ಕೊಚ್ಚಿ: ದೇಶದ 75ನೇ ಸ್ವಾತಂತ್ರ್ಯೋತ್ಸವದ ಹಿನ್ನೆಲೆಯಲ್ಲಿ ಸಾಂಬಾರು ಪದಾರ್ಥಗಳ ಮಂಡಳಿಯು ಭಾನುವಾರ (ಸೆ. 26) ಬೃಹತ್ ಪ್ರಮಾಣದ 75 ಟನ್ ಏಲಕ್ಕಿಯ ಇ–ಹರಾಜು ಆಯೋಜಿಸಿದೆ.
ಇಡುಕ್ಕಿಯ ಪುಟ್ಟಡಿಯಲ್ಲಿರುವ ಮಂಡಳಿಯ ಹರಾಜು ಕೇಂದ್ರದಲ್ಲಿ ಇ–ಹರಾಜು ಪ್ರಕ್ರಿಯೆ ನಡೆಯಲಿದೆ.
‘ಸಾಂಬಾರು ಪದಾರ್ಥಗಳ ಮಾರಾಟಗಾರರು ಹಾಗೂ ಬೆಳೆಗಾರರನ್ನು ಹತ್ತಿರ ತರುವ ಉದ್ಧೇಶದಿಂದ ಇ–ಹರಾಜು ಹಮ್ಮಿಕೊಳ್ಳಲಾಗಿದೆ. ಈ ಸಂದರ್ಭದಲ್ಲಿ ಸಣ್ಣ ಗಾತ್ರದ ಏಲಕ್ಕಿಯನ್ನು ಹರಾಜು ಹಾಕಲಾಗುವುದು’ ಎಂದು ಮಂಡಳಿಯ ಕಾರ್ಯದರ್ಶಿ ಡಿ.ಸತ್ಯನ್ ತಿಳಿಸಿದ್ದಾರೆ.
‘ಸಾಂಬಾರು ಪದಾರ್ಥಗಳನ್ನು ಬೆಳೆಯುವವರಿಗೆ ಉತ್ತಮ ಮಾರುಕಟ್ಟೆ ಒದಗಿಸಿದಂತಾಗುವ ಜೊತೆಗೆ, ಸ್ಪರ್ಧಾತ್ಮಕ ಬೆಲೆಯೂ ಸಿಗಲಿದೆ’ ಎಂದು ತಿಳಿಸಿದ್ದಾರೆ.