ಕನ್ಹಯ್ಯ, ಜಿಗ್ನೇಶ್‌ ಸೆ.28ರಂದು ಕಾಂಗ್ರೆಸ್‌ ಸೇರ್ಪಡೆ: ವರದಿ

ಈ ಇಬ್ಬರೂ ನಾಯಕರು ಅ.2ರ ಗಾಂಧೀ ಜಯಂತಿಯಂದು ರಾಹುಲ್‌ ಗಾಂಧಿ ಅವರ ಸಮ್ಮುಖದಲ್ಲಿ ಕಾಂಗ್ರೆಸ್‌ ಸೇರಲಿದ್ದಾರೆ ಎಂದು ಈ ಮೊದಲು ವರದಿಯಾಗಿತ್ತು. ಆದರೆ, ಸೆ.28ರ ಭಗತ್‌ ಸಿಂಗ್‌ ಅವರ ಜನ್ಮ ದಿನಾಚರಣೆಯಂದೇ ಸೇರ್ಪಡೆ ಕಾರ್ಯಕ್ರಮ ಮರು ನಿಗದಿಯಾಗಿದೆ.

ದಲಿತ ನಾಯಕರಾಗಿರುವ, ಜಿಗ್ನೇಶ್‌ ಮೇವಾನಿ ಸದ್ಯ ಗುಜರಾತ್‌ನ ವಡ್ಗಾಮ್ ಕ್ಷೇತ್ರದ ಶಾಸಕರೂ ಹೌದು. ಇನ್ನು ಸಿಪಿಐ ನಾಯಕರಾಗಿರುವ ಕನ್ಹಯ್ಯ ಕುಮಾರ್ ಕಳೆದ ಬಾರಿ ಬಿಹಾರದ ಬೆಗುಸರಾಯ್‌ ಕ್ಷೇತ್ರದಿಂದ ಸ್ಪರ್ಧೆ ಮಾಡಿದ್ದರು. ಆದರೆ, ಸೋತಿದ್ದರು. ಬಿಹಾರದಲ್ಲಿ ಕಳೆಗುಂದಿರುವ ಕಾಂಗ್ರೆಸ್‌ಗೆ ಚೈತನ್ಯ ನೀಡಲು ಕನ್ಹಯ್ಯ ಕುಮಾರ್ ಅವರ ಸೇರ್ಪಡೆಯು ನೆರವಾಗಲಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.