ಬಂಗಾಳ ಚುನಾವಣೆ| ಅಮಿತ್‌ ಶಾ ಇವಿಎಂ ಒಳಗೆ ಪ್ರವೇಶ ಮಾಡಿದ್ದಾರಾ? ಮಮತಾ ವ್ಯಂಗ್ಯ

'ಪಶ್ಚಿಮ ಬಂಗಾಳ ಮತ್ತು ಅಸ್ಸಾಂನ ಮೊದಲ ಹಂತದ ಚುನಾವಣೆಯಲ್ಲಿ ಬಿಜೆಪಿಯು ಹೆಚ್ಚಿನ ಸ್ಥಾನಗಳಲ್ಲಿ ಗೆಲುವು ಸಾಧಿಸಲಿದೆ. ಪಶ್ಚಿಮ ಬಂಗಾಳದ ಮೊದಲ ಹಂತದ ಚುನಾವಣೆ ನಡೆದ 30 ಸ್ಥಾನಗಳಲ್ಲಿ ಬಿಜೆಪಿ 26ರಲ್ಲಿ ಗೆಲ್ಲಲಿದೆ. ಅಸ್ಸಾಂನಲ್ಲಿ 37 ಸ್ಥಾನಗಳಲ್ಲಿ ಬಿಜೆಪಿ ಜಯಗಳಿಸುವ ವಿಶ್ವಾಸ ಹೊಂದಿದೆ,' ಎಂದು ಅಮಿತ್‌ ಶಾ ನವದೆಹಲಿಯಲ್ಲಿ ಹೇಳಿದ್ದರು.

ಇದಕ್ಕೆ ತಿರುಗೇಟು ನೀಡಿರುವ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ, 'ಮೊದಲ ಹಂತದಲ್ಲಿ ಮತದಾನ ನಡೆದ 30 ಸ್ಥಾನಗಳಲ್ಲಿ 26 ಸ್ಥಾನಗಳನ್ನು ಗೆಲ್ಲುತ್ತೇವೆ ಎಂದು ಗೃಹ ಸಚಿವರು ಹೇಳಿದ್ದಾರೆ. ನೀವು (ಗೃಹ ಸಚಿವ ಅಮಿತ್‌ ಶಾ ಅಮಿತ್ ಶಾ) ಇವಿಎಂ ಪ್ರವೇಶಿಸಿದ್ದೀರಾ? ಎಲ್ಲಾ 30 ಸ್ಥಾನಗಳನ್ನು ಬಿಜೆಪಿ ಗೆಲ್ಲುತ್ತದೆ ಎಂದು ನೀವು ಯಾಕೆ ಹೇಳಲಿಲ್ಲ. ಉಳಿದ ಸೀಟುಗಳನ್ನು ಕಾಂಗ್ರೆಸ್‌-ಎಡಪಕ್ಷಗಳು ಗೆಲ್ಲುತ್ತವೆಯೇ? ಮೇ 2ರ ವರೆಗೆ ಕಾಯೋಣ. ಆಗ ಟಿಎಂಸಿ ಗೆದ್ದಿರುತ್ತದೆ. ಹೊರಗಿನವರು ಬಂಗಾಳವನ್ನು ಆಳಲು ಸಾಧ್ಯವಿಲ್ಲ,' ಎಂದು ಅವರು ಚಂಡೀಪುರದಲ್ಲಿ ಚುನಾವಣೆ ಪ್ರಚಾರದ ವೇಳೆ ಹೇಳಿದ್ದಾರೆ.