ಸೋಮವಾರ, ನವೆಂಬರ್ 30, 2020
26 °C

ಬ್ಯಾಂಕ್‌ಗೆ ₹1,006 ಕೋಟಿ ವಂಚನೆ: ಬೆಸ್ಟ್‌ ಫುಡ್‌ ಲಿ.ವಿರುದ್ಧ ಸಿಬಿಐ ಪ್ರಕರಣ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ: ಭಾರತೀಯ ಸ್ಟೇಟ್‌ ಬ್ಯಾಂಕ್‌ ನೇತೃತ್ವದ ಬ್ಯಾಂಕ್‌ ಒಕ್ಕೂಟಕ್ಕೆ ₹1,006.46 ಕೋಟಿ ವಂಚನೆ ಎಸಗಿದ ಆರೋಪಕ್ಕೆ ಸಂಬಂಧಿಸಿದಂತೆ ಬಾಸುಮತಿ ಅಕ್ಕಿ ಸಂಸ್ಕರಣಕಾರರಾದ ಬೆಸ್ಟ್‌ ಫುಡ್‌ ಕಂಪನಿ ವಿರುದ್ಧ ಸಿಬಿಐ ಮಂಗಳವಾರ ಪ್ರಕರಣ ದಾಖಲಿಸಿಕೊಂಡಿದೆ.

ಸಿಬಿಐ ಅಧಿಕಾರಿಗಳು ದೆಹಲಿ ಹಾಗೂ ಚಂಡೀಗಡದಲ್ಲಿರುವ ಕಂಪನಿಯ ನಾಲ್ಕು ಕಚೇರಿಗಳಲ್ಲಿ ಹಾಗೂ ಮುಖ್ಯಸ್ಥ ಮೊಹಿಂದರ್‌ ಪಾಲ್‌ ಜಿಂದಾಲ್‌ ಮತ್ತು ವ್ಯವಸ್ಥಾಪಕ ನಿರ್ದೇಶಕ ದಿನೇಶ್‌ ಗುಪ್ತಾ ಅವರ ಮನೆಗಳಲ್ಲೂ ಮಂಗಳವಾರ ಶೋಧ ನಡೆಸಿದ್ದಾರೆ.

‘2015 ಏ.1ರಿಂದ 2018 ಮಾರ್ಚ್‌ 31ರ ಅವಧಿಯಲ್ಲಿ ಪಡೆದುಕೊಂಡ ಸಾಲವನ್ನು ಇತರೆ ಉದ್ದೇಶಗಳಿಗಾಗಿ ಬಳಸಿಕೊಂಡಿದೆ. ಪಡೆದುಕೊಂಡ ಸಾಲವನ್ನು ಮರುಪಾವತಿಸದ ಕಾರಣ 2016 ಸೆ.17ರಂದು ವಸೂಲಾಗದ ಸಾಲದ ಪಟ್ಟಿಗೆ ಕಂಪನಿಯ ಖಾತೆಯನ್ನು ಸೇರಿಸಲಾಗಿದೆ. ಪರಿಶೀಲನೆ ಸಂದರ್ಭದಲ್ಲಿ ಕಂಪನಿಯ ಬ್ಯಾಲೆನ್ಸ್‌ ಶೀಟ್‌ನಲ್ಲಿ ಅವ್ಯವಹಾರ ಹಾಗೂ ಸಾಲದ ಹಣವನ್ನು ಇತರೆ ಉದ್ದೇಶಗಳಿಗೆ ಬಳಸಿರುವುದು ಪತ್ತೆಯಾಗಿದೆ’ ಎಂದು ಎಸ್‌ಬಿಐ ದೂರಿನಲ್ಲಿ ಆರೋಪಿಸಿತ್ತು. 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು