ಹರಿಯಾಣದ ಒಟ್ಟು 90 ಶಾಸಕರ ಪೈಕಿ, ಒಬ್ಬ ಸ್ವತಂತ್ರ ಶಾಸಕ ಮತ ಚಲಾವಣೆಯಿಂದ ದೂರ ಉಳಿದಿದ್ದರು. ಒಂದು ಮತ ತಿರಸ್ಕೃತಗೊಂಡಿತ್ತು. ಹೀಗಾಗಿ 88 ಮತಗಳು ಚಲಾವಣೆಯಾದವು. ಅಂದರೆ ಪ್ರತಿ ಅಭ್ಯರ್ಥಿಗೆ ಗೆಲ್ಲಲು 29.34 ಮತಗಳು ಬೇಕಾಗಿದ್ದವು. ಪನ್ವಾರ್ ಅವರ 1.66 ಮತಗಳು ಬಿಜೆಪಿ ಬೆಂಬಲಿತ ಶರ್ಮಾ ಅವರಿಗೆ ಎರಡನೇ ಪ್ರಾಶಸ್ತ್ಯದ ಮತವಾಗಿ ವರ್ಗಾವಣೆಯಾದವು. ಹೀಗಾಗಿ ಶರ್ಮಾ ಅವರ ಮತ 28+1.66 ಆಯಿತು. ಆದರೆ, ಮಾಕೆನ್ ಅವರ ಮತ 29 ಆಗಿಯೇ ಉಳಿಯಿತು. ಇದರೊಂದಿಗೆ ಅಂತಿಮವಾಗಿ ಮಾಕೆನ್ ವಿರುದ್ಧ ಶರ್ಮಾ ಜಯ ದಾಖಲಿಸಿದರು.