<p><strong>ನವದೆಹಲಿ: </strong>ಖ್ಯಾತ ಭಜನೆ ಗಾಯಕ ನರೇಂದ್ರ ಚಂಚಲ್ (76) ಅವರು ಅನಾರೋಗ್ಯದ ಕಾರಣ ಶುಕ್ರವಾರ ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.</p>.<p>‘ಚಲೊ ಬುಲಾವ ಆಯಾ ಹೆ’, ‘ತುನೆ ಮುಜೆ ಬುಲಾಯಾ ಶೇರವಾಲಿಯೆ’ ಮುಂತಾದ ಭಜನೆಗಳ ಮುಖಾಂತರ ಅವರು ಹೆಸರುವಾಸಿಯಾಗಿದ್ದರು. ಅವರನ್ನು ನ.27ರಂದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮಿದುಳಿನ ವ್ಯಾಧಿಯಿಂದಾಗಿ ಅವರು ಶುಕ್ರವಾರ ಮಧ್ಯಾಹ್ನ ಮೃತಪಟ್ಟರು.</p>.<p>1940ರಲ್ಲಿ ಅಮೃತಸರದ ನಮಕ್ ಮಂಡಿಯಲ್ಲಿ ಪಂಜಾಬಿ ಕುಟುಂಬದಲ್ಲಿ ಜನಿಸಿದ ಚಂಚಲ್ ಅವರು, ಧಾರ್ಮಿಕ ವಾತಾವರಣದಲ್ಲೇ ಬೆಳೆದಿದ್ದರು. ಹೀಗಾಗಿ ಸಣ್ಣ ಪ್ರಾಯದಿಂದಲೇ ಭಕ್ತಿಗೀತೆಗಳನ್ನು ಹಾಡುವುದಕ್ಕೆ ಅವರಲ್ಲಿ ಆಸಕ್ತಿ ಮೂಡಿತ್ತು.</p>.<p>1973ರಲ್ಲಿ ಬಿಡುಗಡೆಯಾದ ರಿಷಿ ಕಪೂರ್ ನಟನೆಯ ಮೊದಲ ಚಿತ್ರ ‘ಬಾಬಿ’ಯಲ್ಲಿ, ಅವರು ಹಾಡಿದ್ದ ‘ಬೇಷಕ್ ಮಂದಿರ್ ಮಸ್ಜಿದ್’ ಹಾಡು ಅವರಿಗೆ ಹಿಂದಿ ಸಿನಿಮಾದಲ್ಲಿ ಖ್ಯಾತಿ ತಂದುಕೊಟ್ಟಿತ್ತು. ಈ ಹಾಡಿಗಾಗಿ 1974ರಲ್ಲಿ ಅವರಿಗೆ ಅತ್ಯುತ್ತಮ ಹಿನ್ನೆಲೆ ಗಾಯಕ ಫಿಲ್ಮ್ಫೇರ್ ಪ್ರಶಸ್ತಿ ದೊರಕಿತ್ತು. 1983ರಲ್ಲಿ ರಾಜೇಶ್ ಖನ್ನಾ ಅಭಿನಯದ ‘ಅವತಾರ್’ ಚಿತ್ರದ ‘ಚಲೊ ಬುಲಾವ ಆಯಾ ಹೆ ಮಾತಾ ನೆ ಬುಲಾಯಾ ಹೆ’ ಹಾಡು ಅವರಿಗೆ ಮತ್ತಷ್ಟು ಖ್ಯಾತಿ ತಂದುಕೊಟ್ಟಿತ್ತು.</p>.<p>2009ರಲ್ಲಿ ತಮ್ಮ ಆತ್ಮಕಥೆ ‘ಮಿಡ್ನೈಟ್ ಸಿಂಗರ್’ ಕೃತಿಯನ್ನು ಅವರು ಬಿಡುಗಡೆಗೊಳಿಸಿದ್ದರು. ‘ತಮ್ಮ ಧ್ವನಿಯಿಂದಲೇ ಭಕ್ತಿಗೀತೆಗಳ ಕ್ಷೇತ್ರದಲ್ಲಿ ತಮ್ಮದೇ ಛಾಪನ್ನು ಚಂಚಲ್ ಅವರು ಮೂಡಿಸಿದ್ದರು’ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಶುಕ್ರವಾರ ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ: </strong>ಖ್ಯಾತ ಭಜನೆ ಗಾಯಕ ನರೇಂದ್ರ ಚಂಚಲ್ (76) ಅವರು ಅನಾರೋಗ್ಯದ ಕಾರಣ ಶುಕ್ರವಾರ ಇಲ್ಲಿನ ಖಾಸಗಿ ಆಸ್ಪತ್ರೆಯಲ್ಲಿ ನಿಧನರಾದರು.