ನವದೆಹಲಿ: ವಿಶ್ವ ಯೋಗ ದಿನದ ಅಂಗವಾಗಿ ಸೋಮವಾರ ದೇಶದ ಜನತೆಗೆ ಶುಭಾಶಯ ಕೋರಿರುವರಾಷ್ಟ್ರಪತಿ ರಾಮನಾಥ್ ಕೋವಿಂದ್, ‘ಕೋವಿಡ್ ಸಾಂಕ್ರಾಮಿಕದ ಸಂದರ್ಭದಲ್ಲಿ ಯೋಗಾಭ್ಯಾಸ ತುಂಬಾ ಸಹಕಾರಿ‘ ಎಂದು ಹೇಳಿದ್ದಾರೆ.
‘ಜಗತ್ತಿಗೆ ಭಾರತ ನೀಡಿದ ಬಹುದೊಡ್ಡ ಕೊಡುಗೆಗಳಲ್ಲಿ ಯೋಗವೂ ಒಂದಾಗಿದೆ‘ ಎಂದು ಅವರು ಹೇಳಿದ್ದಾರೆ.
#ಇಂಟರ್ನ್ಯಾಷನಲ್ ಡೇ ಆಫ್‌ ಯೋಗಾ ವಿಷಸ್‌, ಎಂಬ ಟ್ಯಾಗ್‌ಲೈನ್‌ಲ್ಲಿ ರಾಷ್ಟ್ರಪತಿ ಅವರು ಯೋಗ ಪ್ರದರ್ಶನ ಮಾಡುತ್ತಿರುವ ಚಿತ್ರದೊಂದಿಗೆ ರಾಷ್ಟ್ರಪತಿ ಭವನ ಯೋಗ ದಿನದ ಶುಭಾಶಯವನ್ನು ಟ್ವೀಟ್‌ ಮಾಡಿದೆ.
‘ಸಮಗ್ರ ಆರೋಗ್ಯ ಮತ್ತು ಸಂತೋಷವನ್ನು ಸಾಧಿಸಲು ಮನಸ್ಸು-ದೇಹವನ್ನು ಒಟ್ಟುಗೂಡಿಸುವ ಈ ಯೋಗಾಭ್ಯಾಸ, ಸಹಸ್ರಾರು ವರ್ಷಗಳಿಂದ ಲಕ್ಷಾಂತರ ಜನರಿಗೆ ಪ್ರಯೋಜನ ನೀಡಿದೆ. ವಿಶ್ವಕ್ಕೆ ಭಾರತ ನೀಡಿರುವ ಅತ್ಯುತ್ತಮ ಉಡುಗೊರೆಗಳಲ್ಲಿ ಯೋಗವೂ ಇದು. ಇದು ಕೋವಿಡ್ -19 ಸಾಂಕ್ರಾಮಿಕದ ಕಾಲದಲ್ಲಿ ವಿಶೇಷವಾಗಿ ನೆರವಾಗುತ್ತದೆ‘ ಎಂದು ರಾಷ್ಟ್ರಪತಿ ಭವನ ಟ್ವೀಟ್‌ ಮಾಡಿದೆ.
अंतरराष्ट्रीय योग दिवस की सभी को बधाई। हजारों वर्षों से लाखों-करोड़ों लोगों को स्वस्थ एवं खुशहाल जीवन का वरदान और शरीर एवं मन के संयोजन का साधन, योग के रूप में हमारे ऋषियों ने विश्व को दिया है। मानवता को यह भारत की अनुपम देन है। योग, कोविड-19 के संदर्भ में भी सहायक हो सकता है। pic.twitter.com/Wsuhk57WPR
— President of India (@rashtrapatibhvn) June 21, 2021
