ಕಂಗನಾ ಬಂಗ್ಲೆ ಅಕ್ರಮ ನಿರ್ಮಾಣ: ಮುಂಬೈ ಪಾಲಿಕೆ

ಮುಂಬೈ: ಬಾಲಿವುಡ್ ನಟಿ ಕಂಗನಾ ರನೋಟ್ ಅವರ ಮುಂಬೈ ಬಂಗ್ಲೆಗೆ ಬೃಹನ್ಮುಂಬಯಿ ಮಹಾನಗರ ಪಾಲಿಕೆ (ಬಿಎಂಸಿ) ಮಂಗಳವಾರ ನೋಟಿಸ್ ಅಂಟಿಸಿದ್ದು, ಕಂಗನಾ ಸೂಕ್ತ ಅನುಮತಿ ಪಡೆಯದೇ ಬಂಗ್ಲೆಯ ಆವರಣದಲ್ಲಿ ಅನೇಕ ಮಾರ್ಪಾಡುಗಳನ್ನು ಮಾಡಿದ್ದಾರೆ ಎಂದು ಬಿಎಂಸಿ ಹೇಳಿದೆ.

. ‘ಕೆಲಸ ನಿಲ್ಲಿಸಿ’ ಎನ್ನುವ ನೋಟಿಸ್ ಅನ್ನು ಪಾಲಿಕೆ ಅಧಿಕಾರಿಗಳು ಕಂಗನಾ ಅವರ ಬಂಗ್ಲೆಗೆ ಅಂಟಿಸಿದ್ದಾರೆ. ಆದರೆ, ಬಿಎಂಸಿಯ ಆರೋಪವನ್ನು ನಿರಾಕರಿಸಿರುವ ಕಂಗನಾ, ಬಿಎಂಸಿ ತಮಗೆ ಬೆದರಿಕೆ ಒಡ್ಡುವ ಕಾರಣಕ್ಕಾಗಿಯೇ ಈ ರೀತಿ ವರ್ತಿಸುತ್ತಿದೆ ಎಂದು ದೂರಿದ್ದಾರೆ.

. ಬಾಂದ್ರಾ ಉಪನಗರದ ಪಾಲಿ ಹಿಲ್ಸ್ನಲ್ಲಿರುವ ಕಂಗನಾ ಅವರ ಬಂಗ್ಲೆಯನ್ನು ಸೋಮವಾರ ಬಿಎಂಸಿ ಅಧಿಕಾರಿಗಳು ತಪಾಸಣೆ ನಡೆಸಿದ್ದರು. ಮಂಗಳವಾರವೂ ಬಂಗ್ಲೆಗೆ ಭೇಟಿ ನೀಡಿದ್ದ ಅಧಿಕಾರಿಗಳು ನೋಟಿಸ್ ಅಂಟಿಸಿದ್ದಾರೆ.

. ‘ಅಕ್ರಮ ನಿರ್ಮಾಣಕ್ಕೆ ಸಂಬಂಧಿಸಿದಂತೆ ಅಗತ್ಯವಾದ ಅನುಮತಿಯ ದಾಖಲೆಗಳನ್ನು ಸಲ್ಲಿಸುವಂತೆ ಕಂಗನಾಗೆ ಸೂಚಿಸಲಾಗಿದೆ’ ಎಂದು ಪಾಲಿಕೆಯ ಅಧಿಕಾರಿ ವಿನಾಯಕ್ ವಿಸ್ಪೂತೆ ತಿಳಿಸಿದ್ದಾರೆ.

. ನೋಟಿಸ್ಗೆ ಉತ್ತರ: ‘ನನ್ನ ಕಕ್ಷಿದಾರರು (ಕಂಗನಾ) ನೀವು ತಪ್ಪಾಗಿ ಅರ್ಥೈಸಿಕೊಂಡಂತೆ ಯಾವುದೇ ಅಕ್ರಮ ನಿರ್ಮಾಣ ಕಾಮಗಾರಿ ಕೈಗೊಂಡಿಲ್ಲ. ಹಾಗಾಗಿ ‘ಕೆಲಸ ನಿಲ್ಲಿಸಿ’ ಎಂದು ನೀವು ನೀಡಿರುವ ನೋಟಿಸ್ ಕಾನೂನು ಪ್ರಕಾರ ತಪ್ಪು. ಈ ಮೂಲಕ ನನ್ನ ಕಕ್ಷಿದಾರರಿಗೆ ನೀವು ಬೆದರಿಕೆ ಒಡ್ಡಿದ್ದೀರಿ’ ಎಂದು ಕಂಗನಾ ತಮ್ಮ ವಕೀಲರ ಮೂಲಕ ಪಾಲಿಕೆ ಅಧಿಕಾರಿಗಳ ನೋಟಿಸ್ಗೆ ಉತ್ತರ ನೀಡಿದ್ದಾರೆ.