</p>.<p>‘ಚಲೊ ಬುಲಾವ ಆಯಾ ಹೆ’, ‘ತುನೆ ಮುಜೆ ಬುಲಾಯಾ ಶೇರವಾಲಿಯೆ’ ಮುಂತಾದ ಭಜನೆಗಳ ಮುಖಾಂತರ ಅವರು ಹೆಸರುವಾಸಿಯಾಗಿದ್ದರು. ಅವರನ್ನು ನ.27ರಂದು ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಮಿದುಳಿನ ವ್ಯಾಧಿಯಿಂದಾಗಿ ಅವರು ಶುಕ್ರವಾರ ಮಧ್ಯಾಹ್ನ ಮೃತಪಟ್ಟರು.</p>.<p>1940ರಲ್ಲಿ ಅಮೃತಸರದ ನಮಕ್ ಮಂಡಿಯಲ್ಲಿ ಪಂಜಾಬಿ ಕುಟುಂಬದಲ್ಲಿ ಜನಿಸಿದ ಚಂಚಲ್ ಅವರು, ಧಾರ್ಮಿಕ ವಾತಾವರಣದಲ್ಲೇ ಬೆಳೆದಿದ್ದರು. ಹೀಗಾಗಿ ಸಣ್ಣ ಪ್ರಾಯದಿಂದಲೇ ಭಕ್ತಿಗೀತೆಗಳನ್ನು ಹಾಡುವುದಕ್ಕೆ ಅವರಲ್ಲಿ ಆಸಕ್ತಿ ಮೂಡಿತ್ತು.</p>.<p>1973ರಲ್ಲಿ ಬಿಡುಗಡೆಯಾದ ರಿಷಿ ಕಪೂರ್ ನಟನೆಯ ಮೊದಲ ಚಿತ್ರ ‘ಬಾಬಿ’ಯಲ್ಲಿ, ಅವರು ಹಾಡಿದ್ದ ‘ಬೇಷಕ್ ಮಂದಿರ್ ಮಸ್ಜಿದ್’ ಹಾಡು ಅವರಿಗೆ ಹಿಂದಿ ಸಿನಿಮಾದಲ್ಲಿ ಖ್ಯಾತಿ ತಂದುಕೊಟ್ಟಿತ್ತು. ಈ ಹಾಡಿಗಾಗಿ 1974ರಲ್ಲಿ ಅವರಿಗೆ ಅತ್ಯುತ್ತಮ ಹಿನ್ನೆಲೆ ಗಾಯಕ ಫಿಲ್ಮ್ಫೇರ್ ಪ್ರಶಸ್ತಿ ದೊರಕಿತ್ತು. 1983ರಲ್ಲಿ ರಾಜೇಶ್ ಖನ್ನಾ ಅಭಿನಯದ ‘ಅವತಾರ್’ ಚಿತ್ರದ ‘ಚಲೊ ಬುಲಾವ ಆಯಾ ಹೆ ಮಾತಾ ನೆ ಬುಲಾಯಾ ಹೆ’ ಹಾಡು ಅವರಿಗೆ ಮತ್ತಷ್ಟು ಖ್ಯಾತಿ ತಂದುಕೊಟ್ಟಿತ್ತು.</p>.<p>2009ರಲ್ಲಿ ತಮ್ಮ ಆತ್ಮಕಥೆ ‘ಮಿಡ್ನೈಟ್ ಸಿಂಗರ್’ ಕೃತಿಯನ್ನು ಅವರು ಬಿಡುಗಡೆಗೊಳಿಸಿದ್ದರು. ‘ತಮ್ಮ ಧ್ವನಿಯಿಂದಲೇ ಭಕ್ತಿಗೀತೆಗಳ ಕ್ಷೇತ್ರದಲ್ಲಿ ತಮ್ಮದೇ ಛಾಪನ್ನು ಚಂಚಲ್ ಅವರು ಮೂಡಿಸಿದ್ದರು’ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಶುಕ್ರವಾರ ಟ್ವೀಟ್ ಮಾಡಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>