ನವದೆಹಲಿ: ರಾಷ್ಟ್ರೀಯ ಶಿಕ್ಷಣ ನೀತಿಯು (ಎನ್‌ಇಪಿ) ಭವಿಷ್ಯದ ಬೇಡಿಕೆಗಳಿಗೆ ಅನುಸಾರವಾಗಿ ದೇಶದ ಶಿಕ್ಷಣ ವ್ಯವಸ್ಥೆಗೆ ಪುನಶ್ಚೇತನ ನೀಡಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಅವರು ಶನಿವಾರ ಹೇಳಿದ್ದಾರೆ.
ಬಜೆಟ್‌ ಅದಿವೇಶನದ ಬಳಿಕ ನಡೆದ ವೆಬಿನಾರ್‌ನಲ್ಲಿ ಮಾತನಾಡಿದ ಮೋದಿ, ಈ ಹಿಂದೆ ಶಿಕ್ಷಣವು ಕಠಿಣ ವ್ಯವಸ್ಥೆಯ ಬಲಿಪಶುವಾಗಿತ್ತು ಎಂದಿದ್ದಾರೆ.
'ಎನ್‌ಇಪಿಯು ಭವಿಷ್ಯದ ಬೇಡಿಕೆಗಳಿಗೆ ಅನುಸಾರವಾಗಿ ಶಿಕ್ಷಣ ವ್ಯವಸ್ಥೆಗೆ ನಮ್ಯತೆ ಮತ್ತು ಪುನಶ್ಚೇತನವನ್ನು ತಂದುಕೊಟ್ಟಿದೆ' ಎಂದು ಮೋದಿ ಅಭಿಪ್ರಾಯಪಟ್ಟಿದ್ದಾರೆ.
2023-24ನೇ ಸಾಲಿನ ಕೇಂದ್ರ ಬಜೆಟ್‌ನಲ್ಲಿ ಘೋಷಿಸಿರುವ ಯೋಜನೆಗಳನ್ನು ಪಟ್ಟಿ ಮಾಡಿದ ಅವರು, ಇದು (ಬಜೆಟ್‌) ಭಾರತವನ್ನು ಕೌಶಲ್ಯದ ರಾಜಧಾನಿಯನ್ನಾಗಿಸುವ ಮಾರ್ಗಸೂಚಿ ಎಂದು ಪ್ರಶಂಸಿಸಿದ್ದಾರೆ.
