ನವದೆಹಲಿ: ಭಾರತೀಯ ನೌಕಪಡೆಯ ಐಎಲ್ 38 ವಿಮಾನವು 74ನೇ ಗಣರಾಜ್ಯೋತ್ಸವದಂದು ಮೊದಲ ಮತ್ತು ಕೊನೆಯ ಬಾರಿಗೆ ಕರ್ತವ್ಯ ಪಥದಲ್ಲಿ ಹಾರಾಟ ನಡೆಸಿತು.
ದೇಶಕ್ಕೆ 44 ವರ್ಷಗಳ ಸೇವೆಯನ್ನು ಪೂರ್ಣಗೊಳಿಸಿರುವ ಐಎಲ್ 38 ವಿಮಾನ ಕೊನೆಯ ಬಾರಿಗೆ ಕರ್ತವ್ಯ ಪಥದಲ್ಲಿ ಹಾರಾಟ ನಡೆಸಿದೆ.
1977ರಲ್ಲಿ ಈ ವಿಮಾನ ನೌಕಾಪಡೆಗೆ ಸೇರ್ಪಡೆಗೊಂಡಿತ್ತು. ಕಡಲ ಕಣ್ಗಾವಲು ಕಾರ್ಯಾಚರಣೆಗಳಲ್ಲಿ ಈ ವಿಮಾನ ನಿರ್ಣಾಯಕ ಪಾತ್ರವಹಿಸಿತ್ತು. ಕಳೆದ ವರ್ಷ ಜನವರಿಯಲ್ಲಿ ಈ ವಿಮಾನದ ಬಳಕೆಯನ್ನು ನಿಲ್ಲಿಸಲಾಗಿದೆ.
ಗಣರಾಜ್ಯೋತ್ಸವದ ಫ್ಲೈ-ಪಾಸ್ಟ್‌ನಲ್ಲಿ ಈ ವಿಮಾನ ಸೇರಿದಂತೆ, ಭಾರತೀಯ ವಾಯುಪಡೆಯ ವಿಮಾನಗಳು, ನೌಕಾಪಡೆಯ ಒಂದು ವಿಮಾನ, ಭೂ ಸೇನೆಯ ನಾಲ್ಕು ಹೆಲಿಕಾಪ್ಟರ್‌ಗಳು ಇದ್ದವು.
