<p>ಹೈದರಾಬಾದ್ ಕರ್ನಾಟಕದ ಯಾದಗಿರಿ ಜಿಲ್ಲೆಯ ಶಹಾಪುರ ಪಟ್ಟಣಕ್ಕೆ ತಾಗಿ ಪಶ್ಚಿಮ ದಿಕ್ಕಿನಲ್ಲಿ ಸುಮಾರು 10 ಕಿಮಿ ಬೆಟ್ಟಗಳ ಸಾಲು. ಭಗವಾನ ಬುದ್ಧ ಜಗತ್ತಿನೆಲ್ಲೆಡೆ ಸಂಚರಿಸಿ ವಿಶ್ರಾಂತಿಗಾಗಿ ಈ ಬೆಟ್ಟವನ್ನೇ ಆಯ್ದುಕೊಂಡಂತೆ ಇಲ್ಲಿ ಮಲಗಿಬಿಟ್ಟಿದ್ದಾನೆ.<br /> <br /> ಏಕೆಂದರೆ ಒಂದು ಪಾರ್ಶ್ವದಿಂದ ನೋಡಿದರೆ ಇಡೀ ಬೆಟ್ಟವೆ ಮಲಗಿರುವ ಬುದ್ಧನಂತೆ ಕಾಣುತ್ತದೆ.<br /> <br /> ಇಲ್ಲಿನ ಬೆಟ್ಟಗಳಲ್ಲಿ ಕಾಲ ಕಳೆದ ಅನೇಕ ಸಂತರು, ಮಹಾತ್ಮರು ತಮ್ಮ ಜೀವಿತಾವಧಿಯಲ್ಲಿ ಸಮಾಜಕ್ಕೆ ಮಾರ್ಗದರ್ಶನ ಮಾಡಿ ಹೋಗಿದ್ದಾರೆ. <br /> <br /> ಅಂಥವರಲ್ಲೊಬ್ಬರು ಚರಬಸವೇಶ್ವರರು. ಅವರ ಹೆಸರಿನ ದೇವಸ್ಥಾನ ಬೆಟ್ಟಗಳ ಮಧ್ಯದಲ್ಲಿ ರಾರಾಜಿಸುತ್ತ ಮುಕುಟಪ್ರಾಯವಾಗಿದೆ. <br /> <br /> ಸುಮಾರು 150 ವರ್ಷದ ಹಿಂದೆ ಆಗಿ ಹೋದ ಚರಬಸವೇಶ್ವರರು ಕಾಯಕ ಮತ್ತು ದಾಸೋಹ ತತ್ವವನ್ನು ಪ್ರತಿಪಾದಿಸಿದ ಅನುಭಾವಿಗಳು. ಅವರು ಲಿಂಗೈಕ್ಯರಾದ ಮೇಲೆ ಅವರ ಗದ್ದುಗೆಯನ್ನೇ ಭಕ್ತಾದಿಗಳು ದೇವಸ್ಥಾನವಾಗಿ ಪರಿವರ್ತಿಸಿದ್ದಾರೆ.<br /> <br /> ವಿಶಾಲವಾದ ಕೆರೆಯಂಗಳದಲ್ಲಿ ಅತ್ಯಂತ ಸುಂದರವಾಗಿ ನಿರ್ಮಾಣಗೊಂಡ ಈ ಮಂದಿರದಲ್ಲಿ ಗರ್ಭಗುಡಿಯ ಮೇಲೆ ಪೂರ್ವಾಭಿಮುಖವಾಗಿ ಚರಬಸವೇಶ್ವರರ 2 ಅಡಿ ಸುಂದರವಾದ ಅಮೃತಶಿಲೆಯ ಮೂರ್ತಿ ಇದೆ. <br /> <br /> ಇಲ್ಲಿಗೆ ಬರುವ ಯಾತ್ರಿಕರಿಗಾಗಿ ದಿನಂಪ್ರತಿ ದಾಸೋಹದ ವ್ಯವಸ್ಥೆಯಿದೆ. ಅಂದು ಚರಬಸವೇಶ್ವರರು ಪ್ರಾರಂಭಿಸಿದ ಈ ದಾಸೋಹ ಸೇವೆ ಒಂದೇ ಒಂದು ದಿನವೂ ನಿಂತಿಲ್ಲ. <br /> <br /> ಮಂದಿರದಲ್ಲಿ ನಿತ್ಯ ಬೆಳಿಗ್ಗೆ ಮಹಾರುದ್ರಾಭಿಷೇಕ, ತ್ರಿಕಾಲ ಪೂಜೆ, ಅರ್ಚನೆ, ಭಜನೆ ನಡೆಯುತ್ತವೆ. ವಿಶೇಷ ಎಂದರೆ ಇಲ್ಲಿ ಸೇವಾ ಪಟ್ಟಿ ಮಾತ್ರವಲ್ಲ ಹುಂಡಿಯೂ ಇಲ್ಲ.