‘ಒಂದು ದಿನದ ವಿಶ್ರಾಂತಿಯ ನಂತರ, ಭಾರತ್ ಜೋಡೊ ಯಾತ್ರೆಯ 17ನೇ ದಿನವು ಇಂದು ಬೆಳಗ್ಗೆ 6.35ರ ಸುಮಾರಿಗೆ ತ್ರಿಶ್ಯೂರ್ ಜಿಲ್ಲೆಯ ಪೇರಂಬ್ರ ಜಂಕ್ಷನ್‌ನಿಂದ ಪ್ರಾರಂಭವಾಯಿತು’ ಎಂದು ಹಿರಿಯ ಕಾಂಗ್ರೆಸ್ ನಾಯಕ ಜೈರಾಮ್ ರಮೇಶ್ ಟ್ವೀಟ್ ಮಾಡಿದ್ದಾರೆ.
ವಿಶ್ರಾಂತಿ ದಿನವಾದ ಶುಕ್ರವಾರ ಚಾಲಕುಡಿಯಲ್ಲಿ ಪಾದಯಾತ್ರೆಯಲ್ಲಿ ಪಾಲ್ಗೊಂಡವರಿಗೆ ಹಾಗೂ ಸೇವಾದಳದ ತಂಡಕ್ಕೆ ವೈದ್ಯಕೀಯ ಶಿಬಿರ ಏರ್ಪಡಿಸಲಾಗಿತ್ತು. ಸೆಪ್ಟೆಂಬರ್ 7ರಂದು ಯಾತ್ರೆ ಆರಂಭವಾದ ನಂತರ ಇದು ಎರಡನೇ ವಿಶ್ರಾಂತಿ ದಿನವಾಗಿತ್ತು.
ಕಾಂಗ್ರೆಸ್‌ನ ಭಾರತ್ ಜೋಡೊ ಯಾತ್ರೆಯು 150 ದಿನಗಳಲ್ಲಿ 3,570 ಕಿ.ಮೀ ಕ್ರಮಿಸಲಿದೆ. ಕೇರಳದ ಮೂಲಕ ಸಾಗಿಬರುವ ಯಾತ್ರೆಯು ಅಕ್ಟೋಬರ್ 1ರಂದು ಕರ್ನಾಟಕವನ್ನು ಪ್ರವೇಶಿಸಲಿದೆ.
