ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ನಟಿ ಲುವಿಯೆನ್ನಾ ಲೋಧ್‌‌ ವಿರುದ್ಧ ಭಟ್ ಸಹೋದರರಿಂದ ಮಾನನಷ್ಟ ಮೊಕದ್ದಮೆ

Last Updated 26 ಅಕ್ಟೋಬರ್ 2020, 13:01 IST
ಅಕ್ಷರ ಗಾತ್ರ

ಮುಂಬೈ: ಆಧಾರರಹಿತ ಮತ್ತು ಮಾನಹಾನಿಕಾರಕ ಆರೋಪ ಎಸಗಿದ್ದಾರೆ ಎಂದು ನಟಿ ಲುವಿಯೆನ್ನಾ ಲೋಧ್ ವಿರುದ್ಧ ಚಿತ್ರ ನಿರ್ಮಾಪಕ ಮಹೇಶ್‌ ಭಟ್ ಮತ್ತು ಅವರ ಸಹೋದರ ಮುಖೇಶ್ ಭಟ್ ಮಾನನಷ್ಟ ಮೊಕದ್ದಮೆ ಹೂಡಿದ್ದಾರೆ.

ಭಟ್ ಸಹೋದರರು ಲೋಧ್ ಅವರಿಂದ ಒಂದು ಕೋಟಿ ರೂಪಾಯಿ ನಷ್ಟ ಪರಿಹಾರ ಕೋರಿದ್ದಾರೆ. ಭವಿಷ್ಯದಲ್ಲಿ ಇಂಥ ಯಾವುದೇ ಹೇಳಿಕೆಯನ್ನು ನೀಡದಂತೆ ಅವರ ಮೇಲೆ ನಿರ್ಬಂಧ ಹೇರಬೇಕು ಎಂದು ಅರ್ಜಿಯಲ್ಲಿ ಮನವಿ ಮಾಡಿದ್ದಾರೆ.

ತುರ್ತು ಪ್ರಕರಣವಾಗಿ ಅರ್ಜಿಯನ್ನು ವಿಚಾರಣೆಗೆ ತೆಗೆದುಕೊಂಡ ನ್ಯಾಯಮೂರ್ತಿ ಎ.ಕೆ.ಮೆನನ್ ಅವರಿದ್ದ ಏಕ ಸದಸ್ಯ ಪೀಠವು, ಪ್ರತಿಕ್ರಿಯೆ ದಾಖಲಿಸುವಂತೆ ಲೋಧ್ ಅವರಿಗೆ ನಿರ್ದೇಶಿಸಿದ್ದು, ವಿಚಾರಣೆಯನ್ನು ಮೂರು ವಾರಗಳ ಅವಧಿಗೆ ಮುಂದೂಡಿತು.

ಅರ್ಜಿದಾರ ವಿರುದ್ಧ ಲೋಧ್ ಇಂಥ್ ಯಾವುದೇ ಹೇಳಿಕೆ ನೀಡುವುದಿಲ್ಲ ಎಂದು ಅವರ ಪರವಾಗಿ ಹಾಜರಿದ್ದ ವಕೀಲರು ಕೋರ್ಟ್‌ಗೆ ಭರವಸೆ ನೀಡಿದರು. ಕಳೆದ ವಾರ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೊ ಅಪ್‌ಲೋಡ್ ಮಾಡಿದ್ದ ಲೋಧ್‌, ಮಹೇಶ್‌ ಭಟ್‌ ಸಂಬಂಧಿಯಾದ ಸುಮಿತ್ ಸಭರವಾಲ್ ಅವರನ್ನು ತಾನು ವಿವಾಹವಾಗಿದ್ದು, ಅವರು ಡ್ರಗ್ಸ್ ಪೂರೈಸುತ್ತಾರೆ ಎಂದು ಹೇಳಿಕೊಂಡಿದ್ದರು. ಮಹೇಶ್ ಭಟ್ ಈ ವ್ಯವಹಾರವನ್ನು ನಿರ್ವಹಣೆ ಮಾಡುತ್ತಾರೆ ಎಂದೂ ಆರೋಪಿಸಿದ್ದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT