ಹುಣಸೋಡು ಸ್ಫೋಟ ಪ್ರಕರಣ: ತನಿಖೆಗೆ ಆರು ತಂಡಗಳ ರಚನೆ

ಬಂಧನ: ಪ್ರಕರಣ ಸಂಬಂಧ ನಾಲ್ವರು ಆರೋಪಿಗಳನ್ನು ಬಂಧಿಸ ಲಾಗಿದೆ. ಸ್ಫೋಟದ ಸ್ಥಳದಿಂದ ಸ್ಪಲ್ಪ ದೂರದಲ್ಲಿ ಸೋಮವಾರ 10 ಜಿಲೆಟಿನ್ ಕಡ್ಡಿಗಳು ಸಿಕ್ಕಿವೆ. ತನಿಖೆ ಚುರುಕುಗೊಳ್ಳಲು ಇದು ಪುಷ್ಟಿ ನೀಡಿದೆ. ತನಿಖೆಗೆ ಅನುಕೂಲ
ವಾಗಬಹುದಾದ ಮತ್ತಷ್ಟು ವಸ್ತುಗಳು ಸಿಗುವ ಸಾಧ್ಯತೆ ಇದೆ ಎಂದು ಪೂರ್ವ ವಲಯದ ಐಜಿಪಿ ಎಸ್. ರವಿ ತಿಳಿಸಿದರು.

ಅಕ್ರಮ ಕಲ್ಲು ಗಣಿಗಾರಿಕೆಗೆ ಬಳಸುವ ಸ್ಫೋಟಕ ವಸ್ತುಗಳು ಎಲ್ಲಿಂದ ಬರುತ್ತವೆ? ಅವನ್ನು
ಸರಬರಾಜು ಮಾಡಿದವರಾರು? ಇದರ ಹಿಂದೆ ಯಾರ ಕೈವಾಡವಿದೆ? ಪ್ರತಿ ತಿಂಗಳು ಅಪಾರ ಪ್ರಮಾಣದಲ್ಲಿ ಈ ಸ್ಫೋಟಕಗಳು ಕ್ವಾರೆಗಳನ್ನು ಹೇಗೆ ತಲುಪುತ್ತವೆ ಎಂಬ ಮಾಹಿತಿ ತನಿಖೆಯಿಂದ ಹೊರಬರಬೇಕಾಗಿದೆ.