<br /> ಯುಗಾದಿ ಅಮಾವಾಸ್ಯೆಯಾದ ಐದು ದಿನಗಳಿಗೆ ಅದ್ಧೂರಿ ಜಾತ್ರೆ, ರಥೋತ್ಸವ ನಡೆಯುತ್ತದೆ. <br /> <br /> ಆಗ ದನಗಳ ಜಾತ್ರೆ, ಕುಸ್ತಿ ಇನ್ನಿತರ ಗ್ರಾಮೀಣ ಕ್ರೀಡೆಗಳೂ ಇರುತ್ತವೆ. ಪ್ರತಿ ವರ್ಷ ವಿಜಾಪುರ, ಬೆಳಗಾವಿ, ಮಹಾರಾಷ್ಟ್ರದ ವಿವಿಧ ಕಡೆಗಳಿಂದ ಶ್ರೀಶೈಲಕ್ಕೆ ಪಾದಯಾತ್ರೆ ಹೋಗುವ ಭಕ್ತರ ತಂಡಗಳು ಒಂದು ದಿನ ಇಲ್ಲಿಯೇ ತಂಗಿ ಭೋಜನ ಪ್ರಸಾದ ಸ್ವೀಕರಿಸಿ ಮುಂದೆ ಸಾಗುವುದು ವಾಡಿಕೆ.<br /> <br /> ಗುಲ್ಬರ್ಗಕ್ಕೆ ಹೋಗುವ ಹೆದ್ದಾರಿಯಲ್ಲಿ ಶಹಾಪುರ ಪಟ್ಟಣಕ್ಕೆ ಹೊಂದಿಕೊಂಡು ಒಂದು ಕಿಮಿ ಒಳಗೆ ಈ ದೇವಸ್ಥಾನ ಇದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹೈದರಾಬಾದ್ ಕರ್ನಾಟಕದ ಯಾದಗಿರಿ ಜಿಲ್ಲೆಯ ಶಹಾಪುರ ಪಟ್ಟಣಕ್ಕೆ ತಾಗಿ ಪಶ್ಚಿಮ ದಿಕ್ಕಿನಲ್ಲಿ ಸುಮಾರು 10 ಕಿಮಿ ಬೆಟ್ಟಗಳ ಸಾಲು. ಭಗವಾನ ಬುದ್ಧ ಜಗತ್ತಿನೆಲ್ಲೆಡೆ ಸಂಚರಿಸಿ ವಿಶ್ರಾಂತಿಗಾಗಿ ಈ ಬೆಟ್ಟವನ್ನೇ ಆಯ್ದುಕೊಂಡಂತೆ ಇಲ್ಲಿ ಮಲಗಿಬಿಟ್ಟಿದ್ದಾನೆ.<br /> <br /> ಏಕೆಂದರೆ ಒಂದು ಪಾರ್ಶ್ವದಿಂದ ನೋಡಿದರೆ ಇಡೀ ಬೆಟ್ಟವೆ ಮಲಗಿರುವ ಬುದ್ಧನಂತೆ ಕಾಣುತ್ತದೆ.<br /> <br /> ಇಲ್ಲಿನ ಬೆಟ್ಟಗಳಲ್ಲಿ ಕಾಲ ಕಳೆದ ಅನೇಕ ಸಂತರು, ಮಹಾತ್ಮರು ತಮ್ಮ ಜೀವಿತಾವಧಿಯಲ್ಲಿ ಸಮಾಜಕ್ಕೆ ಮಾರ್ಗದರ್ಶನ ಮಾಡಿ ಹೋಗಿದ್ದಾರೆ. <br /> <br /> ಅಂಥವರಲ್ಲೊಬ್ಬರು ಚರಬಸವೇಶ್ವರರು. ಅವರ ಹೆಸರಿನ ದೇವಸ್ಥಾನ ಬೆಟ್ಟಗಳ ಮಧ್ಯದಲ್ಲಿ ರಾರಾಜಿಸುತ್ತ ಮುಕುಟಪ್ರಾಯವಾಗಿದೆ. <br /> <br /> ಸುಮಾರು 150 