ಗ್ರಾಮೀಣ ಸೇವೆ ವೈದ್ಯರ ವೇತನ ಹೆಚ್ಚಳ

ಎಂಬಿಬಿಎಸ್‌ ವೈದ್ಯರಿಗೆ 2021ರ ಮಾರ್ಚ್‌ 31ರವರೆಗಿನ ಅವಧಿಗೆ ಮಾಸಿಕ ₹ 62,666 ವೇತನ ನಿಗದಿಪಡಿಸಲಾಗಿದೆ. ಸ್ನಾತಕೋತ್ತರ ವೈದ್ಯಕೀಯ ಪದವೀಧರರು ಮತ್ತು ಡಿಪ್ಲೊಮಾ ಹೊಂದಿರುವವರಿಗೆ 2021ರ ಮಾರ್ಚ್‌ 31ರವರೆಗೆ ತಿಂಗಳಿಗೆ ₹ 67,615 ಮತ್ತು ಏಪ್ರಿಲ್‌ 1ರಿಂದ ತಿಂಗಳಿಗೆ ₹ 70,000 ವೇತನ ನಿಗದಿಪಡಿಸಲಾಗಿದೆ.

ಈ ಹಿಂದೆ ಕಡ್ಡಾಯ ಗ್ರಾಮೀಣ ಸೇವೆಯ ಎಂಬಿಬಿಎಸ್‌ ವೈದ್ಯರಿಗೆ ಆರೋಗ್ಯ ಇಲಾಖೆಯ ಸಾಮಾನ್ಯ ಕರ್ತವ್ಯದ ವೈದ್ಯರಿಗಿಂತಲೂ ಕಡಿಮೆವೇತನವಿತ್ತು. ಸ್ನಾತಕೋತ್ತರ ವೈದ್ಯಕೀಯ ಪದವೀಧರರು ಮತ್ತು ಡಿಪ್ಲೊಮಾ ಹೊಂದಿರುವವರಿಗೆ ತಿಂಗಳಿಗೆ ₹45,000, ಸೂಪರ್‌ ಸ್ಪೆಷಾಲಿಟಿ ವೈದ್ಯರಿಗೆ ತಿಂಗಳಿಗೆ ₹ 55,000 ವೇತನ ನೀಡಲಾಗುತ್ತಿತ್ತು.