ್ಗೆ ಚಿಕಿತ್ಸೆಯನ್ನು ಪಡೆದು ಈ ಸಮಸ್ಯೆಗಳಿಂದ ಪಾರಾಗಬಹುದು. ಈ ಸಮಸ್ಯೆಯಿಂದ ಬಳಲುತ್ತಿರುವವರು ನೀವೊಬ್ಬರೇ ಅಲ್ಲ ಎನ್ನವುದನ್ನು ನೆನಪಿನಲ್ಲಿಡಿ.

ಸರಿಯಾದ ಚಿಕಿತ್ಸೆಯನ್ನು ಪಡೆದು ನೀವು ಕೂಡ ತಾಯಿ ಆಗಬಹುದು. ತೊಂದರೆ ಕಂಡ ಕೂಡಲೇ ತಜ್ಞವೈದ್ಯರಲ್ಲಿಗೆ ಹೋಗಿ. ಮಾನಸಿಕವಾಗಿ ಕುಗ್ಗಬೇಡಿ. ಸಮಸ್ಯೆಯನ್ನು ಧೈರ್ಯವಾಗಿಯೂ ಸರಿಯಾಗಿಯೂ ಎದುರಿಸಿ.

. ಮಾಹಿತಿಗೆ ಸಂಪರ್ಕಿಸಿ: 18002084444

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪಿಸಿಓಎಸ್‌ಗೆ ಹೆದರಬೇಕಾಗಿಲ್ಲ

ಚಿನಕುರುಳಿ: 09 ಡಿಸೆಂಬರ್ 2025, ಮಂಗಳವಾರ

ಚುರುಮುರಿ: ಶುನಕ ಸಭೆ

ಗಂಗಾವತಿ: ಪ್ರೀ ವೆಡ್ಡಿಂಗ್ ಶೂಟ್‌ ದುರಂತ– ಸಂಭ್ರಮದ ಆ ಮನೆಯಲ್ಲಿ ಈಗ ಸೂತಕದ ಛಾಯೆ!

ದಿನ ಭವಿಷ್ಯ | ಈ ರಾಶಿಯವರು ವಿವಿಧ ಸವಾಲುಗಳನ್ನು ಎದುರಿಸಬೇಕಾಗಬಹುದು

ಹಾರ್ದಿಕ್ ಗೆಳತಿಯ ಕೆಟ್ಟದಾಗಿ ತೋರಿಸುವ ಯತ್ನ: ಪಾಪರಾಜಿಗಳ ವಿರುದ್ಧ ಪಾಂಡ್ಯ ಕಿಡಿ

ಗ್ಲೋಬಲ್ ಚೆಸ್ ಲೀಗ್: ಅನೀಶ್ ಗಿರಿ ನೇತೃತ್ವದ ಅಲ್ಪೈನ್ SG ಪೈಪರ್ಸ್ ತಂಡ ಸಜ್ಜು

ಫಾರ್ಮುಲಾ-4 ಇಂಡಿಯನ್ ಚಾಂಪಿಯನ್‌ಶಿಪ್: ಫಿನಾಲೆಯಲ್ಲಿ ಬೆಂಗಳೂರಿನ ಇಶಾನ್ ಮಾದೇಶ್

ಪಲಾಶ್ ಜತೆಗಿನ ಆ ಒಂದು ಪೋಸ್ಟ್ ಅಳಿಸಿ ಹಾಕಿಲ್ಲ ಯಾಕೆ?

ಒಳನೋಟ | ನಿಗಮ– ಮಂಡಳಿಗಳು: ಸರ್ಕಾರ ಸಾಕುವ ಬಿಳಿಯಾನೆ

ಒಳನೋಟ: ಖಾಲಿಯಿವೆ ಬಿ.ಇ ಸೀಟು!

ಒಳನೋಟ: ಶ್ರೀಗಂಧ ಕೃಷಿಗೆ ನೂರು ಕಷ್ಟ

ಒಳನೋಟ: ಕಮರಿತೆ 'ಉತ್ಕೃಷ್ಟ' ಶಿಕ್ಷಣದ ಕನಸು?

ಚಿನಕುರುಳಿ: 09 ಡಿಸೆಂಬರ್ 2025, ಮಂಗಳವಾರ

ಚುರುಮುರಿ: ಶುನಕ ಸಭೆ

ಗಂಗಾವತಿ: ಪ್ರೀ ವೆಡ್ಡಿಂಗ್ ಶೂಟ್‌ ದುರಂತ– ಸಂಭ್ರಮದ ಆ ಮನೆಯಲ್ಲಿ ಈಗ ಸೂತಕದ ಛಾಯೆ!

ದಿನ ಭವಿಷ್ಯ | ಈ ರಾಶಿಯವರು ವಿವಿಧ ಸವಾಲುಗಳನ್ನು ಎದುರಿಸಬೇಕಾಗಬಹುದು