ಮಹಾರಾಷ್ಟ್ರ ಮಳೆ: ಪಾಲ್ಘರ್‌‌ನಲ್ಲಿ ಭೂಕುಸಿತ, ಓರ್ವ ಸಾವು

ಘಟನೆಯಲ್ಲಿ ಅದೇ ಕುಟುಂಬದ ಇಬ್ಬರು ಗಾಯಗೊಂಡಿದ್ದು, ರೋಶ್ನಿ ಸಿಂಗ್ (16) ಅವರಿಗಾಗಿ ಶೋಧ ಕಾರ್ಯಾಚರಣೆ ಜಾರಿಯಲ್ಲಿದೆ.

ಇದನ್ನೂ ಓದಿ:ಗುಜರಾತ್‌–ಮಹಾರಾಷ್ಟ್ರದಲ್ಲಿ ಭಾರಿ ಮಳೆ: 9 ಮಂದಿ ಸಾವು

ಸ್ಥಳಕ್ಕೆ ಧಾವಿಸಿದ ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ (ಎನ್‌ಡಿಆರ್‌ಎಫ್) ಹಾಗೂ ಅಗ್ನಿಶಾಮಕ ದಳವು ರಕ್ಷಣಾ ಕಾರ್ಯಾಚರಣೆಯಲ್ಲಿ ತೊಡಗಿದೆ.

ಮುಂಜಾನೆ 6.30ರ ಹೊತ್ತಿಗೆ ಭೂಕುಸಿತ ಸಂಭವಿಸಿದೆ. ಮೃತಪಟ್ಟ ವ್ಯಕ್ತಿಯನ್ನು ಅನಿಲ್ ಸಿಂಗ್ (45) ಎಂದು ಗುರುತಿಸಲಾಗಿದೆ. ಅವರ ಪತ್ನಿ ವಂದನಾ ಸಿಂಗ್ (40) ಹಾಗೂ ಪುತ್ರ ಓಂ ಸಿಂಗ್ (12) ಅವರನ್ನು ರಕ್ಷಿಸಲಾಗಿದ್ದು, ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.