ಸೀತಾಪುರ (ಉತ್ತರ ಪ್ರದೇಶ): ಸೀತಾಪುರ ಜೈಲಿನಲ್ಲಿರುವ ಸಮಾಜವಾದಿ ಪಕ್ಷದಹಿರಿಯ ಮುಖಂಡ ಮೊಹಮ್ಮದ್‌ ಅಜಮ್‌ ಖಾನ್ ಅವರಿಗೆ ಕೋವಿಡ್–19 ದೃಢಪಟ್ಟಿದೆ ಎಂದು ಅಧಿಕಾರಿಗಳು ಶನಿವಾರ ತಿಳಿಸಿದ್ದಾರೆ.
ರಾಮಪುರ ಸಂಸದರಾಗಿರುವ ಅಜಮ್‌ಖಾನ್‌ ಮತ್ತು ಜೈಲಿನಲ್ಲಿರುವ ಇತರ 13 ಜನ ಕೈದಿಗಳಿಗೆ ಕೋವಿಡ್ ತಗುಲಿರುವುದುರ‍್ಯಾಪಿಡ್‌ ಆ್ಯಂಟಿಜನ್ ಮತ್ತು ಆರ್‌ಟಿಪಿಸಿಆರ್‌ ಪರೀಕ್ಷೆಗಳಿಂದ ದೃಢಪಟ್ಟಿದೆ ಎಂದು ಜೈಲು ಅಧಿಕಾರಿ ಆರ್‌.ಎಸ್‌.ಯಾದವ್‌ ತಿಳಿಸಿದ್ದಾರೆ.
ಭೂಕಬಳಿಕೆ, ಭೂ ಒತ್ತುವರಿ ಆರೋಪಗಳಿಗೆ ಸಂಬಂಧಿಸಿದ ಪ್ರಕರಣಗಳಲ್ಲಿ ಅಜಮ್‌ ಖಾನ್, ಅವರ ಪತ್ನಿ ಮತ್ತು ಪುತ್ರನನ್ನು ಕಳೆದ ವರ್ಷದ ಫೆಬ್ರವರಿಯಲ್ಲಿ ಜೈಲಿನಲ್ಲಿರಿಸಲಾಗಿದೆ.
