ಅಹಮದಾಬಾದ್‌ : ಗಡಿ ಭದ್ರತಾ ಪಡೆಯು (ಬಿಎಸ್‌ಎಫ್‌) ಗುಜರಾತ್‌ನ ಕಚ್‌ ಜಿಲ್ಲೆಯಲ್ಲಿನ ಭಾರತ–ಪಾಕ್‌ ಗಡಿ ಸನಿಹವಿರುವ ಹರಾಮಿ ನಾಲೆ ಬಳಿ ಪಾಕಿಸ್ತಾನಕ್ಕೆ ಸೇರಿದ ಎರಡು ಮೀನುಗಾರಿಕೆ ದೋಣಿಗಳನ್ನು ಶನಿವಾರ ಜಪ್ತಿ ಮಾಡಿದೆ.
‘ಬಿಎಸ್‌ಎಫ್‌ ತಂಡವು ಮೂರು ದಿನಗಳಲ್ಲಿ ಪಾಕಿಸ್ತಾನಕ್ಕೆ ಸೇರಿದ ಒಟ್ಟು ಒಂಬತ್ತು ದೋಣಿಗಳನ್ನು ಜಪ್ತಿ ಮಾಡಿದೆ. ಒಬ್ಬ ಮೀನುಗಾರನನ್ನೂ ಬಂಧಿಸಿದೆ’ ಎಂದು ಪ್ರಕಟಣೆ ತಿಳಿಸಿದೆ.
‘ಬಿಎಸ್‌ಎಫ್‌ನ ಭುಜ್‌ ತಂಡವು ಗಸ್ತು ನಡೆಸುತ್ತಿದ್ದ ವೇಳೆ ಹರಾಮಿ ನಾಲೆ ಸಮೀಪ ಪಾಕಿಸ್ತಾನದ ಕೆಲ ಮೀನುಗಾರರ ಚಲನವಲನ ಗಮನಿಸಿತ್ತು. ಕೂಡಲೇ ಸ್ಥಳಕ್ಕೆ ಹೋಗಿ ದೋಣಿಗಳನ್ನು ಜಪ್ತಿ ಮಾಡಿತ್ತು. ಅವುಗಳಲ್ಲಿ ಅನುಮಾನಾಸ್ಪದವಾದ ಯಾವುದೇ ವಸ್ತುಗಳು ಸಿಕ್ಕಿಲ್ಲ’ ಎಂದೂ ಹೇಳಿದೆ.
