<p class="title"><strong>ನವದೆಹಲಿ: </strong>ಖಾಸಗಿ ರೈಲ್ವೆ ಸೇವಾ ಸಂಸ್ಥೆಗಳು ತಮ್ಮ ರೈಲ್ವೆ ಸಂಚಾರ ಸೇವೆಯಲ್ಲಿ ಶೇ 95ರಷ್ಟು ಸಮಯಪಾಲನೆ ನಿಖರತೆ ಕಾಯ್ದುಕೊಳ್ಳಬೇಕು. ತಡವಾಗಿ ನಿರ್ಗಮನ ಅಥವಾ ನಿಗದಿತ ವೇಳೆಗಿಂತಲೂ ಮೊದಲೇ ಅಂತಿಮ ನಿಲ್ದಾಣ ತಲುಪಿದರೆ ಭಾರಿ ದಂಡ ವಿಧಿಸಲಾಗುತ್ತದೆ.</p>.<p class="title">ಖಾಸಗಿ ರೈಲ್ವೆ ಸೇವೆ ಒದಗಿಸುವವರಿಗೆ ರೈಲ್ವೆ ಇಲಾಖೆ ಬುಧವಾರ ಬಿಡುಗಡೆ ಮಾಡಿದ ಕರಡು ನಿಯಮಾವಳಿಗಳಲ್ಲಿ ಈ ಅಂಶದ ಪ್ರಸ್ತಾಪವಿದೆ. ಖಾಸಗಿ ರೈಲ್ವೆ ನಿರ್ವಾಹಕರು ವರ್ಷಪೂರ್ತಿ ಶೇ 95ರಷ್ಟು ನಿಖರತೆಯನ್ನು ಕಾಯ್ದುಕೊಳ್ಳುವುದು ಅಗತ್ಯ ಎಂದು ಸ್ಪಷ್ಟಪಡಿಸಲಾಗಿದೆ.</p>.<p class="title">ಆದಾಯ ಕುರಿತಂತೆ ಸತ್ಯಕ್ಕೆ ದೂರವಾದ ಮಾಹಿತಿಯನ್ನು ನೀಡಿದಲ್ಲಿ ಅಥವಾ ಕಾರಣವಿಲ್ಲದೇ ರೈಲು ಸಂಚಾರ ರದ್ದು ಮಾಡಿದಲ್ಲಿ ದಂಡ ಪಾವತಿಸಬೇಕಾಗುತ್ತದೆ. 15 ನಿಮಿಷ ತಡವಾಗಿ ನಿಲ್ದಾಣಕ್ಕೆ ಬಂದಲ್ಲಿ ಅದನ್ನು ‘ವಿಳಂಬ’ ಎಂದು ಭಾವಿಸಲಾಗುತ್ತದೆ ಎಂದೂ ಕರಡಿನಲ್ಲಿ ತಿಳಿಸಲಾಗಿದೆ.</p>.<p>15 ನಿಮಿಷ ವಿಳಂಬವಾದ ಸಂದರ್ಭದಲ್ಲಿ 200 ಕಿ.ಮೀಗೆ ಸಮಾನವಾದ ಪ್ರಯಾಣವೆಚ್ಚವನ್ನು ರೈಲ್ವೆ ಇಲಾಖೆಗೆ ಭರಿಸಬೇಕಾಗುತ್ತದೆ. ಸದ್ಯ, ಖಾಸಗಿ ರೈಲ್ವೆ ನಿರ್ವಾಹಕ ಸಂಸ್ಥೆಗಳಿಗೆ ರೈಲ್ವೆ ಮೂಲಸೌಕರ್ಯಗಳ ಬಳಕೆಗಾಗಿ ಪ್ರತಿ ಕಿ.ಮೀಗೆ ₹ 512 ಪಾವತಿಸಬೇಕಿದೆ.</p>.<p>ಒಂದು ವೇಳೆ ರೈಲು ನಿಗದಿತ ನಿಲ್ದಾಣವನ್ನು 10 ನಿಮಿಷ ಕಾಲ ಮುಂದಾಗಿಯೇ ತಲುಪಿದಲ್ಲಿ ನಿರ್ವಾಹಕ ಸಂಸ್ಥೆಯು ರೈಲ್ವೆ ಇಲಾಖೆಗೆ 10 ಕಿ.ಮೀಗೆ ಅನ್ವಯಿಸುವಂತೆ ಪ್ರಯಾಣಶುಲ್ಕವಾಗಿ ದಂಡವಾಗಿ ಪಾವತಿಸಬೇಕಾಗುತ್ತದೆ.