'ಕೋವಿಡ್-19 ತಡೆಯುವ ಪ್ಲಾಸ್ಮಿಡ್ ಡಿಎನ್ಎ ಲಸಿಕೆ ಝೈಕೊವ್-ಡಿ ಮೊದಲ ಹಂತದ ಪರೀಕ್ಷೆಗಳಲ್ಲಿ ಸುರಕ್ಷಿತ ಮತ್ತು ಪರಿಣಾಮಕಾರಿ ಎಂದು ಸಾಬೀತಾಗಿದೆ. ಜುಲೈ 15ರಂದು ಆರಂಭವಾದ ಮೊದಲ ಹಂತದ ಪರೀಕ್ಷೆಗಳಲ್ಲಿ ಆರೋಗ್ಯವಂತರಿಗೆ ಲಸಿಕೆಯನ್ನು ನೀಡಿ ತಪಾಸಣೆ ನಡೆಸಲಾಯಿತು. ಇದು ಪರಿಣಾಮಕಾರಿ ಎಂದು ನಿರೂಪಿತಗೊಂಡಿತು.6ನೇ ಆಗಸ್ಟ್ನಿಂದ ಕಂಪನಿಯು 2ನೇ ಹಂತದ ಪರೀಕ್ಷೆ ಆರಂಭಿಸಲಿದೆ. 1000 ಮಂದಿಗೆ ಲಸಿಕೆ ನೀಡಿ, ಅವರ ದೇಹ ಪ್ರತಿಕ್ರಿಯಿಸುವ ರೀತಿಯನ್ನು ಸೂಕ್ಷ್ಮವಾಗಿ ಗಮನಿಸಲಾಗುವುದು' ಎಂದು ಝೈಡೂಸ್ ಕ್ಯಾಡಿಲಾ ಕಂಪನಿ ಹೇಳಿಕೆಯೊಂದರಲ್ಲಿ ತಿಳಿಸಿದೆ.