ಪ್ರತಿ ಸೇನಾ ಮುಂಚೂಣಿ ಠಾಣೆಯಲ್ಲೂ ಹೆಲಿಪ್ಯಾಡ್‌ ನಿರ್ಮಾಣ: ಸೇನೆ
ಅಕ್ಷರ ಗಾತ್ರ :ಆ |ಆ |ಆ
ತೆಜೂ (ಅರುಣಾಚಲ ಪ್ರದೇಶ): ‘ಸೈನಿಕರನ್ನು ತಕ್ಷಣದ ರವಾನಿಸಲು, ಸೇನಾ ಸಾಮಗ್ರಿಗಳನ್ನು ಕೊಂಡೊಯ್ಯಲು ಸಾಧ್ಯವಾಗುವಂತೆ ಅರುಣಾಚಲ ಪ್ರದೇಶದ ಗಡಿಯಲ್ಲಿರುವ ಪ್ರತಿ ಸೇನಾ ಮುಂಚೂಣಿ ಠಾಣೆಯಲ್ಲೂ ಹೆಲಿಪ್ಯಾಡ್‌ ನಿರ್ಮಾಣ ಮಾಡಲಾಗುವುದು’ ಎಂದು ಸೇನೆಯ ಹಿರಿಯ ಅಧಿಕಾರಿಗಳು ಶುಕ್ರವಾರ ತಿಳಿಸಿದರು.
‘ಚಿನೂಕ್‌ 47 (ಎಫ್‌) ಹೆಲಿಕಾಪ್ಟರ್‌ನ ಹಾರಾಟಕ್ಕಾಗಿ ಈ ಹೆಲಿ‍ಪ್ಯಾಡ್‌ಗಳನ್ನು ನಿರ್ಮಿಸಲಾಗುತ್ತಿದೆ. ಪ್ರತೀ 8ರಿಂದ 10 ಕಿ.ಮೀ ಅಂತರದಲ್ಲಿ ಹೆಲಿಪ್ಯಾಡ್‌ ನಿರ್ಮಿಸಲು ಯೋಜಿಸಲಾಗಿದೆ’ ಎಂದರು.
‘ಇದರ ಜೊತೆಯಲ್ಲಿ ಪ್ರತಿ ಮುಂಚೂಣಿ ಠಾಣೆ ಹಾಗೂ ಸೇನಾ ಘಟಕಕ್ಕೆ ಆಪ್ಟಿಕಲ್‌ ಫೈಬರ್‌ ನೆಟ್‌ವರ್ಕ್‌ ಅನ್ನು ಕಲ್ಪಿಸಲಾಗಿದೆ. ಚೀನಾದ ಚಟುವಟಿಕೆಗಳನ್ನು ಸೂಕ್ಷ್ಮವಾಗಿ ಗಮನಿಸಲು ಈ ಕ್ರಮ ಕೈಗೊಳ್ಳಲಾಗಿದೆ’ ಎಂದರು.
ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ
ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.
