ಪಕ್ಷದ ಬಾವುಟ ನೋಡಿ ಡ್ರಾಪ್‌ ಕೊಟ್ಟರು, ಅಧಿಕಾರಕ್ಕೇರುವ ಭರವಸೆಯಿದು: ಎಸ್‌ಪಿ

ಲಖನೌ: ಉತ್ತರ ಪ್ರದೇಶದಲ್ಲಿ ಮುಂದಿನ ವರ್ಷ ನಡೆಯಲಿರುವ ವಿಧಾನಸಭೆ ಚುನಾವಣೆ ಹಿನ್ನೆಲೆ ರಾಜಕೀಯ ಪಕ್ಷಗಳು ಈಗಾಗಲೇ ಮತದಾರರನ್ನು ಸೆಳೆಯುವ ಕಸರತ್ತನ್ನು ಆರಂಭಿಸಿವೆ. 'ರಾತ್ರಿ ವೇಳೆ ಹೆದ್ದಾರಿಯಲ್ಲಿ ಪಕ್ಷದ ಬಾವುಟ ನೋಡಿ, ತಕ್ಷಣ ನಿಲ್ಲಿಸಿ ಡ್ರಾಪ್‌ ನೀಡಿದರು' ಎನ್ನುವುದರ ಮೂಲಕ ಸಮಾಜವಾದಿ ಪಕ್ಷವನ್ನು ರಾಜ್ಯದ ಜನ ಬಯಸುತ್ತಿರುವುದಾಗಿ ಪಕ್ಷದ ರಾಷ್ಟ್ರೀಯ ವಕ್ತಾರ ಡಾ. ಅನುರಾಗ್‌ ಭದೌರಿಯಾ ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಟ್ವಿಟರ್‌ನಲ್ಲಿ ವಿಡಿಯೊ ಹಂಚಿಕೊಂಡಿರುವ ಭದೌರಿಯಾ, ಅಖಿಲೇಶ್‌ ಯಾದವ್‌ ಅವರು ಪುನಃ ಅಧಿಕಾರಕ್ಕೆ ಬರುವ ಭರವಸೆಯಿದು ಎಂದು ಬರೆದುಕೊಂಡಿದ್ದಾರೆ.

'ನಿನ್ನೆ ರಾತ್ರಿ ನಮ್ಮ ಗಾಡಿ ಹೆದ್ದಾರಿ ರಸ್ತೆ ಮಧ್ಯದಲ್ಲೇ ಕೆಟ್ಟು ಹೋಯಿತು. ಯಾರೂ ಕೂಡ ಲಿಫ್ಟ್‌ ಕೊಡಲಿಲ್ಲ. ಕೊನೆಗೆ ಸಮಾಜವಾದಿ ಪಕ್ಷದ ಲಾಲ್‌ ಟೋಪಿ ಮತ್ತು ಬಾವುಟವನ್ನು ಹಿಡಿದು ನಿಂತಾಗ ತಕ್ಷಣ ಲಿಫ್ಟ್‌ ಸಿಕ್ಕಿತು. ಸಮಾಜವಾದಿ ಪಕ್ಷದ ಮೇಲಿರುವ ಪ್ರೀತಿ ಅಭಿಮಾನವಿದು. ಪಕ್ಷದ ಬಾವುಟವನ್ನು ನೋಡಿ ಹೆದ್ದಾರಿ ಮಧ್ಯೆದಲ್ಲೇ ನಿಲ್ಲಿಸಿ ಲಿಫ್ಟ್‌ ನೀಡಿದ್ದು ವಿಶೇಷ. ಅಖಿಲೇಶ್‌ ಅವರು ಮತ್ತೆ ಅಧಿಕಾರಕ್ಕೆ ಬರುತ್ತಾರೆ ಎಂಬುದರ ಭರವಸೆ' ಎಂದು ಭದೌರಿಯಾ ಪೋಸ್ಟ್‌ನಲ್ಲಿ ವಿವರಿಸಿದ್ದಾರೆ.

ಹೊಗಳಲು ಬಂದ ನಿರೂಪಕಿಗೆ ಕೈಮುಗಿದು, ಬಾಗಿಲಿನತ್ತ ಕೈ ತೋರಿಸಿದ ಸ್ನೇಹಾ ದುಬೆ!

ರಾತ್ರಿ ವೇಳೆ ಹೆದ್ದಾರಿಯಲ್ಲಿ ಸಮಾಜವಾದಿ ಪಕ್ಷದ ಟೋಪಿ ಧರಿಸಿ, ಬಾವುಟ ಹಿಡಿದು ಲಿಫ್ಟ್‌ಗಾಗಿ ಕೇಳುವ ದೃಶ್ಯವಿದೆ. ರಸ್ತೆ ಮಧ್ಯೆ ಬಂದ ವ್ಯಕ್ತಿಯನ್ನು ನೋಡಿ ಟೊಯೊಟಾ ಇನೊವಾ ಕ್ರಿಸ್ಟಾ ಕಾರು ನಿಲ್ಲಿಸುವುದು ಹಾಗೂ ಅವರನ್ನು ಎಲ್ಲಿಗೆ ಹೋಗಬೇಕು ಎಂದು ಕೇಳಿ ಹತ್ತಿಸಿಕೊಳ್ಳುವ ದೃಶ್ಯವಿದೆ.

कल रात हमारी गाड़ी ख़राब हो गई थी।कोई लिफ़्ट नहीं दे रहा था।।जैसे ही लाल टोपी और झंडा लिया।समाजवादी पार्टी से जनता का प्रेम देखिए, समाजवादी टोपी का झंडा देखा और तुरंत लिफ्ट दे दी,वो भी एक्सप्रेस वे पर। ये भरोसा हैकि अखिलेश आ रहे हैं #अखिलेश_आ_रहे_है @yadavakhilesh @samajwadiparty pic.twitter.com/TJrvTTp1pt

— Dr Anurag bhadouria (@anuragspparty) September 25, 2021

ಇದೊಂದು ಪೂರ್ವ ಯೋಜಿತ ಘಟನೆ. ರಾಜಕೀಯ ಗಿಮಿಕ್‌ ಎಂದು ಹಲವರು ಟೀಕಿಸಿದ್ದಾರೆ.

ಭಾರತವನ್ನು 'ತಾಲಿಬಾನಿ ಬಿಜೆಪಿ' ಆಳಲು ಸಾಧ್ಯವಿಲ್ಲ: ಮಮತಾ ಬ್ಯಾನರ್ಜಿ

ಶುಭ್ರಾಸ್ತ್ರ ಎಂಬುವವರು, ಅರೇ ಅನುರಾಗ್‌ ಜೀ ಅವರೇ, ಛಾಯಾಗ್ರಾಹಕರಿಗೆ ಏನಾಯಿತು? ಹೆದ್ದಾರಿಯಲ್ಲಿ ಅವರನ್ನು ಅಲ್ಲೇ ಬಿಟ್ಟು ನೀವು ಹೋಗಿದ್ದಾ? ಎಂದು ಪ್ರಶ್ನಿಸಿದ್ದಾರೆ.

अरे अनुराग जी, photographer का क्या हुआ? उनको वहीं expressway पर छोड़ दिया? 🥱 https://t.co/EDmyE2Y2cq

— शुभ्रास्था (Shubhrastha) (@Shubhrastha) September 25, 2021