ಸಿಎಂ ಬೊಮ್ಮಾಯಿಗೆ ರೇಸ್‌ ವ್ಯೂ ನಿವಾಸ ಹಂಚಿಕೆ

ಈ ಹಿಂದೆ ಇದನ್ನು ಉನ್ನತ ಶಿಕ್ಷಣ ಸಚಿವ ಡಾ.ಸಿ.ಎನ್‌.ಅಶ್ವತ್ಥನಾರಾಯಣ ಅವರಿಗೆ ಹಂಚಿಕೆ ಮಾಡಲಾಗಿತ್ತು. ಅದನ್ನು ಈಗ ಹಿಂದಕ್ಕೆ ಪಡೆಯಲಾಗಿದೆ. ಬಸವರಾಜ ಬೊಮ್ಮಾಯಿ ಅವರ ಮುಖ್ಯಮಂತ್ರಿ ಅಧಿಕೃತ ನಿವಾಸ ಇದಾಗಿರಲಿದೆ.

ಈ ಮಧ್ಯೆ ‘ಕಾವೇರಿ’ ನಿವಾಸವನ್ನು ಕಂದಾಯ ಸಚಿವ ಆರ್‌.ಅಶೋಕ ಅವರಿಗೆ ಹಂಚಿಕೆ ಮಾಡಲಾಗಿತ್ತು. ಮಾಜಿ ಮುಖ್ಯಮಂತ್ರಿ ಬಿ.ಎಸ್‌.ಯಡಿಯೂರಪ್ಪ ಅವರು ಅಲ್ಲೇ ಉಳಿಯಲು ನಿರ್ಧರಿಸಿರುವುದರಿಂದ ಕಾವೇರಿಯನ್ನು ಬಿಟ್ಟುಕೊಡಲು ಅಶೋಕ ತೀರ್ಮಾನಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ.

ಅಲ್ಲಿ ಇಬ್ಬರು ಮಲಯಾಳಿ ತಾಲಿಬಾನಿಗಳು ಇರಬಹುದು: ವಿಡಿಯೊ ಹಂಚಿಕೊಂಡ ಶಶಿ ತರೂರ್‌

ಸಿಎಂ ಮನೆಗೆ ಮೊಬೈಲ್‌ ನಿಷೇಧ:ಬಸವರಾಜ ಬೊಮ್ಮಾಯಿ ಅವರ ಆರ್‌.ಟಿ.ನಗರದ ನಿವಾಸಕ್ಕೆ ಮೊಬೈಲ್‌ ಒಯ್ಯುವುದಕ್ಕೆ ಕಡಿವಾಣ ಹಾಕಲಾಗಿದೆ. ಮೊಬೈಲ್‌ ಪೋನ್‌ ಮೂಲಕ ಸೆಲ್ಫಿ ತೆಗೆಯಲು ಹಲವರು ಕಿರಿಕಿರಿ ಉಂಟು ಮಾಡುತ್ತಿರುವ ಕಾರಣ ಬೊಮ್ಮಾಯಿ ಅವರ ಮನೆಯ ಗೇಟ್‌ಗೆ ಈ ಸಂಬಂಧ ಸೋಮವಾರ ಮಾಹಿತಿ ಫಲಕ ಹಾಕಲಾಗಿತ್ತು. ಮುಖ್ಯಮಂತ್ರಿ ಗೃಹ ಕಚೇರಿ ‘ಕೃಷ್ಣಾ’ದಲ್ಲಿ ಈ ನಿರ್ದೇಶನ ಅನ್ವಯ ಆಗುವುದಿಲ್ಲ ಎಂದು ಮೂಲಗಳು ಹೇಳಿವೆ.