ಮೊದಲು ಯುಎಇಗೆ ಭೇಟಿ ನೀಡಲಿರುವ ನರವಣೆ ಅವರು, ಅಲ್ಲಿನ ಹಿರಿಯ ಸೇನಾಧಿಕಾರಿಗಳ ಜೊತೆಗೆ ಸಭೆ ನಡೆಸಲಿದ್ದು, ದ್ವಿಪಕ್ಷೀಯ ಸೇನಾ ಸಹಕಾರವನ್ನು ಮತ್ತಷ್ಟು ವೃದ್ಧಿಸುವ ಕುರಿತು ಚರ್ಚೆ ನಡೆಸಲಿದ್ದಾರೆ. ಡಿ.13 ಮತ್ತು 14ರಂದು ಸೌದಿ ಅರೇಬಿಯಾಗೆ ನರವಣೆ ಅವರು ಭೇಟಿ ನೀಡಲಿದ್ದಾರೆ ಎಂದು ಸೇನೆಯು ಪ್ರಕಟಣೆಯಲ್ಲಿ ತಿಳಿಸಿದೆ. ಸೌದಿಯಲ್ಲಿ ರಾಯಲ್ ಸೌದಿ ಭೂಸೇನೆಯ ಕೇಂದ್ರ ಕಚೇರಿಗೆ ಭೇಟಿ ನೀಡಲಿರುವ ನರವಣೆ ಅವರು ನಂತರದಲ್ಲಿ ಕಿಂಗ್ ಅಬ್ದುಲ್ ಅಜೀಜ್ ಸೇನಾ ಅಕಾಡೆಮಿಗೆ ಭೇಟಿ ನೀಡಲಿದ್ದಾರೆ.