Covid-19 India Update | ದೇಶದಲ್ಲಿ ಶೇ. 69.80 ಸೋಂಕಿತರು ಗುಣಮುಖ
ನವದೆಹಲಿ: ದೇಶದಾದ್ಯಂತ ಕೋವಿಡ್‌–19 ಸೋಂಕಿನಿಂದ ಗುಣಮುಖರಾದವರ ಪ್ರಮಾಣ ಶೇ. 69.80ಕ್ಕೆ ಏರಿಕೆಯಾಗಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದೆ.
ಸಚಿವಾಲಯ ನೀಡಿರುವ ಮಾಹಿತಿ ಪ್ರಕಾರ ದೇಶದಲ್ಲಿ ಇದುವರೆಗೆ ಒಟ್ಟು 22.61 ಲಕ್ಷ ಜನರಿಗೆ ಸೋಂಕು ತಗುಲಿದೆ. ಇದರಲ್ಲಿ 15.74 ಲಕ್ಷ ಸೋಂಕಿತರು ಗುಣಮುಖರಾಗಿದ್ದಾರೆ. 45,202 ಮಂದಿ ಮೃತಪಟ್ಟಿದ್ದು, ಇನ್ನೂ 6.42 ಲಕ್ಷ ಪ್ರಕರಣಗಳು ಸಕ್ರಿಯವಾಗಿವೆ.
ಸಾವಿನ ಪ್ರಮಾಣ ಶೇ. 1.99ಕ್ಕೆ ಇಳಿಮುಖವಾಗಿದೆ. ಗುಣಮುಖರ ಪ್ರಮಾಣ ಶೇ. 69.80ಕ್ಕೆ ಏರಿಕೆಯಾಗಿದ್ದು, ಶೇ. 28.21ರಷ್ಟು ಪ್ರಕರಣಗಳು ಮಾತ್ರವೇ ಸಕ್ರಿಯವಾಗಿವೆ.
ಕೊರೊನಾ ಸಾವಿನ ಪ್ರಮಾಣ ಶೇ. 2ಕ್ಕಿಂತಲೂ ಕಡಿಮೆಯಿದೆ ಎಂದು ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವ ಹರ್ಷವರ್ಧನ್‌ ಟ್ವೀಟ್‌ ಮಾಡಿದ್ದಾರೆ.
भारत में कोरोना से मृत्यु दर 2 % से भी कम !@MoHFW_INDIA के सचिव श्री राजेश भूषण जी ने प्रेस वार्ता में बताया कि वर्तमान में #कोरोना मृत्यु दर 1.99% है।
— Dr Harsh Vardhan (@drharshvardhan) August 11, 2020
देश में अब तक कोरोना के 2.5 करोड़ टेस्ट किए जा चुके हैं।@PMOIndia #IndiaFightsCorona pic.twitter.com/dokVzv4HJT
ದೇಶದಲ್ಲಿ ಅತಿಹೆಚ್ಚು ಪ್ರಕರಣಗಳು ದಾಖಲಾಗಿರುವ ಮಹಾರಾಷ್ಟ್ರದಲ್ಲಿ ಒಟ್ಟು 5.24 ಲಕ್ಷ ಪ್ರಕರಣಗಳು ದೃಢಪಟ್ಟಿವೆ. 18,050 ಸೋಂಕಿತರು ಮೃತಪಟ್ಟಿದ್ದಾರೆ. ತಮಿಳುನಾಡಿನಲ್ಲಿ 3.02 ಲಕ್ಷ, ಆಂಧ್ರ ಪ್ರದೇಶದಲ್ಲಿ 2.35 ಲಕ್ಷ ಪ್ರಕರಣಗಳು ಖಚಿತವಾಗಿವೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.