ಮಂಗಳವಾರ, ಸೆಪ್ಟೆಂಬರ್ 21, 2021
28 °C

ಭಾರತ–ಬಾಂಗ್ಲಾ ನಡುವೆ ಸರಕು ಸಾಗಣೆ ರೈಲ್ವೆ ಸೇವೆ ಭಾನುವಾರ ಆರಂಭ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ಕೋಲ್ಕತ್ತ: ಭಾರತ ಮತ್ತು ಬಾಂಗ್ಲಾದೇಶದ ನಡುವೆ ಸರಕು ಸಾಗಣೆ ರೈಲ್ವೆ ಸಂಚಾರ ಸೇವೆಯು ಹಲ್ದಿಬಾರಿ–ಚಿಲ್ಹಾಹಟಿ ಮಾರ್ಗದಲ್ಲಿ ಭಾನುವಾರ ಆರಂಭವಾಗಲಿದೆ. 1965ರಿಂದ ಈ ಸೇವೆಯು ಸ್ಥಗಿತವಾಗಿತ್ತು.

ಮರು ಅಭಿವೃದ್ಧಿಪಡಿಸಲಾಗಿದ್ದ ಈ ರೈಲು ಮಾರ್ಗವನ್ನು ಪ್ರಧಾನಿ ನರೇಂದ್ರ ಮೋದಿ ಮತ್ತು ಬಾಂಗ್ಲಾದೇಶದ ಪ್ರಧಾನಿ ಶೇಖ್‌ ಹಸೀನಾ ಅವರು ಕಳೆದ ವರ್ಷ ಡಿಸೆಂಬರ್‌ 17ರಂದು ಉದ್ಘಾಟಿಸಿದ್ದರು.

ಈ ಮಾರ್ಗದಲ್ಲಿ ಜಲ್ಲಿಕಲ್ಲುಗಳನ್ನು ಹೊತ್ತ ರೈಲು ಪಶ್ಚಿಮ ಬಂಗಾಳದ ಚಿಲಾಹಟಿಯಿಂದ ಬಾಂಗ್ಲಾದೇಶದ ನಿಲ್‌ಫಮಾರಿ ಜಿಲ್ಲೆಗೆ ತೆರಳಲಿದೆ ಎಂದು ನಾರ್ಥ್‌ಈಸ್ಟ್‌ ಫ್ರಂಟಿಯರ್ ರೈಲ್ವೆಯ ವಕ್ತಾರರು ತಿಳಿಸಿದರು.

ಇದರ ಹೊರತಾಗಿ ಇನ್ನೂ ಐದು ರೈಲ್ವೆ ಮಾರ್ಗಗಳಲ್ಲಿ ಉಭಯ ದೇಶಗಳ ನಡುವೆ ಸೇವೆ ಆರಂಭವಾಗಲಿದೆ. ಸೇವೆಯು ಭಾನುವಾರ ಆರಂಭವಾಗುವ ಮಾರ್ಗದಲ್ಲಿನ ಅಂತರ ಹಲ್ದಿಬಾರಿಯಿಂದ ಅಂತರರಾಷ್ಟ್ರೀಯ ಗಡಿವರೆಗೂ 4.5 ಕಿ.ಮೀ, ತದನಂತರ ಚಿಲ್ಹಾಹಟಿಯವರೆಗೆ 7.5 ಕಿ.ಮೀ.ಗಳು ಎಂದು ಅಧಿಕಾರಿ ವಿವರಿಸಿದರು.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು