ನವದೆಹಲಿ: ಸುಮಾರು ₹1000 ಕೋಟಿ ಮೊತ್ತದ ಹವಾಲಾ ಹಗರಣದಲ್ಲಿ ಹಣ ಅಕ್ರಮ ವರ್ಗಾವಣೆ ಪ್ರಕರಣದ ಸಂಬಂಧ ಜಾರಿ ನಿರ್ದೇಶನಾಲಯ (ಇ.ಡಿ) ಅಧಿಕಾರಿಗಳು ಭಾನುವಾರ ಚೀನಾದ ಇಬ್ಬರು ಪ್ರಜೆಗಳನ್ನು ಬಂಧಿಸಿದ್ದಾರೆ.
ಬಂಧಿತರನ್ನು ಚಾರ್ಲಿ ಪೆಂಗ್ ಅಲಿಯಾಸ್‌ ಲೂ ಸಾಂಗ್ (42) ಮತ್ತು ಕಾರ್ಟರ್ ಲೀ ಎಂದು ಗುರುತಿಸಲಾಗಿದೆ. ಜನವರಿ 15ರಂದೇ ಇಬ್ಬರನ್ನು ನ್ಯಾಯಾಲಯದ ಎದುರು ಹಾಜರುಪಡಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಆದಾಯ ತೆರಿಗೆ ಇಲಾಖೆ ತನಿಖೆಗೆ ಸಂಬಂಧಿಸಿ ಪೆಂಗ್ ವಿರುದ್ಧ ಪ್ರಕರಣ ಇದ್ದು, ದೆಹಲಿ ಪೋಲೀಸ್‌ನ ವಿಶೇಷ ದಳ 2018ರಲ್ಲಿ ಎಫ್‌ಐಆರ್‌ ದಾಖಲಿಸಿತ್ತು.
ಟಿಬೆಟಿಯನ್ ಧಾರ್ಮಿಕ ನಾಯಕ ದಲೈ ಲಾಮಾ ಅವರ ಚಲನವಲನ ಗುರುತಿಸುತ್ತಿದ್ದ ಆರೋಪದ ಮೇಲೆ ಕಳೆದ ವರ್ಷ ಹಿಮಾಚಲ ಪ್ರದೇಶದಲ್ಲಿ ಇಬ್ಬರನ್ನು ಬಂಧಿಸಲಾಗಿತ್ತು. ಅಗ ಪೆಂಗ್ ಹೆಸರು ಪ್ರಮುಖವಾಗಿ ಚರ್ಚೆಗೆ ಬಂದಿತ್ತು.
