ಪರಿಷತ್ತಿನ ಬೈ–ಲಾ ತಿದ್ದುಪಡಿಗೆ ಸಂಬಂಧಿಸಿದಂತೆ ಕಳೆದ ತಿಂಗಳು ಕಾರ್ಯಕಾರಿ ಸಮಿತಿ ಸಭೆ ನಡೆಸಿ, ಅಭಿಪ್ರಾಯ ಸಂಗ್ರಹಿಸಲಾಗಿತ್ತು.ಅಧಿಕಾರ ಕೇಂದ್ರೀಕರಣ, ಸದಸ್ಯತ್ವಕ್ಕೆ ಶೈಕ್ಷಣಿಕ ಮಾನದಂಡ ನಿಗದಿ ಸೇರಿದಂತೆ ಕೆಲ ಶಿಫಾರಸುಗಳಿಗೆ ಪರಿಷತ್ತಿನ ಕಾರ್ಯಕಾರಿ ಸಮಿತಿ ಸದಸ್ಯರಿಂದ ಆಕ್ಷೇಪಗಳು ಕೇಳಿ ಬಂದಿದ್ದವು. ಹೀಗಾಗಿ, ಅಂತಹ ನಿಯಮಗಳನ್ನು ಸಡಿಲಿಸುವುದಾಗಿ ಭರವಸೆ ನೀಡಿ, ಇನ್ನುಳಿದ ತಿದ್ದುಪಡಿಗೆ ಒಮ್ಮತದ ಅನುಮೋದನೆ ಪಡೆಯಲಾಗಿತ್ತು. ಈಗ ಸಲಹೆಗಳನ್ನು ಆಧರಿಸಿ, ಕೆಲ ಬದಲಾವಣೆಯೊಂದಿಗೆ ಸಮಿತಿ ಅಂತಿಮ ಪ್ರತಿ ನೀಡಿದೆ.