ವರ್ಷದ ಹಿಂದೆ ಆಗಿ ಹೋದ ಚರಬಸವೇಶ್ವರರು ಕಾಯಕ ಮತ್ತು ದಾಸೋಹ ತತ್ವವನ್ನು ಪ್ರತಿಪಾದಿಸಿದ ಅನುಭಾವಿಗಳು. ಅವರು ಲಿಂಗೈಕ್ಯರಾದ ಮೇಲೆ ಅವರ ಗದ್ದುಗೆಯನ್ನೇ ಭಕ್ತಾದಿಗಳು ದೇವಸ್ಥಾನವಾಗಿ ಪರಿವರ್ತಿಸಿದ್ದಾರೆ.<br /> <br /> ವಿಶಾಲವಾದ ಕೆರೆಯಂಗಳದಲ್ಲಿ ಅತ್ಯಂತ ಸುಂದರವಾಗಿ ನಿರ್ಮಾಣಗೊಂಡ ಈ ಮಂದಿರದಲ್ಲಿ ಗರ್ಭಗುಡಿಯ ಮೇಲೆ ಪೂರ್ವಾಭಿಮುಖವಾಗಿ ಚರಬಸವೇಶ್ವರರ 2 ಅಡಿ ಸುಂದರವಾದ ಅಮೃತಶಿಲೆಯ ಮೂರ್ತಿ ಇದೆ. <br /> <br /> ಇಲ್ಲಿಗೆ ಬರುವ ಯಾತ್ರಿಕರಿಗಾಗಿ ದಿನಂಪ್ರತಿ ದಾಸೋಹದ ವ್ಯವಸ್ಥೆಯಿದೆ. ಅಂದು ಚರಬಸವೇಶ್ವರರು ಪ್ರಾರಂಭಿಸಿದ ಈ ದಾಸೋಹ ಸೇವೆ ಒಂದೇ ಒಂದು ದಿನವೂ ನಿಂತಿಲ್ಲ. <br /> <br /> ಮಂದಿರದಲ್ಲಿ ನಿತ್ಯ ಬೆಳಿಗ್ಗೆ ಮಹಾರುದ್ರಾಭಿಷೇಕ, ತ್ರಿಕಾಲ ಪೂಜೆ, ಅರ್ಚನೆ, ಭಜನೆ ನಡೆಯುತ್ತವೆ. ವಿಶೇಷ ಎಂದರೆ ಇಲ್ಲಿ ಸೇವಾ ಪಟ್ಟಿ ಮಾತ್ರವಲ್ಲ ಹುಂಡಿಯೂ ಇಲ್ಲ.<br /> ಯುಗಾದಿ ಅಮಾವಾಸ್ಯೆಯಾದ ಐದು ದಿನಗಳಿಗೆ ಅದ್ಧೂರಿ ಜಾತ್ರೆ, ರಥೋತ್ಸವ ನಡೆಯುತ್ತದೆ. <br /> <br /> ಆಗ ದನಗಳ ಜಾತ್ರೆ, ಕುಸ್ತಿ ಇನ್ನಿತರ ಗ್ರಾಮೀಣ ಕ್ರೀಡೆಗಳೂ ಇರುತ್ತವೆ. ಪ್ರತಿ ವರ್ಷ ವಿಜಾಪುರ, ಬೆಳಗಾವಿ, ಮಹಾರಾಷ್ಟ್ರದ ವಿವಿಧ ಕಡೆಗಳಿಂದ ಶ್ರೀಶೈಲಕ್ಕೆ ಪಾದಯಾತ್ರೆ ಹೋಗುವ ಭಕ್ತರ ತಂಡಗಳು ಒಂದು ದಿನ ಇಲ್ಲಿಯೇ ತಂಗಿ ಭೋಜನ ಪ್ರಸಾದ ಸ್ವೀಕರಿಸಿ ಮುಂದೆ ಸಾಗುವುದು ವಾಡಿಕೆ.<br /> <br /> ಗುಲ್ಬರ್ಗಕ್ಕೆ ಹೋಗುವ ಹೆದ್ದಾರಿಯಲ್ಲಿ ಶಹಾಪುರ ಪಟ್ಟಣಕ್ಕೆ ಹೊಂದಿಕೊಂಡು ಒಂದು ಕಿಮಿ ಒಳಗೆ ಈ ದೇವಸ್ಥಾನ ಇದೆ.<br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