</p>.<p>ಒಂದು ವೇಳೆ ರೈಲ್ವೆ ಇಲಾಖೆಯ ಕಾರಣದಿಂದಲೇ ರೈಲು ಸೇವೆ ರದ್ದಾದರೆ ಖಾಸಗಿ ನಿರ್ವಾಹಕ ಸಂಸ್ಥೆಗಳಿಗೆ ಇಲಾಖೆಯೂ ಇದೇ ಪ್ರಮಾಣದಲ್ಲಿ ನಷ್ಟ ತುಂಬಿಕೊಡಬೇಕಾಗುತ್ತದೆ ಎಂದು ಕರಡು ಪ್ರತಿಯಲ್ಲಿ ತಿಳಿಸಲಾಗಿದೆ.</p>.<p>ಸಮಯಪಾಲನೆಯಲ್ಲಿ ನಿಖರತೆ ಕಾಪಾಡಿಕೊಳ್ಳಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ರೈಲಿಗೆ ಸಿಲುಕಿ ಜನ ಅಥವಾ ಜಾನುವಾರು ಮೃತಪಟ್ಟರೆ, ಕಾನೂನು ಪರಿಸ್ಥಿತಿ ಕೈಮೀರಿದರೆ, ಸಾರ್ವಜನಿಕ ಪ್ರತಿಭಟನೆ, ದುಷ್ಕೃತ್ಯ, ಅಪಘಾತ, ಕ್ರಾಸಿಂಗ್ಗಳಲ್ಲಿ ದಟ್ಟಣೆಯಿಂದ ನಿಗದಿತ ನಿಲ್ದಾಣಕ್ಕೆ ತಲುಪುವುದು ವಿಳಂಬವಾದರೆ ಆಗ ಯಾರೂ ದಂಡ ತೆರಬೇಕಾಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ: </strong>ಖಾಸಗಿ ರೈಲ್ವೆ ಸೇವಾ ಸಂಸ್ಥೆಗಳು ತಮ್ಮ ರೈಲ್ವೆ ಸಂಚಾರ ಸೇವೆಯಲ್ಲಿ ಶೇ 95ರಷ್ಟು ಸಮಯಪಾಲನೆ ನಿಖರತೆ ಕಾಯ್ದುಕೊಳ್ಳಬೇಕು. ತಡವಾಗಿ ನಿರ್ಗಮನ ಅಥವಾ ನಿಗದಿತ ವೇಳೆಗಿಂತಲೂ ಮೊದಲೇ ಅಂತಿಮ ನಿಲ್ದಾಣ ತಲುಪಿದರೆ ಭಾರಿ ದಂಡ ವಿಧಿಸಲಾಗುತ್ತದೆ.</p>.<p class="title">ಖಾಸಗಿ ರೈಲ್ವೆ ಸೇವೆ ಒದಗಿಸುವವರಿಗೆ ರೈಲ್ವೆ ಇಲಾಖೆ ಬುಧವಾರ ಬಿಡುಗಡೆ ಮಾಡಿದ ಕರಡು ನಿಯಮಾವಳಿಗಳಲ್ಲಿ ಈ ಅಂಶದ ಪ್ರಸ್ತಾಪವಿದೆ. ಖಾಸಗಿ ರೈಲ್ವೆ ನಿರ್ವಾಹಕರು ವರ್ಷಪೂರ್ತಿ ಶೇ 95ರಷ್ಟು ನಿಖರತೆಯನ್ನು ಕಾಯ್ದುಕೊಳ್ಳುವುದು ಅಗತ್ಯ ಎಂದು ಸ್ಪಷ್ಟಪಡಿಸಲಾಗಿದೆ.</p>.<p class="title">ಆದಾಯ ಕುರಿತಂತೆ ಸತ್ಯಕ್ಕೆ ದೂರವಾದ ಮಾಹಿತಿಯನ್ನು ನೀಡಿದಲ್ಲಿ ಅಥವಾ ಕಾರಣವಿಲ್ಲದೇ ರೈಲು ಸಂಚಾರ ರದ್ದು ಮಾಡಿದಲ್ಲಿ ದಂಡ ಪಾವತಿಸಬೇಕಾಗುತ್ತದೆ. 