ಡಾ. ಬಾಳಿಗಗೆ ಉನ್ನತ ವಿಜ್ಞಾನಿ ಗೌರವ

ಮಂಗಳೂರು: ಮಂಗಳೂರು ಇನ್‌ಸ್ಟಿಟ್ಯೂಟ್ ಆಫ್ ಆಂಕಾಲಜಿಯ ಹಿರಿಯ ವಿಕಿರಣ ಜೀವಶಾಸ್ತ್ರಜ್ಞ ಡಾ.ಮಂಜೇಶ್ವರ ಶ್ರೀನಾಥ್ ಬಾಳಿಗ ಅವರು ಆಂಕಾಲಜಿ ಹಾಗೂ ಕಾರ್ಸಿನೋ ಜೆನೆಸಿಸ್ ಕ್ಷೇತ್ರದಲ್ಲಿ, ವಿಶ್ವಮಟ್ಟದ ಶೇ 2 ಉನ್ನತ ಶ್ರೇಣಿಯೊಳಗಿನ ವಿಜ್ಞಾನಿಗಳಲ್ಲಿ ಒಬ್ಬರು ಎಂಬ ಗೌರವಕ್ಕೆ ಪಾತ್ರರಾಗಿದ್ದಾರೆ.

ಅಮೆರಿಕ ಸಾನ್‌ಫೋರ್ಡ್ ವಿಶ್ವವಿದ್ಯಾಲಯವು ಆಂಕಾಲಜಿ ಹಾಗೂ ಕಾರ್ನಿನೋಜೆನಿಸಿಸ್ ವಿಷಯದಲ್ಲಿ ನಡೆಸಿದ್ದ ಅಧ್ಯಯನದಲ್ಲಿ ಡಾ.ಬಾಳಿಗ ಅವರು ವಿಶ್ವಮಟ್ಟದ ಶೇ 3.58 ಅಂಕಗಳಲ್ಲಿ ಶೇ 1.38 ಅಂಕಗಳಿಸಿ ಈ ಮಾನ್ಯತೆಗೆ ಪಾತ್ರರಾಗಿದ್ದಾರೆ. ಈ ಗೌರವ ಪಡೆದ ಭಾರತದ ಏಳನೆಯವರು, ಕರ್ನಾಟಕದಲ್ಲಿ ಮೊದಲಿಗರು ಎಂಬ ಗರಿಮೆಗೆ ಪಾತ್ರರಾಗಿದ್ದಾರೆ.