ಗೋಮಾಂಸ ಸೇವನೆ ತ್ಯಜಿಸುವಂತೆ ಅಸ್ಸಾಂ ಮುಸ್ಲಿಮರಿಗೆ ಕರೆ ನೀಡುವೆ: ಬದ್ರುದ್ದೀನ್

ಆಗಸ್ಟ್ 13ರಂದು ಅನುಮೋದನೆ ಪಡೆಯಲಾಗಿರುವ ‘ಅಸ್ಸಾಂ ಜಾನುವಾರು ರಕ್ಷಣಾ ಕಾಯ್ದೆ 2021’ರ ಬಗ್ಗೆ ಅಜ್ಮಲ್ ಬಳಿ ಪ್ರತಿಕ್ರಿಯೆ ಕೋರಲಾಗಿತ್ತು. ಇದಕ್ಕೆ ಉತ್ತರಿಸಿದ ಅವರು, ಗೋಮಾಂಸ ಸೇವನೆ ತ್ಯಜಿಸುವಂತೆ ಅಸ್ಸಾಂನ ಮುಸ್ಲಿಮರಲ್ಲಿ ಮನವಿ ಮಾಡುವೆ ಎಂದಷ್ಟೇ ಹೇಳಬಲ್ಲೆ’ ಎಂದು ಹೇಳಿದ್ದಾರೆ.

ಓದಿ:ಗೋಹತ್ಯೆ, ಗೋಮಾಂಸ ಸೇವನೆಗೆ ಕಡಿವಾಣ: ಅಸ್ಸಾಂನಲ್ಲಿ ಮಸೂದೆ ಮಂಡನೆ

ಹಿಂದೂ ಮತ್ತು ಇತರ ಗೋಮಾಂಸ ಸೇವನೆ ಮಾಡದ ಸಮುದಾಯದವರ ಪ್ರಾಬಲ್ಯ ಇರುವ ಪ್ರದೇಶದ, ದೇಗುಲ, ಹಿಂದೂ ಧಾರ್ಮಿಕ ಸಂಸ್ಥೆಗಳ 5 ಕಿ.ಮೀ ವ್ಯಾಪ್ತಿಯಲ್ಲಿ ಗೋಮಾಂಸ ಮಾರಾಟ, ಸೇವನೆ ನಿಷೇಧಿಸುವ ಬಗ್ಗೆ ಕಾಯ್ದೆಯಲ್ಲಿ ಉಲ್ಲೇಖಿಸಲಾಗಿದೆ. ಇತರ ರಾಜ್ಯಗಳಿಗೆ ಮತ್ತು ಇತರ ರಾಜ್ಯಗಳಿಂದ ಅಸ್ಸಾಂಗೆ ಜಾನುವಾರು ಸಾಗಾಟವನ್ನು ಕಾಯ್ದೆ ನಿಷೇಧಿಸುತ್ತದೆ. ಅನುಮತಿ ಇಲ್ಲದೆ ಇತರ ರಾಜ್ಯಗಳಿಂದ ಅಸ್ಸಾಂ ಮೂಲಕ ಬೇರೆ ರಾಜ್ಯಗಳಿಗೆ ಗೋಮಾಂಸ ಮಾರಾಟ ಮಾಡುವುದನ್ನೂ ನಿಷೇಧಿಸುತ್ತದೆ.