ಚುರುಮುರಿ: ಅಂತಿಮ ತೀರ್ಪು

ಬೆಕ್ಕಣ್ಣ ಏನೋ ಓದುತ್ತ ಪಕಪಕನೆ ನಕ್ಕಿತು.

. ‘ಮೂವತ್ತು ವರ್ಷದ ಹಿಂದೆ ವಿಲೇಜ್ ಅಕೌಂಟೆಂಟ್ ಒಬ್ಬರು ಬರೇ 500 ರೂಪಾಯಿ ಲಂಚ ತಗಂಡಿದ್ದಕ್ಕೆ ಈಗ ಹಿಡಿದು ಜೈಲಿಗೆ ಹಾಕ್ಯಾರಂತೆ!’

. ‘ಲಂಚಾವತಾರಕ್ಕೆ ಶಿಕ್ಷೆ ಕೊಡೋದಕ್ಕೆ ಮೂವತ್ತು ವರ್ಷ ಬೇಕಾಯಿತಾ!’ ಎಂದು ನಾನೂ ಅಚ್ಚರಿಗೊಂಡೆ.

. ‘ಕೊನೆಗೂ ಕೇಸು ತೀರ್ಮಾನ ಆಗಿದ್ದು ಸುಪ್ರೀಂ ಕೋರ್ಟಿನಲ್ಲಿ! ಪಾಪದ ಆ ದೂರುದಾರ ಸತ್ತೇ ಐದು ವರ್ಷ ಆಗೈತಂತೆ’.

. ‘ನ್ಯಾಯ ದೇಗುಲದಲ್ಲಿ ತಡವಾದರೂ, ನ್ಯಾಯ ಸಿಕ್ಕೇ ಸಿಗತೈತೆ ಕಣಲೇ’ ಎಂದೆ.

. ‘ಜುಜುಬಿ 500 ರೂಪಾಯಿ ಲಂಚ ಪ್ರಕರಣದ ತೀರ್ಪು ಕೊಡಕ್ಕೂ ಸುಪ್ರೀಂ ಕೋರ್ಟ್ ಬೇಕು ಅಂದ್ರೆ ಜಿಲ್ಲಾ ಕೋರ್ಟ್ಗಳು, ಹೈಕೋರ್ಟ್ಗಳಿಗೆ ಬರೋ ಕೇಸುಗಳ ಗತಿ ಏನು…’ ಬೆಕ್ಕಣ್ಣ ರಾಗವೆಳೆಯಿತು.

. ‘ಹಂಗೆಲ್ಲ ಕೋರ್ಟ್ ಬಗ್ಗೆ ಹಗುರಾಗಿ ಮಾತನಾಡಬ್ಯಾಡಲೇ… ನ್ಯಾಯಾಂಗ ನಿಂದನೆಯಾಗತೈತೆ’ ಎಂದು ನಾನು ಎಚ್ಚರಿಸಿದೆ.

. ‘ಆ ವಿಚಾರ ಬಿಡೂಣು. 500 ರೂಪಾಯಿ ಲಂಚ ಪ್ರಕರಣದ ತೀರ್ಪು ಬರೋದಕ್ಕೆ ಮೂವತ್ತು ವರ್ಷವಾದರೆ, ಲಕ್ಷಗಟ್ಟಲೆ ರೂಪಾಯಿಯ ಲಂಚ ಪ್ರಕರಣಗಳ ತೀರ್ಮಾನಕ್ಕೆ ಎಷ್ಟು ವರ್ಷಬೇಕಾಗಬೌದು ಲೆಕ್ಕ ಹಾಕು’.

. ‘ಹಂಗೇ ವಿಜಯ್ ಮಲ್ಯ, ನೀರವ್ ಮೋದಿ ಇಂಥ ಹೈಪ್ರೋಫೈಲ್ ವಂಚನೆ ಪ್ರಕರಣಗಳಲ್ಲಿ, ತೀರ್ಪು ಕೊಡಕ್ಕೆ ಎಷ್ಟ್ ವರ್ಷ ಬೇಕಾಗಬೌದು?’

. ‘ನೀ ಬರೇ ನೀರವ್ ಅನ್ನು, ಅವನ ಅಡ್ಡಹೆಸರು ಮೋದಿ ಅಂತ ಉಲ್ಲೇಖ ಮಾಡೂ ಅಗತ್ಯವೇ ಇಲ್ಲ’. ಬೆಕ್ಕಣ್ಣ ಜೋರಾಗಿ ಗುರ್ರೆಂದಿತು.

. ‘ಹೆಸರಿನಾಗೆ ಏನೈತಿ ಅಂತ ಷೇಕ್ಸ್ಪಿಯರ್ ಹೇಳ್ಯಾನಲ್ಲ… ಅಡ್ಡಹೆಸರು ಬಿಟ್ಟಾಕಿ, ಬರೇ ನೀರವ್ ಅನ್ನೂಣು. ಇವರಿಬ್ಬರ ವಂಚನೆ ಪ್ರಕರಣದ ತೀರ್ಪಿಗೆ ಎಷ್ಟ್ ವರ್ಷ ಆಗತೈತೆ ಲೆಕ್ಕ ಹಾಕು’ ಬೆಕ್ಕಣ್ಣ ಲೆಕ್ಕದ ಮಾತು ಮುಂದುವರೆಸಿತು.

. ‘ನಮ್ಮ ರಾಜ್ಯದ ಕೋರ್ಟ್ಗಳಲ್ಲಿ ಸುಮಾರು ಇಪ್ಪತ್ತು ಲಕ್ಷ ಕೇಸುಗಳು ಬಾಕಿ ಅದಾವಂತೆ… ಅಲ್ಲದೇ ನ್ಯಾಯಾಂಗ ಸಿಬ್ಬಂದಿ ಕೊರತೆ ಬೇರೆ… ಹಿಂಗಾಗಿ ಕೇಸುಗಳು 20-30 ವರ್ಷ ಜಗ್ಗತಾವು’ ನಾನು ಸಮರ್ಥಿಸಿದೆ.

. ‘ಕೊನೆಗೂ ತೀರ್ಪು ಬರಕ್ಕೆ ಎಷ್ಟು ವರ್ಷ ಹಿಡೀಬೌದು ಅನ್ನೋ ಅಂದಾಜು ಕೇಸಿನ ಪರ, ವಿರೋಧ ವಾದ ಮಾಡೋ ವಕೀಲರಿಗಷ್ಟೇ ಗೊತ್ತಿರತೈತಿ’ ಎಂದು ಬೆಕ್ಕಣ್ಣ ಸತ್ಯ ನುಡಿಯಿತು!

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚುರುಮುರಿ: ಅಂತಿಮ ತೀರ್ಪು

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಹಾಕಿ ಇಂಡಿಯಾ ಜೂನಿಯರ್‌ ಬಾಲಕಿಯರ ರಾಷ್ಟ್ರೀಯ ಚಾಂಪಿಯನ್‌ಷಿಪ್‌: 10ರಂದು ಟ್ರಯಲ್ಸ್

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