ನವದೆಹಲಿ: ಫ್ರಾನ್ಸ್‌ನ ವಾಯುಪಡೆ ಹಾಗೂ ಸ್ಪೇಸ್‌ ಫೋರ್ಸ್‌ ಜೊತೆಗೂಡಿ ಜೋಧ್‌ಪುರದಲ್ಲಿ ಭಾರತೀಯ ವಾಯುಪಡೆಯು ನಡೆಸುತ್ತಿರುವ ‘ಎಕ್ಸ್‌–ಡೆಸರ್ಟ್‌ನೈಟ್‌21’ ವೈಮಾನಿಕ ಕವಾಯತಿನಲ್ಲಿ ಭಾರತೀಯ ವಾಯುಪಡೆಯ ರಫೇಲ್‌, ಸುಖೋಯ್‌, ಮಿರಾಜ್‌ 2000 ಯುದ್ಧ ವಿಮಾನಗಳು ತಮ್ಮ ಸಾಮರ್ಥ್ಯ ಪ್ರದರ್ಶಿಸಿದವು.
ಐದು ದಿನಗಳು ನಡೆಯಲಿರುವ ಈ ಕವಾಯತು, ಬುಧವಾರದಿಂದ ಆರಂಭವಾಗಿದೆ. ಕವಾಯತಿನಲ್ಲಿ ಏರ್‌ಬಾರ್ನ್‌ ವಾರ್ನಿಂಗ್‌ ಆ್ಯಂಡ್‌ ಕಂಟ್ರೋಲ್‌ ಸಿಸ್ಟಂ(ಎಡಬ್ಲ್ಯುಎಸಿಎಸ್‌) ವಿಮಾನವೂ ಭಾಗವಹಿಸಿದೆ.
ಫ್ರಾನ್ಸ್‌ನ ರಫೇಲ್‌, ಏರ್‌ಬಸ್‌ ಎ–330 ಮಲ್ಟಿ ರೋಲ್‌ ಟ್ಯಾಂಕರ್‌ ಟ್ರಾನ್ಸ್‌ಪೋರ್ಟ್‌ ಸೇರಿದಂತೆ ಹಲವು ಯುದ್ಧ ವಿಮಾನಗಳು ಭಾಗವಹಿಸಿದ್ದು, ಫ್ರಾನ್ಸ್‌ನ ವಾಯುಪಡೆಯ 175ಕ್ಕೂ ಅಧಿಕ ಸಿಬ್ಬಂದಿ ಕವಾಯತಿನ ಭಾಗವಾಗಿದ್ದಾರೆ.
