ಸಿಮ್ಡೆಗಾ(ಜಾರ್ಖಂಡ್‌): ನಿಷೇಧಿತ ಸಂಘಟನೆ ಪೀಪಲ್ಸ್‌ ಲಿಬರೇಷನ್‌ ಫ್ರಂಟ್ ಆಫ್ ಇಂಡಿಯಾ(ಪಿಎಲ್‌ಎಫ್‌ಐ)ಕ್ಕೆ ಸೇರಿದ ನಾಲ್ವರು ನಕ್ಸಲೀಯರನ್ನು ಸಿಮ್ಡೆಗಾ ಜಿಲ್ಲೆಯಲ್ಲಿ ಬಂಧಿಸಲಾಗಿದೆ.
ಬಂಧಿತರಿಂದ ದೇಶೀಯ ಬಂದೂಕು ಮತ್ತು ಎಂಟು ಕಾಟ್ರಿಡ್ಜ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
’ಖಚಿತ ಮಾಹಿತಿ ಮೇರೆಗೆ ಕನರೊವಾನ್‌ ಅರಣ್ಯ ಪ್ರದೇಶದಲ್ಲಿ ಶೋಧಕಾರ್ಯ ನಡೆಸಿದ ಬಾನೊ ಪೊಲೀಸರು ಈ ನಾಲ್ವರು ನಕ್ಸಲೀಯರನ್ನು ಬಂಧಿಸಿದ್ದಾರೆ’ ಎಂದು ಎಸ್‌ಪಿ ಶಾಮ್ಸ್‌ ತಬ್ರೇಜ್‌ ತಿಳಿಸಿದರು.
ಪೊಲೀಸರನ್ನು ನೋಡಿದ ನಕ್ಸಲರು ಪರಾರಿಯಾಗಲು ಯತ್ನಿಸಿದರು. ಆದರೆ ಸಿಬ್ಬಂದಿ ಅವರನ್ನು ಬೆನ್ನಟ್ಟಿ ಹೋಗಿ ಬಂಧಿಸಿದರು ಎಂದು ಅಧಿಕಾರಿ ತಿಳಿಸಿದರು.
