ಜಮ್ಮು(ಪಿಟಿಐ): ದಕ್ಷಿಣ ಕಾಶ್ಮೀರದಲ್ಲಿರುವ ಅಮರನಾಥ ದೇವಾಲಯದ ವಾರ್ಷಿಕ ಯಾತ್ರೆಗೆ ದೇಶದಾದ್ಯಂತ ಸೋಮವಾರದಿಂದ ನೋಂದಣಿ ಆರಂಭವಾಗಿದ್ದು, ನೂರಾರು ಭಕ್ತಾದಿಗಳಲ್ಲಿ ಉತ್ಸಾಹದಿಂದ ನೋಂದಾಯಿಸಿಕೊಂಡರು.
43 ದಿನಗಳ ಯಾತ್ರೆ ಜೂನ್‌ 30ರಿಂದ ಆರಂಭಗೊಳ್ಳಲಿದ್ದು, ಎರಡು ಮಾರ್ಗಗಳ ಮೂಲಕ ಯಾತ್ರೆ ನಡೆಯಲಿದೆ. ಈ ಬಾರಿ ಸರ್ಕಾರ ರೆಡಿಯೊ ಫ್ರೀಕ್ವೆನ್ಸಿ ಐಡೆಂಟಿಫಿಕೇಶನ್‌ (ಆರ್‌ಎಫ್‌ಐಡಿ) ಮೂಲಕ ಯಾತ್ರಿಕರ ಸುರಕ್ಷತೆ ಮತ್ತು ಅವರ ಮೇಲೆ ನಿಗಾ ವಹಿಸಲು ನಿರ್ಧರಿಸಿದೆ.
ಶ್ರೀ ಅಮರನಾಥ ದೇಗುಲ ಸಮಿತಿಯು (ಎಸ್‌ಎಎಸ್‌ಬಿ) ವಾರ್ಷಿಕ ಯಾತ್ರೆಗೆ ಅನುಕೂಲ ಕಲ್ಪಿಸಲು ದೇಶದಾದ್ಯಂತ ಇರುವ 566 ಶಾಖೆಗಳಲ್ಲಿಯೂ ಯಾತ್ರಿಕರ ನೋಂದಣಿ ಆರಂಭಿಸಿದೆ.
