ಕೋಲ್ಕತ್ತ: ಕೋಲ್ಕತ್ತದ ಬುರ್ರಾಬಜಾರ್ ನಗರದಲ್ಲಿ ಅವಿತಿದ್ದ ಬಿಹಾರ ಮೂಲದ ಶಸ್ತ್ರಾಸ್ತ್ರ ಮತ್ತು ಮಾದಕ ವಸ್ತು ದಂಧೆಯ ಕಿಂಗ್ಪಿನ್ನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಆರೋಪಿ ಪತ್ತೆಗಾಗಿ ಬಿಹಾರದ ಸಿಐಡಿ ಮತ್ತು ಕೋಲ್ಕತ್ತ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿದ್ದರು.
ಬಂಧಿತ ಆರೋಪಿಯನ್ನು ಅಹ್ಮದ್ ಅಲಿ ಎಂದು ಗುರುತಿಸಲಾಗಿದ್ದು, ಆರೋಪಿ ಭಾರತದ ಪೂರ್ವ ಭಾಗದಲ್ಲಿ ಶಸ್ತ್ರಾಸ್ತ್ರ ಮತ್ತು ಮಾದಕ ವಸ್ತುಗಳ ಕಳ್ಳಸಾಗಾಣಿಕೆಯಲ್ಲಿ ತೊಡಗಿದ್ದ ಎಂದು ಆರೋಪಿಸಲಾಗಿದೆ.
ಬಿಹಾರದಿಂದ ಪರಾರಿಯಾದ ನಂತರ ಆರೋಪಿಯೂ ಕೋಲ್ಕತ್ತದ ಬುರ್ರಾಬಜಾರ್ ನಗರದ ವಾಣಿಜ್ಯ ಕಟ್ಟಡವೊಂದರಲ್ಲಿ ಕಾರ್ಮಿಕನ ವೇಷದಲ್ಲಿ ತಲೆಮರೆಸಿಕೊಂಡಿದ್ದ.
ಭಾನುವಾರ ಬಿಹಾರದ ಸಿಐಡಿ ಮತ್ತು ಕೋಲ್ಕತ್ತ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.