15 ನಿಮಿಷ ತಡವಾಗಿ ನಿಲ್ದಾಣಕ್ಕೆ ಬಂದಲ್ಲಿ ಅದನ್ನು ‘ವಿಳಂಬ’ ಎಂದು ಭಾವಿಸಲಾಗುತ್ತದೆ ಎಂದೂ ಕರಡಿನಲ್ಲಿ ತಿಳಿಸಲಾಗಿದೆ.</p>.<p>15 ನಿಮಿಷ ವಿಳಂಬವಾದ ಸಂದರ್ಭದಲ್ಲಿ 200 ಕಿ.ಮೀಗೆ ಸಮಾನವಾದ ಪ್ರಯಾಣವೆಚ್ಚವನ್ನು ರೈಲ್ವೆ ಇಲಾಖೆಗೆ ಭರಿಸಬೇಕಾಗುತ್ತದೆ. ಸದ್ಯ, ಖಾಸಗಿ ರೈಲ್ವೆ ನಿರ್ವಾಹಕ ಸಂಸ್ಥೆಗಳಿಗೆ ರೈಲ್ವೆ ಮೂಲಸೌಕರ್ಯಗಳ ಬಳಕೆಗಾಗಿ ಪ್ರತಿ ಕಿ.ಮೀಗೆ ₹ 512 ಪಾವತಿಸಬೇಕಿದೆ.</p>.<p>ಒಂದು ವೇಳೆ ರೈಲು ನಿಗದಿತ ನಿಲ್ದಾಣವನ್ನು 10 ನಿಮಿಷ ಕಾಲ ಮುಂದಾಗಿಯೇ ತಲುಪಿದಲ್ಲಿ ನಿರ್ವಾಹಕ ಸಂಸ್ಥೆಯು ರೈಲ್ವೆ ಇಲಾಖೆಗೆ 10 ಕಿ.ಮೀಗೆ ಅನ್ವಯಿಸುವಂತೆ ಪ್ರಯಾಣಶುಲ್ಕವಾಗಿ ದಂಡವಾಗಿ ಪಾವತಿಸಬೇಕಾಗುತ್ತದೆ.</p>.<p>ಒಂದು ವೇಳೆ ರೈಲ್ವೆ ಇಲಾಖೆಯ ಕಾರಣದಿಂದಲೇ ರೈಲು ಸೇವೆ ರದ್ದಾದರೆ ಖಾಸಗಿ ನಿರ್ವಾಹಕ ಸಂಸ್ಥೆಗಳಿಗೆ ಇಲಾಖೆಯೂ ಇದೇ ಪ್ರಮಾಣದಲ್ಲಿ ನಷ್ಟ ತುಂಬಿಕೊಡಬೇಕಾಗುತ್ತದೆ ಎಂದು ಕರಡು ಪ್ರತಿಯಲ್ಲಿ ತಿಳಿಸಲಾಗಿದೆ.</p>.<p>ಸಮಯಪಾಲನೆಯಲ್ಲಿ ನಿಖರತೆ ಕಾಪಾಡಿಕೊಳ್ಳಲು ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p>.<p>ರೈಲಿಗೆ ಸಿಲುಕಿ ಜನ ಅಥವಾ ಜಾನುವಾರು ಮೃತಪಟ್ಟರೆ, ಕಾನೂನು ಪರಿಸ್ಥಿತಿ ಕೈಮೀರಿದರೆ, ಸಾರ್ವಜನಿಕ ಪ್ರತಿಭಟನೆ, ದುಷ್ಕೃತ್ಯ, ಅಪಘಾತ, ಕ್ರಾಸಿಂಗ್ಗಳಲ್ಲಿ ದಟ್ಟಣೆಯಿಂದ ನಿಗದಿತ ನಿಲ್ದಾಣಕ್ಕೆ ತಲುಪುವುದು ವಿಳಂಬವಾದರೆ ಆಗ ಯಾರೂ ದಂಡ ತೆರಬೇಕಾಗಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
