ಗುರುಗ್ರಾಮ: ಉತ್ತರ ಪ್ರದೇಶದ ಮಾಜಿ ಮುಖ್ಯಮಂತ್ರಿ ಹಾಗೂ ಸಮಾಜವಾದಿ ಪಕ್ಷದ ನಾಯಕ ಮುಲಾಯಂ ಸಿಂಗ್ ಯಾದವ್ ಅವರ ಆರೋಗ್ಯದಲ್ಲಿ ಏರುಪೇರಾಗಿದ್ದು ಅವರನ್ನು ಭಾನುವಾರ ಇಲ್ಲಿನ ಮೇದಾಂತ ಆಸ್ಪತ್ರೆಯ ತೀವ್ರ ನಿಗಾ ಘಟಕಕ್ಕೆ (ಐಸಿಯು) ದಾಖಲಿಸಲಾಗಿದೆ ಎಂದು ಮೂಲಗಳು ಹೇಳಿವೆ.
82 ವರ್ಷದ ಮುಲಾಯಂ ಅವರಿಗೆ ಗ್ರಂಥಿಶಾಸ್ತ್ರಜ್ಞರಾದ ಡಾ.ನಿತಿನ್‌ ಸೂದ್‌ ಮತ್ತು ಡಾ. ಸುಶೀಲ್‌ ಕಟಾರಿಯಾ ಅವರು ಚಿಕಿತ್ಸೆ ನೀಡುತ್ತಿದ್ದಾರೆ ಎಂದೂ ತಿಳಿಸಿವೆ.
ಮುಲಾಯಂ ಅವರ ಸಹೋದರ ಶಿವಪಾಲ್‌ ಸಿಂಗ್ ಯಾದವ್ ಹಾಗೂ ಕುಟುಂಬ ಸದಸ್ಯರು ಆಸ್ಪತ್ರೆಗೆ ತಲುಪಿದ್ದಾರೆ. ಮುಲಾಯಂ ಅವರ ಪುತ್ರ ಹಾಗೂ ಸಮಾಜವಾದಿ ಪಕ್ಷದ ಅಧ್ಯಕ್ಷ ಅಖಿಲೇಶ್‌ ಯಾದವ್ ಅವರು ಲಖನೌನಿಂದ ದೆಹಲಿಗೆ ತೆರಳಿದ್ದಾರೆ’ ಎಂದೂ ಹೇಳಿವೆ.
ಆಗಸ್ಟ್‌ 22ರಿಂದಲೂ ಮುಲಾಯಂ ಅವರು ಈ ಆಸ್ಪತ್ರೆಯಿಂದ ಚಿಕಿತ್ಸೆ ಪಡೆಯುತ್ತಿದ್ದರು.
