ನವದೆಹಲಿ: ‘ಭಾರತದಿಂದ ಬ್ರಿಟನ್ಗೆ ಇದೇ 6ರಿಂದ ವಿಮಾನಯಾನ ಸೇವೆ ಪುನರಾರಂಭವಾಗಲಿದೆ’ ಎಂದು ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ ಶನಿವಾರ ಹೇಳಿದರು. ಆ ದೇಶದಿಂದ ವಿಮಾನಯಾನ ಸೇವೆಯು ಜನವರಿ 8ರ ನಂತರ ಪುನರಾರಂಭವಾಗಲಿದೆ ಎಂದು ತಿಳಿಸಿದರು.
ಭಾರತ ಮತ್ತು ಬ್ರಿಟನ್ನಿಂದ ತಲಾ 15 ವಿಮಾನಗಳು ಸಂಚಾರ ಸೇವೆ ಆರಂಭಿಸಲಿವೆ. ಈ ವ್ಯವಸ್ಥೆ ಜನವರಿ 23ರವರೆಗೂ ಚಾಲ್ತಿಯಲ್ಲಿ ಇರಲಿದ್ದು, ನಂತರ ಪರಿಸ್ಥಿತಿ ಅವಲೋಕಿಸಿ ತೀರ್ಮಾನಿಸಲಾಗುವುದು ಎಂದು ತಿಳಿಸಿದರು.
ರೂಪಾಂತರಗೊಂಡ ಕೊರೊನಾ ವೈರಸ್ಬ್ರಿಟನ್ನಲ್ಲಿ ಕಾಣಿಸಿಕೊಂಡ ಹಿಂದೆಯೇ ಉಭಯ ದೇಶಗಳ ನಡುವಣ ವಿಮಾನಯಾನ ಸೇವೆಯನ್ನು ಭಾರತ ನಿರ್ಬಂಧಿಸಿತ್ತು.