. ಟ್ವೀಟ್ ಮಾಡಿದ ಕಂಗನಾ: ‘ಅವರು (ಪಾಲಿಕೆ) ಇಂದು ಬುಲ್ಡೋಜರ್ನೊಂದಿಗೆ ಬಂದಿಲ್ಲ. ಬದಲಿಗೆ ಕಚೇರಿಯಲ್ಲಿ ನಡೆಯುತ್ತಿರುವ ಕೆಲ ರಿಪೇರಿ ಕೆಲಸಗಳನ್ನು ನಿಲ್ಲಿಸಲು ನೋಟಿಸ್ ಅಂಟಿಸಿದ್ದಾರೆ. ಸ್ನೇಹಿತರೇ, ನಾನು ಸಾಕಷ್ಟು ಅಪಾಯವನ್ನು ಎದುರಿಸಬೇಕಾಗಿದೆ. ನಿಮ್ಮೆಲ್ಲರ ಅಪಾರ ಪ್ರೀತಿ ಮತ್ತು ಬೆಂಬಲವನ್ನು ನಾನು ಕಂಡುಕೊಂಡಿದ್ದೇನೆ’ ಎಂದು ಕಂಗನಾ ಟ್ವೀಟ್ ಮಾಡಿದ್ದಾರೆ.

. ಈ ನಡುವೆ ಬಿಎಂಸಿ, ನ್ಯಾಯಾಲಯದಲ್ಲಿ ಕೇವಿಟ್ ಸಲ್ಲಿಸಿದ್ದು, ಕಂಗನಾ ವಿರುದ್ಧ ಮೊಕದ್ದಮೆ ಹೂಡುವ ಸಾಧ್ಯತೆಯೂ ಇದೆ ಎನ್ನಲಾಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕಂಗನಾ ಬಂಗ್ಲೆ ಅಕ್ರಮ ನಿರ್ಮಾಣ: ಮುಂಬೈ ಪಾಲಿಕೆ

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಡಿ.ಕೆ.ಶಿವಕುಮಾರ್ ಬೆಂಗಾವಲು ವಾಹನ ಪಲ್ಟಿ: ನಾಲ್ವರಿಗೆ ಗಾಯ

ಬಸವಜಯ ಮೃತ್ಯುಂಜಯ ಸ್ವಾಮೀಜಿ ಅವರಾಗಿಯೇ ಪೀಠ ತೊರೆದರೆ ಸಂತೋಷ: ಕಾಶಪ್ಪನವರ

National Sports Board:ರಾಷ್ಟ್ರೀಯ ಕ್ರೀಡಾ ಮಂಡಳಿ ಸ್ಥಾಪನೆಗೆ ಕೇಂದ್ರ ನಿರ್ಧಾರ‌

INDW vs ENGW | ಇಂಗ್ಲೆಂಡ್‌ಗೆ ಮಣಿದ ಭಾರತ

FIDE Women’s World Cup: ಕೋನೇರು ಹಂಪಿಗೆ ಯುಕ್ಸಿನ್ ಸವಾಲು

ಕಬಡ್ಡಿ ಟೂರ್ನಿ: ಎಪಿಎಸ್ ಶಾಲೆಗೆ ಪ್ರಶಸ್ತಿ

ಒಳನೋಟ | ಬದಲಾಗುತ್ತಿದೆಯೇ ಅವಿಭಜಿತ ದಕ್ಷಿಣ ಕನ್ನಡ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಚಿನಕುರುಳಿ | ಶನಿವಾರ, 19 ಜುಲೈ 2025

ಚುರುಮುರಿ | ಮನೆ ಖಾಲಿ ಇಲ್ಲ!

ಡಿ.ಕೆ.ಶಿವಕುಮಾರ್ ಬೆಂಗಾವಲು ವಾಹನ ಪಲ್ಟಿ: ನಾಲ್ವರಿಗೆ ಗಾಯ

ಬಸವಜಯ ಮೃತ್ಯುಂಜಯ ಸ್ವಾಮೀಜಿ ಅವರಾಗಿಯೇ ಪೀಠ ತೊರೆದರೆ ಸಂತೋಷ: ಕಾಶಪ್ಪನವರ